Parau faaite

◼ Papai e pûpûhia i Tenuare: Te mau buka atoa i neneihia hou te matahiti 1990 na roto i te reo Farani e hou te matahiti 1995 na roto i te reo Tahiti e vai ra i roto i te amuiraa. Mai te peu e aita faahou ta outou taua mau buka ra, a ani atu i te piha ohipa a te amaa. Fepuare: E haafatata ˈtu ia Iehova. Mai te peu e aita ta outou teie papai, e nehenehe e pûpû i te buka Apokalupo—Tatararaa hopea. Mati: E ara! A pûpû i te feia e anaanatae mau ra i te buka Ite, e a tutava taa ê i te haamata i te mau haapiiraa bibilia. Eperera: Te Pare Tiairaa e te Réveillez-vous! (Na vea e piti.) A faaô i roto i ta outou mau farerei-faahou-raa, i te feia i faaite iho â râ i te anaanatae, tei haere i te Oroa haamanaˈoraa aore ra i te tahi tupuraa teotaratia, aita râ e apiti roa ra i te amuiraa. A tutava i te pûpû atu i te buka Adorez Dieu na roto i te reo Farani aore ra te buka Tahoêhia i roto i te haamoriraa na roto i te reo Tahiti. E mea tia ia haamauhia te fa e haamata i te hoê haapiiraa bibilia, mai te peu iho â râ e ua haapii aˈena te hoê taata i te buka Ite e te buka rairai Titau.

◼ Mai Fepuare atu aore ra eiaha ia mairi te 6 no Mati, e vauvau te mau tiaau haaati i te hoê oreroraa parau apî no te taatoaraa, teie te manaˈo tumu “E ohipa anaˈe ma te paari i roto i te hoê ao maamaa.”

◼ E rave te mau amuiraa i te mau faanahoraa e tano no te Oroa haamanaˈoraa, o te tupu i teie matahiti i te Mahana maha 24 no Mati, i muri aˈe i te toparaa mahana. E faahaerehia te mau taoˈa taipe i muri aˈe noa i te toparaa mahana, noa ˈtu e e nehenehe te oreroraa parau e haamata na mua ˈˈe. A hiˈo maitai i te hora o te toparaa mahana i to outou vahi. Mea maitai aˈe ia faanaho te amuiraa taitahi i ta ˈna iho Oroa haamanaˈoraa, noa ˈtu â e ere i te mea ohie noa ia na reira. I te vahi e putuputu ai tau amuiraa i roto i te hoê â Piha a te Basileia, e nehenehe paha hoê amuiraa aore ra hau atu e faaohipa i te tahi atu piha i taua ahiahi ra. Te ani atu nei matou ia outou, mai te peu e e nehenehe, e e 40 aˈe minuti te faataa ê i na putuputuraa e piti ia nehenehe te taatoaraa e haafaufaa roa i te oroa. E hiˈopoahia te mau fifi i te pae o te tereraa pereoo, o te vahi tapearaa e o te haapouraa mai e te ohiraa ˈtu i te mau taata. E faaoti te tino matahiapo eaha te mau faanahoraa e tano aˈe i te vahi iho.

◼ I te hoê Putuputuraa no te taviniraa o te avaˈe Mati, e haamauhia te hoê aparauraa i nia i te hohoˈa ra Soigner sans transfusion: besoins et droits du patient, e e haapapuhia ˈtu te mau faanahoraa i roto i Ta tatou taviniraa i te Basileia. Te vai ra teie hohoˈa i nia i te ripene video na roto i na reo Beretane e Farani, e i nia atoa i te DVD Des alternatives à la transfusion—Documentaires. I nia i taua DVD ra, e vau reo te pûpûhia ˈtu: Beretane, Farani, Heremani, Italia, Paniora, Potiti (Beresilia), Rusia e Tapone. E nehenehe outou e ani i tera DVD e te ripene video atoa o taua hohoˈa ra na roto i te amuiraa i nia i te parau aniraa papai i mua nei.