Putuputuraa no te taviniraa

Hebedoma o te 13 no Mati

Himene 41

10 mn: Parau faaara. Parau faaite maitihia o Ta tatou taviniraa i te Basileia. Ma te faaohipa i te mau manaˈo tauturu i te api 8 o Ta tatou taviniraa i te Basileia no Fepuare 2006 aore ra te tahi atu mau faaiteraa e tano i ta outou tuhaa fenua, a faaite e nafea ia pûpû i Te Pare Tiairaa o te 1 no Mati e te Réveillez-vous! no Fepuare. Ia oti te faaiteraa taitahi, e mea tia ia titau manihini te taata poro i te fatu fare i te Oroa haamanaˈoraa maoti te hoê api parau titau-manihini-raa.

15 mn: “A tauturu ia vetahi ê ia fanaˈo i te hoo.”a E faahohonu te tuhaa i muri iho i teie tumu parau e nafea tatou e nehenehe ai e faaohipa i te mau api 206-8 o te buka Bibilia haapii ia titau manihini tatou i te taata i te Oroa haamanaˈoraa.

20 mn: Te Amuraa maa a te Fatu—te hoê oroa o te faahanahana i te Atua. Ma te mau uiraa e te mau pahonoraa niuhia i nia i te mau api 206-8 o te buka Bibilia haapii. I roto i te hoê omuaraa parau iti mai i te hoê minuti, a faaite e nafea e nehenehe ai e haamata i te tumu parau ma te taio i te paratarafa matamua i te fatu fare. I muri iho, a titau manihini i te feia e faaroo ra ia pahono mai i te mau uiraa i muri nei ma te taio ore i te mau paratarafa: (par. 2) Inafea to Iesu haamauraa i te Oroa haamanaˈoraa i to ˈna poheraa? (par. 3) Ehia taime e mea tia ˈi ia faatupu i te Amuraa maa a te Fatu? (par. 4) E nafea te Bibilia e faataa ˈi i te Oroa haamanaˈoraa? (par. 5) E nafea tatou e ite ai e aita Iesu i taui i te pane ei to ˈna iˈo mau e te uaina ei to ˈna toto? (par. 6) Eaha ta te pane hopue ore e faataipe ra? (par. 7) Eaha ta te uaina uteute e faahohoˈa ra? (par. 8) O vai ma anaˈe te rave i te pane e te uaina? (par. 9) Afea te Oroa haamanaˈoraa e faatupuhia ˈi i te matahiti taitahi, e no te aha e mea tia ˈi ia haere atu tatou? A haamahitihiti i te mau irava faufaa ia taimehia. A faaitoito i te taatoaraa ia hiˈopoa i teie mau haamaramaramaraa e te mau piahi Bibilia e te tahi atu mau taata ta ratou e titau manihini i te Oroa haamanaˈoraa ma te taio i te mau paratarafa, ma te aparau i te mau manaˈo faufaa, e ma te faaohipa i te mau uiraa ohie mai tei horoahia ˈtu i roto i teie tuhaa.

Himene 134 e pure faaotiraa.

Hebedoma o te 20 no Mati

Himene 18

10 mn: Parau faaara. A hiˈo faahou i te mau tuhaa faufaa o te “Haamanaˈoraa no te Amuraa maa a te Fatu.”

23 mn: Te tuhaa a te Mesia i roto i te faanahoraa a te Atua. Oreroraa parau niuhia i nia i te buka Organisés pour faire la volonté de Jéhovah, api 10-3. A hiˈopoahia ˈi na paratarafa matamua e piti i raro aˈe i te upoo parau iti “Le rôle du Christ,” a rave e toru aore ra e maha minuti no te horoa e no te faaite i te mau ravea e faaohipa ˈi i te titau-manihini-raa i te Oroa haamanaˈoraa. A hiˈo faahou i te mau manaˈo tauturu o Ta tatou taviniraa i te Basileia no Fepuare 2006, api 3, paratarafa 3.

12 mn: Haapuaihia maoti te buka iti E hiˈopoa anaˈe i te mau Papai i te mau mahana atoa. Oreroraa parau e faahiˈoraa niuhia i nia i te omuaraa parau o te buka iti E hiˈopoa anaˈe i te mau Papai i te mau mahana atoa—2006. A faanaho i te hoê faahiˈoraa o te hoê utuafare e hiˈopoa ra i te irava o teie mahana e te mau tatararaa.

Himene 103 e pure faaotiraa.

Hebedoma o te 27 no Mati

Himene 44

15 mn: Parau faaara. A haamanaˈo i te feia poro ia faahoˈi mai i ta ratou tapura taviniraa no Mati. A taio i te tapura faufaa moni e te mau haamauruururaa no nia i te mau ô. Ma te faaohipa i te mau manaˈo tauturu i te api 8 o Ta tatou taviniraa i te Basileia no Fepuare 2006 aore ra te tahi atu mau faaiteraa e tano i ta outou tuhaa fenua, a faaite e nafea ia pûpû La Tour de Garde o te 1 no Mati e te Réveillez-vous! no Mati. A faaite atoa e nafea ia faaohipa i te api parau titau-manihini-raa i neneihia no te titau manihini i te mau taata e anaanatae ra i te Oroa haamanaˈoraa.

10 mn: Te tamau noa ra anei te Atua i te faatere? Oreroraa parau e faahiˈoraa niuhia i nia i te api hopea o te Tour de Garde o te 1 no Eperera 2006, mai te peu e te vai ra. I te mau taime atoa, a titau manihini i te taata i te oreroraa parau taa ê no te taatoaraa. A titau manihini i te mau piahi Bibilia atoa, tae noa ˈtu te mau melo o to ˈna utuafare o te ore paha e apiti i te haapiiraa bibilia. Te feia matauhia atoa e anaanatae ra e vetahi ê ta tatou e farerei ra i roto i te taviniraa, e mea tia ïa ia faataehia teie titau-manihini-raa taa ê. A faaite e nafea ia faaohipa i te Tour de Garde o te 1 no Eperera ia titau manihini tatou i te hoê taata aita e poro faahou ra aore ra o tei faaea i te haere mai i te mau putuputuraa.

20 mn: Tupuraa o te taviniraa. A titau manihini i te feia e faaroo ra ia faatia i te tahi mau tupuraa ta ratou i farerei i te pûpûraa i te buka Bibilia haapii i te roaraa o Mati. A faaite i te mau haapiiraa bibilia i haamatahia. E nehenehe e hauti-faahou-hia hoê aore ra e piti tupuraa faahiahia.

Himene 170 e pure faaotiraa.

Hebedoma o te 3 no Eperera

Himene 199

15 mn: Parau faaara. A hiˈo poto faahou i te tumu parau “A oaoa i ta tatou haapiiraa Eaha ta te Bibilia e haapii mau ra?” e vai ra i roto i Ta tatou taviniraa i te Basileia no Fepuare 2006, api 6. A huti i te ara-maite-raa i nia i te porotarama haapiiraa i te buka Bibilia haapii. A faaite atoa e nafea ia faaohipa i te api parau titau-manihini-raa i neneihia no te titau manihini i te feia anaanatae i te Oroa haamanaˈoraa.

10 mn: Hinaaro o te amuiraa.

20 mn: “A haapii i te feia aau mǎrû ia haere na to te Atua eˈa.”b A faaô i te tahi mau tatararaa niuhia i nia i Te Pare Tiairaa o te 1 no Tiurai 2004, api 27, paratarafa 9.

Himene 93 e pure faaotiraa.

[Nota i raro i te api]