E nafea ia pûpû i te mau vea

La Tour de Garde 15 no Tetepa

“E mau mirioni taata o te faahiti faahou nei i teie mau parau matau-maitai-hia i roto i ta ratou mau pure. [E taio tatou i te Mataio 6:10.] I to oe manaˈo, eaha te huru o te oraraa ia tupu hope roa to te Atua hinaaro i te fenua nei? [E vaiiho tatou i te taata ia pahono.] Te horoa ra teie vea i te auraa o te tuhaa taitahi o te pure a te Fatu, oia atoa te tuhaa ta tatou i taio aˈenei.”

Réveillez-vous! 22 no Tetepa

“Te haapeapea nei e rave rahi taata no te fifi e rahi noa ˈtura, te inuraa i te ava i ǒ te mau taurearea. Ua faaroo ê na anei oe i te reira? [E vaiiho tatou i te taata ia pahono. I muri iho, e taio tatou i te Maseli 20:1.] Te tuu ra te ava i te feia apî i mua i te fifi e rave rahi. Te vai ra i roto i teie tumu parau te mau haamaramaramaraa o te tauturu ia ratou ia patoi i te mau faaheporaa ia inu hua.”

Te Pare Tiairaa 1 no Atopa

“E hinaaro rahi to tatou e ite i te hopea o te taparahiraa taata, te haavîraa uˈana e te tamaˈi. Ia manaˈo oe e tupu anei tera mau parau? [E taio tatou i te Salamo 37:11, e e vaiiho tatou i te taata ia pahono.] Te faataa ra teie vea e nafea taua parau fafau ra e taaihia ˈi i te opuaraa matamua a te Atua e eaha ta tatou tuhaa.”

Réveillez-vous! 8 no Atopa

“Ia manaˈo oe, e ere anei i te mea oto e, i te mau matahiti atoa, e mau mirioni potii faaipoipo-ore-hia o te hapû nei? [E vaiiho tatou i te taata ia pahono.] Te faataa ra teie vea e nafea ia faaruru i te fifi e rave rahi i taaihia i te hapû-oioi-raa. Te faataa atoa ra te reira e nafea te mau metua e nehenehe ai e tauturu i ta ratou tamarii ia ape i teie fifi.” E taio tatou i te Timoteo 2, 3:15.