Parau faaite

◼ Papai e pûpûhia i Tetepa: Y a-t-il un Créateur qui se soucie de vous? E nehenehe atoa e pûpû: Nafea ia faatupu i te hoê oraraa utuafare oaoa. I te feia e ore e farii i te buka, a pûpû atu i te buka rairai E ara! Atopa: Te Pare Tiairaa e te Réveillez-vous! Mai te peu e e anaanatae te mau taata, a pûpû atu i te buka rairai Titau. Novema: Écoute le grand Enseignant na roto i te reo Farani aore ra Ta ˈu Buka Aamu Bibilia na roto i te reo Tahiti. I te taata e parau mai aita ta ˈna e tamarii, a pûpû atu i te buka Ite aore ra i te api parau E hinaaro anei outou e ite hau atu â no nia i te Bibilia? Titema: Te taata rahi roa ˈˈe i ora aˈenei. E nehenehe atoa outou e pûpû: Te Bibilia—Parau na te Atua aore ra na te Taata?; aore ra E nehenehe oe e ora e a muri noa ˈtu i roto i te paradaiso i nia i te fenua nei.

◼ Eita te amaa e farii i te mau aniraa buka a te taata poro taitahi. E haapao te tiaau peretiteni e ia horoahia te hoê parau faaara i te mau avaˈe atoa hou te aniraa buka taavaˈe a te amuiraa e haponohia ˈi i te amaa. Na roto i teie ravea, e nehenehe ïa te feia atoa e hinaaro ra i te tahi mau buka na ratou iho e faaara i te taeae haapao i te mau buka. A haamanaˈo eaha te mau buka e mea titauhia ia ani i nia i te hoê api parau aniraa taa ê.

◼ E ara te mau matahiapo i te pee i te mau aˈoraa o Te Pare Tiairaa o te 1 no Eperera 1991, api 25-7, no te mau taata atoa i tiavaruhia aore ra tei iriti ia ratou e o te nehenehe e faaite i te hinaaro e hoˈi mai.

◼ E vauvauhia te oreroraa parau taa ê no te taatoaraa i faanahohia no te tau o te Oroa haamanaˈoraa 2006 i te Tapati 30 no Eperera. E faaitehia ˈtu te manaˈo tumu o te oreroraa parau i muri aˈe. E faaroo te mau amuiraa e terehia ˈtu e te tiaau haaati aore ra e tairururaa ta ratou i taua hopea hebedoma ra, i te oreroraa parau taa ê i te hebedoma i muri iho. Eiaha te tahi noa ˈˈe amuiraa e vauvau i teie oreroraa parau na mua ˈˈe i te Tapati 30 no Eperera 2006.

◼ E pae hopea hebedoma taatoa to te avaˈe Atopa, e tano ïa ia rave i te taviniraa pionie tauturu.

◼ E mea tia ia haamata te mau amuiraa i te ani i teie nei i te mau buka tahoêhia o Te Pare Tiairaa e te Réveillez-vous! 2005 e oia atoa te CD-ROM Watchtower Library—Édition 2005. E tuuhia ˈtu te tapura o te mau reo o tera mau mea i roto i te “Avis aux congrégations” haponohia i te mau avaˈe atoa. A tapao e no te mau melo bapetizohia o te amuiraa te Watchtower Library—Édition 2005 e e nehenehe e fanaˈohia na roto noa i te arai o te amuiraa.

◼ Hape: I roto i te buka “Quˈenseigne réellement la Bible?,” a mono “1 avant notre ère” na roto ia “1 de notre ère” i te api 216 i te pae atau o te tumu parau tarenihia.

◼ I te roaraa o te matahiti taviniraa 2006, e nehenehe te feia poro atoa o te rave i te taviniraa pionie tauturu i te avaˈe e haere atu ai te tiaau haaati i ta ratou amuiraa e apiti i te tuhaa matamua o te putuputuraa e tupu i te reira hebedoma e te mau pionie tamau. Te faaitoitohia ra te feia atoa e nehenehe ia fanaˈo i tera faanahoraa taa ê.