Haamanaˈoraa no te Haapiiraa o te taviniraa teotaratia
E hiˈopoa-parau-vaha-hia te mau uiraa i muri nei i te Haapiiraa o te taviniraa teotaratia i te hebedoma o te 26 no Titema 2005. Na te tiaau no te haapiiraa e faatere i te haamanaˈoraa e 30 minuti o te mau manaˈo i vauvauhia i te mau hebedoma o te 7 no Novema e tae atu i te 26 no Titema 2005. [Nota: No te uiraa aita i faataahia te papai, na outou e rave i ta outou iho maimiraa ia itea mai te pahonoraa.—A hiˈo i te École du ministère (be), api 36-7.]
TUHAA ORERORAA
1. E nafea tatou e papu ai e ua horoa tatou i te aˈoraa “no te aroha”? (Philem. 9) [be api 266]
2. E nafea tatou e nehenehe ai e “aˈo ma te haapii i te parau ora”? (Tito 1:9, MN) [be api 266 par. 5–api 267 par. 1]
3. No te aha e mea faufaa ˈi ia riro ta tatou mau oreroraa ei mea faaitoito, e e nafea ïa tatou? [be api 268 par. 1-3, tumu parau tarenihia]
4. Ia au i te hiˈoraa o Mose, e nafea te haamanaˈoraa i to tatou mau hoa i ta Iehova i rave no to ˈna nunaa, e riro ai ei ravea no te faaitoito ia ratou? (Deut. 3:28; 31:1-8) [be api 268 par. 5–api 269 par. 2]
5. No te aha te paraparauraa ma te oaoa i ta Iehova e rave nei i to tatou tau e ta ˈna e rave a muri aˈe e nehenehe ai e faaitoito i te feia e faaroo maira? [be api 270-1]
VAUVAURAA NO 1
6. Eaha te Septante, e no te aha te mau Kerisetiano e anaanatae ai i te reira? [si api 307 par. 12–api 310 par. 14]
7. O vai ma te mau Massorètes, e eaha te turu faufaa roa ta ratou i horoa i te huriraa o te Bibilia? [si api 310 par. 18; api 311 par. 20-1]
8. Eaha te niu no te huri i te mau Papai Hebera na roto i te reo Beretane o te Traduction du monde nouveau, e no te aha tatou e nehenehe ai e parau e e huriraa tiaturihia e te mana te reira? [si api 312 par. 28, 30]
9. Eaha te hinaaro uˈana ta te mau Kerisetiano matamua i faahotu no te faaite i te Parau a te Atua? [si api 315 par. 1-5]
10. Eaha ta te faahohonuraa i te mau parau papai e te mau papai e vai ra o te mau Parau Moˈa, e faaite ra no nia i te Bibilia? [si api 320 par. 32]
TAIORAA BIBILIA TAHEBEDOMA
11. Aita Iehova i faatia ia Davida ia patu i te hiero, te auraa anei ïa e aita oia i farii i te mau tamaˈi a Davida? (Par. 1, 22:6-10)
12. I roto i ta ˈna pure i te avariraa o te hiero, mea nafea to Solomona faaiteraa e aita noa Iehova e tapitapi ra no te mau hinaaro o ta ˈna mau tavini ei pǔpǔ, ua ite atoa râ o ˈna i te tupuraa iho o te taata taitahi e mǎtaˈu ra ia ˈna? (Par. 2, 6:29, 30)
13. Eaha te mau “demoni hohoˈa puaaniho oni” e faahitihia ra i roto i te Paraleipomeno 2, 11:15 (MN)?
14. Ua haamata o Baasa i te faatere i ‘te toru o to Asa matahiti’ e e 24 noa matahiti i te maoro, e nafea ïa ia taa i te parau e ua haere Baasa “e rave ia Iuda” “i te matahiti e toru ahuru ma ono o te hau o Asa”? (Arii 1, 15:33; Par. 2, 16:1)
15. E nafea te Paraleipomeno 2, 20:22, 23 e faahohoˈa maitai roa ˈi i te mea e fatata i te tupu i nia i te ao a Satani?