Putuputuraa no te taviniraa

Hebedoma o te 13 no Tiunu

Himene 198

10 mn: Parau faaara e parau faaite e tano o Ta tatou taviniraa i te Basileia. Faahiˈoraa: faaiteraa o te Tour de Garde o te 15 no Me e o te Réveillez-vous! o te 22 no Me; a rave faahou mai i te mau manaˈo tauturu o te api 8 o Ta tatou taviniraa i te Basileia no Me 2005 (mai te peu e e tano i te tuhaa fenua a ta outou amuiraa). E nehenehe outou e faaohipa i te tahi atu mau faaiteraa au noa. I roto hoê o na faahiˈoraa, e horoa te taata poro i te faaiteraa ma te faanaho-ore-hia.

15 mn: A tauturu i te feia tae apî mai ia riro ei feia poro bapetizo-ore-hia. Tuhaa vauvauhia e te hoê matahiapo. Oreroraa parau e aparauraa e te feia e faaroo ra niuhia i nia i te buka Organisés pour faire la volonté de Jéhovah, api 79-81. A faahiti i te aparauraa e faaotihia ˈi e te faaî ra anei te hoê piahi Bibilia i te mau titauraa o te mau Papai no te poro e te amuiraa. I te hebedoma i mua, e hiˈopoa tatou e nafea tatou e nehenehe ai e faaineine i te hoê piahi Bibilia o te faaî ra i te mau titauraa no te riro ei taata poro bapetizo-ore-hia, ia apiti hoi oia i te taviniraa i tera fare i tera fare.

20 mn: “E tauturu te pororaa ia tatou ia tamau maite.”a Ia taimehia, a ani i te feia e faaroo ra ia tatara i te mau irava bibilia horoahia.

Himene 149 e pure faaotiraa.

Hebedoma o te 20 no Tiunu

Himene 206

10 mn: Parau faaara. A hiˈo faahou i te mau manaˈo faufaa o Ta tatou taviniraa i te Basileia no Tiurai 2003, api 4. A faataa e nafea e noaa ˈi i te feia poro te mau papai na roto i te reo ê. A tatara i tera tumu parau ia au i te huru tupuraa o ta outou tuhaa fenua. A ani i te mau buka e te tahi atu mau mea na roto i te reo ê i te taeae haapao buka, noa ˈtu e hoê anaˈe mea; eita ïa te opereraa e maoro faufaa ore noa.

15 mn: E mea puai rahi te Parau a te Atua. (Heb. 4:12) Oreroraa parau niuhia i nia i Te Pare Tiairaa o te 1 no Titema 2003, api 9, paratarafa 13-7. A faatia i te tahi mau tupuraa o te faaite ra e e nehenehe te haapiiraa bibilia e turai i te taata ia taui i to ratou huru oraraa. (w00 1/1 api 3-5) A faaitoito i te taatoaraa i tae mai ia faaohipa maitai i te Bibilia i roto i te mau tuhaa atoa o te taviniraa.

20 mn: “E faatere anaˈe i te mau haapiiraa bibilia o te paturu i te mau haereraa i mua—Tuhaa 10.”b A rave i te faahiˈoraa o te hoê taime faaineineraa. E rave te piahi i te hoê faaiteraa; e faahiti te orometua haapii o te hauti i te taata fare o te tuhaa fenua i te hoê patoiraa matauhia e, no te mea aita te piahi i ite i te pahonoraa, e faaite oia i ta ˈna e nehenehe e parau. A ani oioi atoa hoê aore ra e piti taata poro ia faataa i te faaineineraa ta raua i fanaˈo i to raua haamataraa i te apiti i te taviniraa i tera fare i tera fare.

Himene 208 e pure faaotiraa.

Hebedoma o te 27 no Tiunu

Himene 113

10 mn: Parau faaara. A haamanaˈo i te feia poro ia faahoˈi mai i ta ratou tapura taviniraa no Tiunu. A taio i te mau haamauruururaa no nia i te mau ô. Faahiˈoraa: faaiteraa o Te Pare Tiairaa o te 1 no Tiunu aore ra o te Réveillez-vous! o te 8 no Tiunu; a rave faahou mai i te mau manaˈo tauturu o te api 8 o Ta tatou taviniraa i te Basileia no Me 2005 (mai te peu e e tano i te tuhaa fenua a ta outou amuiraa). E nehenehe outou e faaohipa i te tahi atu faaiteraa au noa. Ia oti te faahiˈoraa, a faahiti faahou i te mau parau matamua a te taata poro tei faaara i te anaanatae o te taata.

15 mn: Hinaaro o te amuiraa.

20 mn: E pûpû tatou i te mau buka rairai i Tiurai e Atete. Oreroraa parau e aparauraa e te feia e faaroo ra niuhia i nia i te api hau. A faataa poto noa e nafea ia faaohipa i te api hau, ma te haamataratara i te tumu parau tarenihia o te api 3 e te mau manaˈo faufaa o Ta tatou taviniraa i te Basileia no Tenuare 2005, api 8. A hiˈo i te mau manaˈo tauturu e tano i te tuhaa fenua a ta outou amuiraa, a nehenehe atu ai e pûpû i te hoê buka rairai i te farereiraa matamua. Faahiˈoraa no e piti aore ra e toru faaiteraa. I roto hoê aˈe faahiˈoraa, mea apî te taata poro.

Himene 196 e pure faaotiraa.

Hebedoma o te 4 no Tiurai

Himene 70

10 mn: Parau faaara.

15 mn: Te faufaahia ra anei outou i te hoê porotarama utuafare? A hiˈo faahou i te mau manaˈo tauturu o te api hau o Ta tatou taviniraa i te Basileia no Me 2005 e a ani i te feia i tae mai ia faataa i te mau tutavaraa ta ratou e rave ra no te faaohipa i te reira, e te mau maitai ta ratou e fanaˈo ra.

20 mn: “Pororaa ma te manuïa i te vahi taata.”c A faatano i te mau manaˈo i ta outou tuhaa fenua. A haamanaˈo i te feia poro ia faaohipa i te api parau Veuillez suivre l’intérêt (S-43) ia titauhia.—A hiˈo i Ta tatou taviniraa i te Basileia no Fepuare 2005, api 6.

Himene 120 e pure faaotiraa.

[Nota i raro i te api]