Putuputuraa no te taviniraa

Hebedoma o te 13 no Titema

Himene 47

10 mn: Parau faaara e parau faaite e tano o Ta tatou taviniraa i te Basileia. A faaitoito i te taata taitahi ia mataitai i te ripene video Pas de sang: la médecine relève le défi no te faaineine i te aparauraa e tupu i te hebedoma i mua. A faaara i te mau faanahoraa no te pororaa i te 25 no Titema e te 1 no Tenuare. Faahiˈoraa: faaiteraa o Te Pare Tiairaa o te 1 no Titema e te Réveillez-vous! o te 22 no Novema; a rave faahou mai i te mau manaˈo tauturu o te api 4 o Ta tatou taviniraa i te Basileia no Novema 2004 mai te peu e e tano i te tuhaa fenua a ta outou amuiraa. Aita anaˈe, e nehenehe outou e faaohipa i te tahi atu mau faaiteraa mau. I roto i na faahiˈoraa, e faaitehia te hoê raveraa taa ê no te pahono i te patoiraa “Ua ite maitai au i ta outou ohipa.”—A hiˈo i te buka Haaferuriraa, api 20.

15 mn: “Te hinaarohia ra ta oe tauturu.”a A uiui poto noa i te hoê matahiapo ma te ani atu ia ˈna ia faataa i tei turai ia ˈna ia hinaaro uˈana e tavini i te amuiraa e i tei tauturu ia ˈna ia aravihi mai.

20 mn: “E nafea ia poro i te fetii?”b A faaohipa i te mau uiraa e vai ra. A ani i te feia i putuputu mai ia faataa poto mea nafea ratou i nehenehe ai e faaara i te anaanatae o te mau melo o to ratou utuafare no te parau mau e e poro ia ratou.

Himene 17 e pure faaotiraa.

Hebedoma o te 20 no Titema

Himene 68

5 mn: Parau faaara.

15 mn: “Te mau maitai o te Haapiiraa o te taviniraa teotaratia.” Oreroraa parau vauvauhia e te tiaau no te haapiiraa. A rave faahou mai i te mau manaˈo o te api hau o Ta tatou taviniraa i te Basileia no Atopa 2004. A ani oioi hoê aore ra e piti feia poro ia faataa i te mau maitai ta raua e fanaˈo ra i te haapiiraa.

25 mn: “E haafaufaa anaˈe i te ripene video Pas de sang: la médecine relève le défi.” Aparauraa e te feia e faaroo ra no nia i te ripene video Pas de sang, ma te faaohipa i te mau uiraa i te api 6. I muri iho, a taio i te paratarafa hopea. A faaitoito i te taata taitahi ia tae mai i te hebedoma i mua no te hiˈopoa i te tahi mau faanahoraa o te tauturu ia tatou ia haapae i te toto.

Himene 50 e pure faaotiraa.

Hebedoma o te 27 no Titema

Himene 36

10 mn: Parau faaara. Tapura faufaa moni. A haamanaˈo i te feia poro ia faahoˈi mai i ta ratou tapura taviniraa no Titema. Faahiˈoraa: faaiteraa o te Tour de Garde no te 1 no Titema e te Réveillez-vous! no te 8 no Titema; a rave faahou mai i te mau manaˈo tauturu o te api 4 o Ta tatou taviniraa i te Basileia no Novema 2004 mai te peu e e tano i te tuhaa fenua a ta outou amuiraa.

20 mn: E auraro anaˈe i te faaueraa a te Atua e haapae i te toto. Oreroraa parau vauvauhia e te hoê matahiapo, ma te niu i nia i te tumu parau ta te amaa i horoa. I te tahi mau vahi, a huti i te ara-maite-raa i nia i te mau pereota e tuea i te tumu parau tarenihia “Te tahi mau faanahoraa e tauturu ia tatou ia haapae i te toto.”

15 mn: Te tuhaa a to outou manaˈo haava. Oreroraa parau vauvauhia e te hoê matahiapo niuhia i nia i Te Pare Tiairaa o te 1 no Tiurai 2004, api 17-8, paratarafa 16-9. A haamahitihiti e e ere te mau faaotiraa o te ravehia ia au i to tatou manaˈo haava i te ohipa hauti, i te mea e e ohipa te reira i nia i to tatou mau taairaa e o Iehova.

Himene 8 e pure faaotiraa.

Hebedoma o te 3 no Tenuare

Himene 27

Nota: Eiaha te mau amuiraa e faanuu mai i te mahana o te Putuputuraa no te taviniraa o te hebedoma o te 3 no Tenuare, taa ê noa ˈtu ia tere atu te tiaau haaati. I roto i te mau amuiraa atoa, e mea tia ia hiˈopoahia te api hau no nia i te tairururaa mataeinaa i te Putuputuraa no te taviniraa mai tei faataahia. Mai te peu e e tupu te hoê tairururaa haaati i taua hebedoma ra, e mea tia ia faaara te mau tiaau no te haapiiraa buka i te vahi e te mau mahana o te tairururaa mataeinaa i roto i te haapiiraa buka i faanahohia mai tei matauhia na.

5 mn: Parau faaara. A haamanaˈo eaha te mau papai e pûpûhia i Tenuare.

15 mn: “E faatere anaˈe i te mau haapiiraa bibilia o te paturu i te mau haereraa i mua—Tuhaa 4.” I muri aˈe i te hoê omuaraa hoê minuti aore ra i raro mai ravehia ia au i te paratarafa 1, a faaineine ma te niu i nia i te mau paratarafa 2 e te 3, i te hoê faahiˈoraa e pae minuti i reira te hoê taata poro e faaite ai i te hoê piahi e nafea ia faaineine no te haapiiraa. No te reira a rave i te hoê paratarafa o te buka Ite aore ra o te buka rairai Titau. A aparau noa ma te mau uiraa e pahonoraa o te mau paratarafa 2 e tae atu i te 5, ma te haamahitihiti i te mau manaˈo faufaa o te faahiˈoraa.

25 mn: “‘Te auraroraa i te Atua’—Tairururaa mataeinaa 2005 a te mau Ite no Iehova.”c Na te papai parau o te amuiraa. I muri aˈe i te hiˈopoaraa o te paratarafa 2, a taio i te rata o te 15 no Titema 2004 o te faataa ra teihea te tairururaa ta te amuiraa i titauhia ia amui atu. A hiˈopoahia ˈi te paratarafa 4, a hiˈo mai i te mau tuhaa o te tumu parau tarenihia o te api 4. A faaitoito i te taata taitahi ia rave oioi i te mau faanahoraa no te tairururaa.

Himene 79 e pure faaotiraa.

[Nota i raro i te api]