E nafea ia pûpû i te mau vea

La Tour de Garde 15 no Novema

“E rave rahi taata e uiui nei no te aha te mau fifi i roto i te ao nei e ino noa ˈtu ai aita râ e afaro maira. E manaˈo anei oe e e nehenehe te mea ta teie irava e parau ra e faataa i te tumu o teie huru tupuraa? [A taio i te Apokalupo 12:9. E a vaiiho i te taata ia pahono.] E faahiti teie vea i te mau ravea ta te Diabolo e faaohipa ra no te haavare i te taata. E faataa atoa te reira e nafea tatou e nehenehe ai e patoi ia ˈna.”

Réveillez-vous! 22 no Novema

“Te vai nei i nia i te fenua e rave rahi roa maa e paia ˈi te mau taata atoa. Fatata e 800 mirioni taata râ te ravai ore nei i te maa. E ere anei i te mea peapea? [A vaiiho i te taata ia pahono.] E faaite teie vea i te fifi e maraa noa ˈtura no te horoa i te maa i te mau oire. E faaite atoa te reira i ta te Bibilia e fafau ra, te hoê ao eita te taata e poia faahou.” A taio i te Salamo 72:16a.

Te Pare Tiairaa 1 no Titema

“Ia faaroo ratou i te parau ra ‘Aramagedo,’ e manaˈo e rave rahi taata i te hoê haamouraa rahi riaria. [A faaite i te tumu parau tarenihia i te api 3.] E hitimahuta anei oe i te ite e o Aramagedo te tahi o te mau mea maitai roa ˈˈe e nehenehe e tupu no tatou? [A vaiiho i te taata ia pahono.] E faataa teie vea no te aha.” A taio i te Petero 2, 3:13.

Réveillez-vous! 8 no Titema

“Te hinaaro nei au e paraparau ia oe no te tau e fanaˈo ai te taata atoa i te hoê nohoraa maitai. E ere anei i te mea peapea ia ite e rave rahi taata aita e fare? [A vaiiho i te taata ia pahono. E a taio i te Isaia 65:21, 22.] E faaite teie vea i te mau tumu o tera huru tupuraa. E faataa atoa te reira e nafea te Atua e faatupu ai i te parau fafau o ta tâua i taio iho nei.”