A haamau i te hoê porotarama utuafare tano

¹ I roto i ta ˈna Aˈoraa i nia i te mouˈa, ua faaitoito Iesu i te feia e faaroo ra ia ˈna e: “E mata na râ outou i te imi i te basileia o te Atua, e te parau-tia na ˈna.” (Mat. 6:33) No te faanaho i te mau ohipa a te utuafare ia nehenehe te mau mea i te pae varua e tuuhia na mua, e mea au te hoê porotarama papaihia. A rave maa taime no te haamau i ta outou iho porotarama utuafare tahebedoma, ma te faaohipa i te tapura i te api 6 o teie api hau. E hinaaro paha vetahi e tapupu e e tapiri i te mau tuhaa i pûpûhia ˈtu; mea au aˈe paha na vetahi ê e faaî rima i te tapura.

² E nehenehe te hohoˈa porotarama i raro nei e tauturu ia outou ia haamau i ta outou porotarama utuafare. E tapao outou e e maha anaˈe ohipa tumu e vai ra i roto: (1) te taeraa i te mau putuputuraa a te amuiraa, (2) te pororaa ei utuafare, (3) te haapiiraa utuafare, e (4) te hiˈopoaraa i te irava mahana. E nehenehe te faaôraa i teie mau mea i roto i ta outou porotarama e tauturu ia outou ia “au atu . . . i te mau mea i hau i te maitai ra.” (Phil. 1:10) Te vai ra te tahi atu mau manaˈo tauturu no nia i teie mau ohipa i te mau api 4-5.

³ Eita e titauhia ia taotia i ta outou porotarama utuafare i nia i tera noa na ohipa e maha. Ia faaineine outou, ei utuafare, i te tahi atu putuputuraa, a tapao atoa ˈtu i nia i ta outou porotarama. Ia taio amui outou i te hoê tuhaa o te Bibilia i muri aˈe i te hiˈopoaraa i te irava mahana aore ra i te tahi atu taime, a tapao atu. Mai te peu e e mea matau na outou i te faaanaanatae ia outou ei utuafare, e hinaaro atoa paha ïa outou e faaô i te reira i roto i ta outou porotarama.

⁴ A faatano i ta outou porotarama utuafare i nia i te mau hinaaro e te tupuraa o te melo taitahi o te utuafare. A faatanotano tamau i te porotarama, e a taui ia titau-anaˈe-hia.

[Tapura i te api 3]

Hohoˈa porotarama utuafare

Poipoi Avatea Ahiahi

Monire Irava mahana Haapiiraa utuafare

Mahana piti Irava mahana Haapiiraa o te

taviniraa teotaratia

e Putuputuraa no te

taviniraa

Mahana toru Irava mahana

Mahana maha Irava mahana Haapiiraa buka

a te amuiraa

Mahana pae Irava mahana

Mahana maa Irava mahana

Pororaa

ei utuafare

(Mahana

opereraa vea)

Tapati Irava mahana Oreroraa parau

huiraatira e

Haapiiraa o

Te Pare Tiairaa

[Tapura i te api 6]

Hohoˈa porotarama utuafare

Poipoi Avatea Ahiahi

Monire

Mahana piti

Mahana toru

Mahana maha

Mahana pae

Mahana maa

Tapati

..................................................................