Te hoê faanahoraa apî no te tauturu ia tatou ia haapae i te toto

Ua farii te Tino aratai ia amuihia i nia i te hoê noa api parau haamanahia, te mau tuhaa faufaa o te mau faaueraa faanaho-oioi-hia e o te tareta Attestation prévisionnelle. E parau pinepine tatou i teie api parau apî Instructions médicales/Directives anticipées.

E mana tamau to teie api parau; e faataa atoa te reira i to outou hinaaro tei te ara anaˈe outou. A muri aˈe, e mea tia ia faaî outou i te hoê api parau apî Instructions médicales/Directives anticipées (1) ia titauhia outou ia tapao i te tahi tauiraa, mai te tauiraa o ta outou aniraa, te taata o ta outou e tiaturi, te vahi nohoraa aore ra te numera niuniu, e te vai ra ˈtu â, aore ra (2) ia moe aore ra ia ino roa ta outou api parau.

E mea tia ia hiˈopoahia te api parau Instructions médicales/Directives anticipées na roto i te pure e ia faaî-maitai-hia te reira i te fare. I te tahi taime, e nehenehe te mau tiaau no te haapiiraa buka e ani i te feia aitâ i faaî atura i ta ratou api parau mai te peu e e hinaaro ratou i te tauturu.

Hou a oopi ai i ta outou api parau Instructions médicales/Directives anticipées, a nenei i te tahi mau hohoˈa maitatai o te reira na ta outou mau taata tiaturi e na to outou taote; a tapea mai hoê i rotopu i ta outou mau api parau faufaa. E hinaaro atoa paha outou e horoa hoê na te tahi mau melo o to outou fetii aore ra na te papai parau o ta outou amuiraa. A nenei, i nia i te api aro, i te mau hohoˈa maitatai o na api e piti o te api parau, ma te faatano maitai i te api taitahi i ropu. O ta outou api parau tumu Instructions médicales/Directives anticipées ta outou e tapea noa i nia ia outou, eiaha râ te hohoˈa neneihia.

Aita te Carte d’identité, tei tapaohia te taio mahana neneiraa 3/99 no te mau tamarii bapetizo-ore-hia a te mau metua Ite, i taui. E mea tia ia papu maitai i te mau metua e e tareta faaî-maitai-hia e tuurimahia ta ta ratou tamarii taitahi, aitâ i raea te matahiti, e te vai ra te reira i nia ia ratou i te taime au.

E nehenehe te feia poro bapetizo-ore-hia e rave i te mau manaˈo o te api parau Instructions médicales/Directives anticipées e o te Carte d’identité no te papai i ta ratou iho mau faaueraa no te pae rapaauraa, no ratou iho e no ta ratou mau tamarii. I te roaraa o te matahiti, e horoa te papai parau i te hoê api parau Instructions médicales/Directives anticipées i te taata poro atoa i bapetizo-apî-hia.