Ohipa faatianianiraa na te ao nei i te tairururaa mataeinaa “Faaoraraa fatata!”—Opereraa api parau titau-manihini-raa taa ê a te feia poro a te amuiraa taitahi
1 Te vai ra te hoê ohipa faatianianiraa na te ao nei ma te hoê api parau titau-manihini-raa taa ê i te mau tairururaa mataeinaa o te faatupuhia i roto fatata 155 fenua e o te tamau noa e tae roa i te hoperaa te mau anairaa tairururaa mataeinaa i te ao nei. I roto i teie ohipa opereraa, e faatianiani-atoa-hia te mau tairururaa taa ê i porotaramahia i Heremani, i te Repupirita Tchèque, e i Poronia i te roaraa o Tiurai e i te hebedoma matamua no Atete 2006.
2 No te mea te ora nei tatou i te tuhaa hopea o te mau mahana hopea, e mea tia ia ohipa te mau tairururaa, o te haamataratara i te parau fafau a te Atua o te faaoraraa mai i teie faanahoraa ino o te mau mea, i nia i te feia aau farii e tano e tia ˈi. Ia turai te poroi ia ratou ia feruri eaha te tupu mai a muri aˈe. Ia faaroo te mau mirioni taata i te hoê poroi o te tamahanahanaraa e o te tiaturiraa, te faaitoitohia ra na amuiraa e 98 000 tiahapa a te mau Ite no Iehova na te ao nei ia apiti ma te aau tae i te faatianianiraa i te tairururaa ta ratou e haere atu.
3 E horoahia ˈtu i te mau amuiraa te mau api parau titau-manihini-raa e navai ia nehenehe te taata poro taitahi e fanaˈo e 50 api parau. E nehenehe te mau api parau hau e faaohipahia e te mau pionie i roto i te amuiraa. I roto i te amuiraa taitahi, e haamata te opereraa e toru hebedoma na mua ˈˈe i te taio mahana o te tairururaa ta te amuiraa e haere atu. E navai ïa te taime no te opere na te rahiraa, mai te peu e e ere i te taatoaraa, o te tuhaa fenua a te amuiraa.
4 Te faaitoitohia ˈtu nei e ia horoa-roa-hia te hoê api parau titau-manihini-raa na te fatu fare taitahi i te mau vahi atoa e nehenehe. Aita anaˈe râ vetahi i te fare, e nehenehe e vaiiho omoe i te hoê api parau titau-manihini-raa i te pae uputa. A tutava maite i te opere i te mau api parau titau-manihini-raa taatoa i te roaraa o na hebedoma e toru e tia ˈi.
5 Te tiaturi ra matou e e horoahia te hoê faaiteraa rahi roa ei faahopearaa o teie tutavaraa amui na te ao nei no te faatianiani i te tairururaa mataeinaa “Faaoraraa fatata!” i faataahia i roto i teie tumu parau. E pure matou e ia haamaitai rahi mai Iehova i ta oe iho mau tutavaraa a apiti ai oe i teie ohipa opereraa na te ao nei.