Parau faaite

◼ Papai e pûpûhia i Fepuare: E haafatata ˈtu ia Iehova. Mai te peu e aita ta outou teie papai, e nehenehe outou e pûpû i te buka Apokalupo—Tatararaa hopea. Mati: Eaha ta te Bibilia e haapii mau ra? A tutava taa ê i te haamata i te mau haapiiraa bibilia. Eperera e Me: Te Pare Tiairaa e te Réveillez-vous! Ia hoˈi outou e farerei i te mau taata i faaite i te anaanatae, te feia iho â râ i haere i te Oroa haamanaˈoraa aore ra i te tahi tupuraa teotaratia, aita râ e apiti roa ra i te amuiraa, a tutava i te haamata i te mau haapiiraa bibilia e o ratou ma te faaohipa i te buka Eaha ta te Bibilia e haapii mau ra?

◼ I te mea e e pae hopea hebedoma to Eperera, e avaˈe maitai roa ïa no te rave i te taviniraa pionie tauturu.

◼ Teie te upoo parau o te oreroraa parau taa ê no te taatoaraa o te vauvauhia i te tau o te Oroa haamanaˈoraa 2006, “Te tamau ra anei te Atua i te faatere?” A hiˈo i te parau faaite o Ta tatou taviniraa i te Basileia no Tetepa 2005.

◼ E hiˈopoahia te tumu parau i te api 6 “A oaoa i ta tatou haapiiraa Eaha ta te Bibilia e haapii mau ra?” i te Putuputuraa o te taviniraa i te hebedoma o te 3 no Eperera. A faaherehere na i tera tumu parau e te porotarama haapiiraa e apee ra.

◼ E titauhia ia hiˈopoa te tiaau peretiteni aore ra te hoê taeae ta ˈna i maiti, i te tapura faufaa moni a te amuiraa i te 1 no Mati, aore ra i muri noa iho i teie taio mahana. Ia faaohipahia te tahi atu vairaa parau moni, ei hiˈoraa no te aufau i te mau haamâuˈaraa no te atuaturaa aore ra te paturaa, e hiˈopoa-atoa-hia te reira. Ia oti taua hiˈopoaraa ra, e faaarahia ˈtu te amuiraa i muri aˈe i te taioraa i te tapura faufaa moni i mua nei.

◼ E hiˈopoa te papai parau e te tiaau no te taviniraa i te ohipa a te taatoaraa o te mau pionie tamau. Mai te peu e te fifi ra vetahi ia naea ta ratou mau hora, e faanaho ïa te mau matahiapo ia tauturuhia ratou. E ite outou i te mau manaˈo tauturu i roto i te mau rata matahiti S-201.