E nafea ia pûpû i te mau vea

La Tour de Garde 15 no Atete

“Ia pohe tei herehia, e rave rahi taata o te uiui nei eaha te tupu i muri aˈe i te pohe. E manaˈo anei oe e e nehenehe e taa i te pohe? [A vaiiho i te taata ia pahono.] Te faataa ra teie vea i ta te Bibilia e parau ra no nia i te huru o te feia pohe. Te tauaparau atoa ra i te parau fafau a te Atua o te tia-faahou-raa o to tatou feia here i pohe.” A taio i te Ioane 5:28, 29.

Réveillez-vous! 22 no Atete

“Ua ite anei oe e ua parauhia te ohipa ratereraa ei paoti ohipa numera hoê i te ao nei? [A vaiiho i te taata ia pahono.] E hopoi mai te tupuraa o te ohipa ratereraa i te mau haamaitairaa e te mau fifi. Te faataa ra teie vea i te mau mea maitai e te mau mea ino o te tapihaa o te ohipa ratereraa o teie tau. Te horoa atoa ra te reira i te tahi mau aˈoraa e au ia faaohipa no te feia e ratere na te nunaa rau.”

Te Pare Tiairaa 1 no Tetepa

“I roto i te ao o teie tau, e maitai morare te taiva ore e pinepine aˈe i te haapopouhia i te faaohipahia. Aita anei oe e manaˈo ra e mea faahiahia mai te peu e e mea rahi aˈe te taata mai teie hoa i faataahia i ǒ nei? [A taio i te Maseli 17:17. E a vaiiho i te taata ia pahono.] Te faaite ra teie vea e mea hoona ia taiva ore i to ˈna utuafare e to ˈna mau hoa.”

Réveillez-vous! 8 no Tetepa

“Peneiaˈe ua maere aˈena oe i te haa-amui-raa e vai ra i roto i te natura. [A faahiti i te hoê o te mau hiˈoraa i roto i te tumu parau.] Aita anei oe e peapea ra e e mea varavara teie haa-amui-raa i rotopu i te mau taata? [A vaiiho i te taata ia pahono.] Te faataa ra teie vea e nafea te Atua e fatata ˈi i te haamau i te hau e te au-maite-raa i nia i te fenua.” A taio i te Isaia 11:9.