Putuputuraa no te taviniraa

Hebedoma o te 9 no Me

Himene 217

10 mn: Parau faaara e parau faaite e tano o Ta tatou taviniraa i te Basileia. Faahiˈoraa: faaiteraa o te Tour de Garde o te 15 no Eperera e o te Réveillez-vous! o te 22 no Eperera; a rave faahou mai i te mau manaˈo tauturu o te api 8 o Ta tatou taviniraa i te Basileia no Eperera 2005 (mai te peu e e tano i te tuhaa fenua a ta outou amuiraa). E nehenehe outou e faaohipa i te tahi atu mau faaiteraa au noa. I roto hoê o na faahiˈoraa, e horoa te taata poro i te faaiteraa ma te faanaho-ore-hia i roto i te pereoo mataeinaa.

15 mn: A faaohipa i te Parau a te Atua no te haaputapû i te aau. Oreroraa parau niuhia i nia i te Tour de Garde o te 1 no Fepuare 2005, i te mau api 28-31. A hiˈopoa mea nafea Iesu i te faaohiparaa i te mau Papai no te tauturu ia Petero. A faaite e nafea tatou e nehenehe ai e pee ia Iesu ia titauhia ia faatitiaifaro i te huru feruriraa o ta tatou mau tamarii, o ta tatou mau piahi Bibilia, e to tatou iho atoa.

20 mn: “A haamau i te hoê porotarama utuafare tano.” I roto i te hoê omuaraa parau e iti aˈe i te piti minuti, a haamahitihiti i te faufaaraa o te hoê porotarama utuafare papaihia e a faaite e nafea ia faaohipa i te tapura o te api 6. A hiˈopoa i muri iho i te tumu parau “Porotarama utuafare—Te mau putuputuraa a te amuiraa” ma te mau uiraa e te mau pahonoraa. A ui i te feia i tae mai eaha ta ratou e rave ia ore te tahi atu mau ohipa ia haafifi i te mau putuputuraa a te amuiraa. I te mau hebedoma i mua, e hiˈo mai tatou i te tahi atu mau tuhaa o te porotarama utuafare.

Himene 176 e pure faaotiraa.

Hebedoma o te 16 no Me

Himene 201

10 mn: Parau faaara.

15 mn: “Porotarama utuafare—Pororaa ei utuafare.”a A ani i te feia e faaroo maira ia tatara no nia i te mau maitai o te ohipa-amui-ra ma te tamau i roto i te taviniraa ei utuafare.

20 mn: “E faatere anaˈe i te mau haapiiraa bibilia o te paturu i te mau haereraa i mua—Tuhaa 9.”b A hiˈopoahia ˈi te paratarafa 2, a haamahitihiti hoê aore ra e piti manaˈo o Ta tatou taviniraa i te Basileia no Titema 2004, api 8. A faaô mai i te hoê faahiˈoraa poto o te hoê haapiiraa bibilia. Ia hope te haapiiraa 2 o te buka rairai Titau, e ui te orometua haapii i te piahi: “E nafea oe e faataa ˈi i te hoê hoa o vai te iˈoa o te Atua?” E faataa te piahi e nafea o ˈna ia faaohipa i te Salamo 83:18; e haapopou te orometua haapii ia ˈna.

Himene 134 e pure faaotiraa.

Hebedoma o te 23 no Me

Himene 194

12 mn: Parau faaara, e tapura faufaa moni e taioraa i te mau haamauruururaa no nia i te mau ô. Faahiˈoraa: faaiteraa o Te Pare Tiairaa o te 1 no Me e o te Réveillez-vous! o te 8 no Me; a rave faahou mai i te mau manaˈo tauturu o te api 8 o Ta tatou taviniraa i te Basileia no Eperera 2005 (mai te peu e e tano i te tuhaa fenua a ta outou amuiraa). E nehenehe outou e faaohipa i te tahi atu mau faaiteraa au noa.

18 mn: “Ua fatata te mahana o Iehova.”c Ia faaineine outou i teie tuhaa, a hiˈo i te buka Prophétie de Daniel, api 59, paratarafa 28.

15 mn: “Porotarama utuafare—Te haapiiraa utuafare.”d A ui oioi hoê aore ra e piti taata poro ia tatara mea nafea to raua faanahoraa i ta raua haapiiraa utuafare e eaha te mau tutavaraa ta raua e rave nei no te tamau i te na reira.

Himene 152 e pure faaotiraa.

Hebedoma o te 30 no Me

Himene 190

10 mn: Parau faaara. A haamanaˈo i te feia poro ia faahoˈi mai i ta ratou tapura taviniraa no Me. A faahiti i te mau buka e pûpûhia i Tiunu. Faahiˈoraa: hoê aore ra e piti faaiteraa o tera mau buka i nia i te mau hohoˈa o te api hau o Ta tatou taviniraa i te Basileia no Tenuare 2005 (mai te peu e e tano i te tuhaa fenua a ta outou amuraa). E nehenehe e faaohipa i te tahi atu mau faaiteraa e tano.

20 mn: “Porotarama utuafare—Te irava mahana.”e A ani i te feia i tae mai ia faahiti i te mau maitai ta te mau melo o to ratou utuafare i huti mai na roto i te hiˈopoa-amui-raa i te irava e te taime ta ratou i manaˈo e mea tano no te reira.

15 mn: A faatia aore ra a hauti mai i te hoê tupuraa mau i roto i te taviniraa i Mati, Eperera e i Me ra. A ani oioi hoê aore ra e piti taata poro ia faatia mai i te mau tutavaraa ta raua i rave no te poro hau atu â i te tau o te Oroa haamanaˈoraa e te mau haamaitairaa ta raua i fanaˈo.

Himene 115 e pure faaotiraa.

Hebedoma o te 6 no Tiunu

Himene 155

10 mn: Parau faaara.

15 mn: Hinaaro o te amuiraa.

20 mn: “A atuatu i te anaanatae o te mau taata maoti te hoê tapura opereraa vea.”f A hiˈopoahia ˈi te paratarafa 3, a huti i te ara-maite-raa i nia i te buka Haaferuriraa, api 69-74. E nehenehe teie tuhaa e faaohipahia no te faaineine i te tahi mau tauaparauraa i nia i te hoê irava bibilia no nia i ta te Basileia o te Atua e faatupu. Faahiˈoraa: e tauaparau te hoê taata poro i nia i te hoê irava e te hoê taata i roto i ta ˈna tapura opereraa vea. E tatara poto te taata poro i te irava, ta ˈna e faahohoˈa i te faaohiparaa ia nehenehe te taata e taa maitai i te auraa e te faufaaraa ia faaohipa.

Himene 107 e pure faaotiraa.

[Nota i raro i te api]