A tamata i te hoê ravea mǎrû no te haamata i te aparauraa

A tamata i te hoê ravea mǎrû no te haamata i te aparauraa

E turai to tatou anaanatae haavare ore i te taata ia tatou ia tutava i te taa eaha to ratou mau hinaaro e ia faaite ia ratou e e hopoi mai te Basileia i te hoê ravea e ore roa ˈi te mau fifi ta ratou e faaruru ra. (Phil. 2:4) Hoê ravea mǎrû ta te feia poro e rave rahi e ite ra e mea manuïa o te titau-manihini-raa ïa i te fatu fare ia faahiti i te manaˈo no nia i te mau hohoˈa o te Paradaiso i roto i ta tatou mau papai, mai i te pae atau o teie api. E nehenehe outou e na reira ma te faaohipa i te hoê o te mau omuaraa parau i muri nei:

◼ “E manaˈo anei oe e ia tae i te hoê mahana e fanaˈo te fetii taata i te huru o te mau tupuraa tei faahohoˈahia i ǒ nei?”

◼ “E hinaaro pauroa tatou ia fanaˈo ta tatou mau tamarii i te hoê ao mai tei faahohoˈahia i ǒ nei. I to oe manaˈo, eaha te rave ia tupu te reira?”

◼ “Teie te hohoˈa o te fenua ia tupu te hinaaro o te Atua i nia i te fenua mai i nia i te raˈi atoa. Te ite ra anei oe i te tahi taa-ê-raa e te oraraa i teie tau?”

◼ “E hinaaro anei oe e ora i roto i te mau tupuraa tei faahohoˈahia i ǒ nei? [A vaiiho i te taata ia pahono.] E manaˈo anei oe e e tupu te reira a ora noa ˈi tatou?”

A faaroo maite i te pahonoraa a te taata e a tamata ma te au i te ite i to ˈna manaˈo maoti te hoê aore ra e piti uiraa hau. Ia pahono vetahi e eita ratou e au e ora i roto i te mau tupuraa tei faahohoˈahia aore ra eita ratou e tiaturi e e tupu te reira, eiaha e faaoti oioi e aita ratou e anaanatae ra. Ma te aravihi, a ui no te aha ratou e na reira ˈi i te manaˈo. E nehenehe to ratou mau manaˈo e faaite mai i te hoê haapeapearaa rahi no nia i te mau fifi o te huitaata eita paha e afaro ia hiˈohia.—Ezek. 9:4.

A faatano i ta outou mau faaiteraa i te mau tapitapi o te fatu fare, a ite ai outou i te reira. A haamahitihiti i te huru o te poroi o te Basileia o te tuea roa ra i to ˈna mau hinaaro. A faaite ia ˈna hoê aore ra e piti irava no nia i te uiraa. (A hiˈo i te mau manaˈo tauturu i te pae atau.) A vaiiho ia ˈna iho ia ite eaha ta te Bibilia e parau ra. Mai te peu e e faaite oia i te anaanatae, a pûpû i te papai e a faanaho atu i te hoê farerei-faahou-raa. A tamau i te patu i nia i te niu o ta outou aparauraa matamua.

[Tumu parau tarenihia i te api 6]

Hiˈoraa o te mau hohoˈa o te Paradaiso

Buka Création: api 237, 243, 251

Buka Enseignant: api 251-4

Buka Ite: api 4-5, 188-9

Buka rairai Titau: api 11, 13

Buka Paix véritable: api 98

Buka Adorez Dieu: api 92-3

[Tumu parau tarenihia i te api 6]

Tumu parau o te haapeapea i te taata

Te faainoraa i te fenua

Apokalupo 11:18