Putuputuraa no te taviniraa

Hebedoma o te 14 no Tiunu

Himene 168

10 mn: Parau faaara. Parau faaite e tano o Ta tatou taviniraa i te Basileia. E piti faahiˈoraa o te rave faahou mai i te mau manaˈo tauturu o te api 4 o Ta tatou taviniraa i te Basileia no Me 2004 (ia tano i ta outou tuhaa fenua) no te pûpû i te mau vea (La Tour de Garde o te 15 no Me e te Réveillez-vous! o te 22 no Me). I roto i te hoê o na faahiˈoraa, e horoa te hoê taata poro i te faaiteraa i roto i te hoê tuhaa fenua tapihoo. E nehenehe te tahi atu mau faahiˈoraa au noa e faaohipahia.

20 mn: “E tauturu Iehova i te feia e tiaturi ia ˈna.”a A hiˈopoahia ˈi te paratarafa 4, a faahiti i te tahi mau manaˈo o Ta tatou taviniraa i te Basileia no Titema 1999, api 4, paratarafa 5-6, e te buka École du ministère, api 67, paratarafa 2.

15 mn: No te aha e ape ai i te rave-hua-raa i te raau taero? Aparauraa e te feia e faaroo ra niuhia i nia i te buka Haaferuriraa, api 329-31. E mea matauhia te raveraa i te raau taero “no te faanavenaveraa.” Te haapapu ra e rave rahi taata e e ere tera huru faaohiparaa i te raau taero i te mea atâta; te turu atoa ra vetahi i te faatiamâraa o te mau raau taero. A tauaparau e nafea ia haaferuri i taua feia ra. A faahiti atoa i te tahi mau manaˈo o te tumu parau tarenihia o te Réveillez-vous! o te 8 no Novema 1999, api 10.

Himene 179 e pure faaotiraa.

Hebedoma o te 21 no Tiunu

Himene 29

10 mn: Parau faaara.

15 mn: “Te tauturu nei te mau melahi ia tatou.”b A ani i te feia i putuputu mai ia aparau i nia i te mau irava e vai ra ia taimehia.

20 mn: Area te paari no nia maira, e mea mǎrû ïa, aore ra au noa. (Iak. 3:17) Oreroraa parau ma te apitihia mai e te feia e faaroo ra niuhia i nia i te buka École du ministère, api 251-2. Eaha te auraa ia au noa te manaˈo? No te aha e mea faufaa ˈi i roto i ta tatou taviniraa? Eaha ta tatou e haapii mai na roto i te hiˈoraa o te aposetolo Paulo? E nafea te feia poro e haapao ai i te huru oraraa o te taata o te tuhaa fenua? E nafea tatou e tauturu ai i te feia e haapii ra i te Bibilia e o tatou ia faaite i te manaˈo au noa? A faanaho oioi hoê aore ra e piti taata poro o te faatia mai i te mau tupuraa e faaite ra i te mau maitai o te hoê huru au noa.

Himene 53 e pure faaotiraa.

Hebedoma o te 28 no Tiunu

Himene 139

12 mn: Parau faaara. Tapura faufaa moni. A haamanaˈo i te feia poro ia faahoˈi mai i ta ratou tapura taviniraa no Tiunu. E piti faahiˈoraa o te rave faahou mai i te mau manaˈo tauturu o te api 4 o Ta tatou taviniraa i te Basileia no Me 2004 (ia tano i ta outou tuhaa fenua) no te pûpû i te mau vea (Te Pare Tiairaa o te 1 no Tiunu e te Réveillez-vous! o te 8 no Tiunu). I roto i na faahiˈoraa e piti, e faahiti te taata poro i te tahi mau parau auhoa ei omuaraa. A faataa e e tauturu te na reiraraa ia au mai te taata.

15 mn: Hinaaro o te amuiraa.

18 mn: “Te haapiiraa buka—no te aha tatou e hinaaro ai.”c A faaohipa i te mau uiraa e vai ra. A faahiti atoa i te mau manaˈo o te tumu parau “A tauturu i te tiaau no ta outou haapiiraa buka,” tei neneihia i te api 1 o Ta tatou taviniraa i te Basileia no Novema 2002.

Himene 20 e pure faaotiraa.

Hebedoma o te 5 no Tiurai

Himene 3

10 mn: Parau faaara.

15 mn: Eaha ta outou e parau? Oreroraa parau ma te apitihia mai e te feia e faaroo ra. I Tiurai e Atete, e pûpû tatou i te mau buka rairai. Eaha te mau buka rairai ta te feia poro i vaiiho maitai aˈe i roto i te tuhaa fenua? A hiˈo faahou i te mau faaiteraa i horoahia i roto i Ta tatou taviniraa i te Basileia no Tiurai 1998, api 8, aore ra i roto i te mau numera tahito aˈe. A haamahitihiti e i roto i te faaiteraa taitahi te vai ra: (1) hoê uiraa, (2) hoê irava, e (3) hoê manaˈo e tuati i te papai. A faanaho hoê aore ra e piti faahiˈoraa no te pûpû i te mau buka rairai. A faaitoito i te taata atoa ia faaohipa i te Bibilia no te faaite i te parau apî maitai.

20 mn: Eaha to te mau tamarii hinaaro i te mau metua. Oreroraa parau ma te apitihia mai e te feia e faaroo ra, niuhia i nia i te buka Écoute le grand Enseignant, api 6-7. E mea faufaa roa ia haapii te mau tamarii i te mau faaueraa tumu bibilia e aratai ra i te haamoriraa viivii ore e ia taa ia ratou te tuhaa faufaa a te mau metua i roto i ta ratou haapiiraa. A aparau i nia i te tahi mau manaˈo tauturu e horoahia ra no te haapii i te buka. A titau manihini i te mau metua ia faaite e mea nafea to ratou faaohiparaa i tera mau aˈoraa. A ui i te hoê aore ra e piti tamarii no te aha raua e au ai i tera buka.

Himene 65 e pure faaotiraa.

[Nota i raro i te api]