Parau faaite

◼ Papai e pûpûhia i Tenuare: Te mau buka atoa i neneihia hou 1991 na roto i te reo Farani e hou 1995 na roto i te reo Tahiti e vai ra i roto i te amuiraa. Mai te peu e aita faahou ta outou taua mau buka ra, a ani atu i te piha ohipa a te amaa. E nehenehe atoa outou e pûpû L’humanité à la recherche de Dieu. I te feia e ore e farii i te buka, a pûpû atu i te buka rairai E ara! Fepuare: E haafatata ˈtu ia Iehova. Mai te peu e aita ta outou teie papai, e nehenehe outou e pûpû i te buka Apokalupo—Tatararaa hopea. Mati: Eaha ta te Bibilia e haapii mau ra? A tutava taa ê i te haamata i te mau haapiiraa bibilia. Eperera: Te Pare Tiairaa e te Réveillez-vous! Ia hoˈi outou e farerei i te mau taata i faaite i te anaanatae, te feia iho â râ i haere i te Oroa haamanaˈoraa aore ra i te tahi tupuraa teotaratia, aita râ e apiti roa ra i te amuiraa, a tutava i te haamata i te mau haapiiraa bibilia e te buka Eaha ta te Bibilia e haapii mau ra?

◼ I te mea e e pae hopea hebedoma taatoa to Eperera, e avaˈe maitai roa ïa no te rave i te taviniraa pionie tauturu.

◼ Mai Fepuare atu aore ra eiaha ia mairi i te 5 no Mati, teie te oreroraa parau no te taatoaraa a te mau tiaau haaati “E nehenehe outou e fanaˈo i te ora i roto i te hau i teie nei e a muri noa ˈtu!”

◼ E mea tia ia rave te mau amuiraa i te mau faanahoraa e tano no te Oroa haamanaˈoraa, o te tupu i teie matahiti i te Mahana toru 12 no Eperera, i muri aˈe i te toparaa mahana. E faahaerehia te mau taoˈa taipe i muri aˈe noa i te toparaa mahana, noa ˈtu e e nehenehe te oreroraa parau e haamata na mua ˈˈe. A hiˈo maitai i te hora o te toparaa mahana i to outou vahi. E mea tia ia tamata te amuiraa taitahi i te faatupu i ta ˈna iho Oroa haamanaˈoraa. E ere râ i te mea ohie noa ia na reira. I te vahi e putuputu ai tau amuiraa i roto i te hoê â Piha a te Basileia, e nehenehe paha hoê amuiraa aore ra hau atu e faaohipa i te tahi atu piha i taua ahiahi ra. Te ani atu nei matou ia outou, mai te peu e e nehenehe, i te hoê area taime e 40 aˈe minuti no te faataa ê i na putuputuraa e piti ia nehenehe te taatoaraa e haafaufaa roa i te oroa. E mea tia ia hiˈopoa-atoa-hia te mau fifi i te pae o te tereraa pereoo e te vahi tapearaa, tae noa ˈtu te haapouraa mai e te ohiraa ˈtu i te mau taata. E mea tia ia faaoti te tino matahiapo eaha te mau faanahoraa e tano aˈe i te vahi iho.

◼ Ia opua outou i te tere atu i te tahi fenua e i te haere i te mau putuputuraa, aore ra i te hoê tairururaa haaati aore ra mataeinaa, e mea tia ia faatae-roa-hia ˈtu ta outou mau aniraa i te mau haamaramaramaraa no nia i te mau taio mahana, te mau hora e te mau vahi nohoraa i te piha ohipa a te amaa o te tiaau ra i te ohipa i taua fenua ra. Ua papaihia te mau vahi nohoraa o te mau piha ohipa a te mau amaa i te api hopea o te Annuaire hopea nei.