Putuputuraa no te taviniraa

Hebedoma o te 12 no Titema

Himene 32

10 mn: Parau faaara e parau faaite e tano o Ta tatou taviniraa i te Basileia. Faahiˈoraa: faaiteraa o te Tour de Garde o te 15 no Novema e o te Réveillez-vous! o te 22 no Novema; a rave faahou mai i te mau manaˈo tauturu o te api 4 o Ta tatou taviniraa i te Basileia no Novema 2005 (mai te peu e e tano i te tuhaa fenua a ta outou amuiraa). E nehenehe outou e faaohipa i te tahi atu mau faaiteraa au noa. I muri aˈe i na faahiˈoraa taitahi, a faaite e nafea e nehenehe ai e faaô ohie i te hoê irava bibilia i roto i te faaiteraa.

15 mn: “Te hoê haapiiraa o te tauturu ia tatou ia rave i te mau faaohiparaa e au.” Oreroraa parau vauvauhia e te tiaau no te haapiiraa. A faahiti poto noa i te tahi mau manaˈo o te api hau o Ta tatou taviniraa i te Basileia no Atopa 2005.

20 mn: “Te haapiiraa e aratai i te ora.”a A ani oioi hoê aore ra e piti taata poro ia faaite e nafea raua i te faufaaraahia i te haapiiraa a te Atua.

Himene 101 e pure faaotiraa.

Hebedoma o te 19 no Titema

Himene 160

5 mn: Parau faaara. A faaara i te mau faanahoraa no te pororaa i te 25 no Titema e te 1 no Tenuare.

15 mn: “E faaite anaˈe i te anaanatae mau: ma te faaau atu ia tatou iho.”b Faahiˈoraa poto: e faatano te taata poro i ta ˈna faaiteraa i nia i te mau parau a te fatu fare.

25 mn: “E nehenehe anei ta outou tamarii e rave i te hoê faaotiraa paari?”c Tuhaa vauvauhia e te hoê matahiapo. A ani i te hoê taeae taio maitai ia taio i te mau paratarafa atoa. A tatara i te mau irava atoa i horoahia. I muri aˈe i te hiˈopoaraa o te paratarafa 2, a haamahitihiti i te taa-ê-raa i roto i te mau tupuraa o na taurearea e piti i faahitihia i te mau paratarafa 16-7 e te tumu parau tarenihia, i te mau api 30-1 o Te Pare Tiairaa o te 1 no Tiunu 1991. Ei faaotiraa, a faaitoito i te mau metua ia hiˈo faahou i tera tumu parau i roto i Te Pare Tiairaa e ia faanaho oioi i te mau tauaparauraa e te mau taime faaineineraa e ta ratou mau tamarii no nia i te faaueraa bibilia no nia i te toto, ma te faaitoito ia ratou ia faaite i to ratou mau tiaturiraa ma te papu. E mea tia ia papu te mau upoo utuafare e te vai ra te tareta Pas de sang a te mau tamarii atoa i bapetizohia e te Carte d’identité a te mau tamarii atoa aita i bapetizohia. I te mau taime atoa e tapeahia ˈi te hoê i te fare maˈi e e faaohipahia ˈi te pâmuraa toto, e titauhia te mau matahiapo ia farerei i te Tomite tuatiraa e te fare maˈi no te tauturu.

Himene 56 e pure faaotiraa.

Hebedoma o te 26 no Titema

Himene 85

5 mn: Parau faaara. Tapura faufaa moni e taioraa o te mau haamauruururaa no nia i te mau ô. A haamanaˈo i te feia poro ia faahoˈi mai i ta ratou tapura taviniraa no Titema. Mai te peu e e taui te mau hora putuputuraa no te matahiti apî, a faaite i te mau hora putuputuraa apî. A faahiti i te mau papai e pûpûhia i Tenuare, e a faaite ihea tera mau hohoˈa faaiteraa e itehia ˈi.

15 mn: Hinaaro o te amuiraa.

25 mn: E auraro anaˈe i te faaueraa a te Atua ia haapae tatou i te toto. Oreroraa parau vauvauhia e te hoê matahiapo i nia i te hoê tumu parau horoahia e te amaa. A haapapu i te omuaraa iho â e eita e titauhia ia faaî i te mau api parau Instructions médicales/Directives anticipées i te reira po. A taio ai oia i te tumu parau, e nehenehe te taata orero e horoa atoa i te tahi mau manaˈo poto no te haapapu i te mau manaˈo tumu, eiaha râ e horoa i te mau hiˈoraa aore ra te mau irava hau. E nehenehe te mau irava i horoahia ˈtu e taiohia aore ra e faahitihia ia taimehia. I te tahi mau vahi, a huti i te ara-maite-raa i nia i te mau pereota o te tumu parau tarenihia “Te hoê faanahoraa apî no te tauturu ia tatou ia haapae i te toto.” E opere te papai parau na te feia poro bapetizohia atoa te hoê api parau Instructions médicales/Directives anticipées e te mau “Instructions pour remplir le document Instructions médicales/Directives anticipées,” ia nehenehe ratou e apee i teie tuhaa o te porotarama. E ara atoa te papai parau e ua navai maitai te Carte d’identité.

Himene 222 e pure faaotiraa.

Hebedoma o te 2 no Tenuare

Himene 5

Nota: Eiaha te mau amuiraa e faanuu mai i te mahana o te Putuputuraa no te taviniraa o te hebedoma o te 2 no Tenuare, taa ê noa ˈtu ia tere atu te tiaau haaati. I roto i te mau amuiraa atoa, e mea tia ia hiˈopoahia te api hau no nia i te tairururaa mataeinaa, i te Putuputuraa no te taviniraa mai tei faanahohia. Mai te peu e e tupu te hoê tairururaa haaati i taua hebedoma ra, e mea tia ia faaara te mau tiaau no te haapiiraa buka i te vahi e te taio mahana o te tairururaa mataeinaa i roto i te haapiiraa buka i faanahohia mai tei matauhia na.

5 mn: Parau faaara.

15 mn: “E faaohipa anaˈe ma te paari i ta tatou mau papai bibilia.”d A faahiti i te tahi mau manaˈo o Ta tatou taviniraa i te Basileia no Tetepa 2002, api 1.

25 mn: “‘Ua fatata te faaoraraa’—Tairururaa mataeinaa 2006 a te mau Ite no Iehova.”e Tuhaa vauvauhia e te papai parau o te amuiraa. I muri aˈe i te hiˈopoaraa o te paratarafa 1, a taio i te rata o te 15 no Titema 2005 o te faataa ra teihea te tairururaa ta te amuiraa i titauhia ia amui atu. A faaitoito i te taata taitahi ia rave oioi i te mau faanahoraa no te tairururaa.

Himene 48 e pure faaotiraa.

[Nota i raro i te api]