Haamanaˈoraa no te Haapiiraa o te taviniraa teotaratia
E hiˈopoa-parau-vaha-hia te mau uiraa i muri nei i te Haapiiraa o te taviniraa teotaratia i te hebedoma o te 27 no Fepuare 2006. Na te tiaau no te haapiiraa e faatere i te haamanaˈoraa e 30 minuti o te mau manaˈo i vauvauhia i te mau hebedoma o te 2 no Tenuare e tae atu i te 27 no Fepuare 2006. [Nota: No te uiraa aita i faataahia te papai, na outou e rave i ta outou iho maimiraa ia itea mai te pahonoraa.—A hiˈo i te École du ministère [be], api 36-7.]
TUHAA ORERORAA
1. E nafea te Haapiiraa o te taviniraa teotaratia e tauturu ai ia tatou ia ‘pûpû i te tusia [arueraa] i te Atua e ia [faaite] i to ˈna ra iˈoa [i mua i te taata]’? (Heb. 13:15; MN) [be api 5 par. 3–api 6 par. 1]
2. No te aha e mea tia ˈi ia tutava maite tatou i te taio ma te tano? [be api 83 par. 1-5]
3. Ia paraparau e ia haapii tatou, no te aha mea faufaa roa ˈi ia faahiti i te parau ma te maramarama? [be api 86 par. 1-6]
4. No te aha mea faufaa ˈi te faahitiraa parau tano, e eaha te mau tuhaa e titauhia ia hiˈopoa? [be api 89 par. 1–api 90 par. 3, tumu parau tarenihia]
5. Eaha te tahi mau manaˈo e tauturu ia tatou ia ore e maumau atu â i roto i ta tatou aparauraa? [be api 94 par. 4-5, tumu parau tarenihia]
VAUVAURAA NO 1
6. E nafea te Paraleipomeno 2, 36:17-23 e haapapu ai i te tanoraa o te parau tohu bibilia? [si api 84 par. 35]
7. Eaha te mau anairaa tupuraa i nehenehe ai te mau ati Iuda e hoˈi i to ratou fenua aiˈa i te matahiti 537 H.T.T. no te patu faahou i te fare o Iehova? [si api 85 par. 1-3]
8. E nafea te buka a Ezera e faataa ˈi ia Iehova ei Atua mau e e patu ai i te tiaturi ia ˈna? [si api 87 par. 14, 18]
9. No te aha mea faufaa ˈi “te matahiti taau [aore ra piti ahuru] o te arii ra o Aretehasaseta” i roto i te tuatapaparaa o te tau bibilia? (Neh. 2:1, 5, 6, 11, 17, 18) [si api 88 par. 2, 5]
10. E nafea Nehemia e riro ai ei hiˈoraa maitai no te mau tavini a te Atua i teie mahana? [si api 90 par. 16-7]
TAIORAA BIBILIA TAHEBEDOMA
11. Te vai ra anei i te mau taata i hoˈi te Urima e te Tumima, o tei faaohipahia ua hinaaro-anaˈe-hia te hoê pahonoraa no ǒ mai ia Iehova ra? (Eze. 2:61-63)
12. No te aha e rave rahi ati Iuda i Babulonia i ore ai i hinaaro e haere i Ierusalema na muri ia Ezera? (Eze. 7:28–8:20)
13. Mea nafea te patu-faahou-raa i te patu i nehenehe ai i rave-rima-hoê-noa-hia? (Neh. 4:17, 18)
14. I te mea e ua matauhia ia tuu i te mau leta, aore ra rata huna, i roto i te hoê pute i tapaohia, no te aha Sanabalata i hapono ai i te hoê “leta i tatarahia” ia Nehemia? (Neh. 6:5)
15. Hau atu â i te “avauraa” i te mau ati Iuda i hara faahou, mai ta ˈna i rave i na mua ˈtu i te mau tamaiti hui arii e te feia rarahi, ua rave Nehemia i teihea ˈtu â mau faatitiaifaroraa? (Neh. 13:25, 28)