Putuputuraa no te taviniraa

Nota: Te vai ra i roto i teie nei Taviniraa i te Basileia te porotarama o te hoê Putuputuraa no te taviniraa no te mau hebedoma atoa o Tiurai. E nehenehe te mau amuiraa e rave i te mau tauiraa e titauhia no te tairururaa mataeinaa “E haere anaˈe e te Atua.” Mai te peu e e tano, i te Putuputuraa no te taviniraa hopea hou te tairururaa, a faataa 15 minuti no te haamanaˈo i te mau aˈoraa taa maitai o te api hau no teie avaˈe e o te tano i te mau tupuraa i ǒ tatou nei. I Atopa, e faataahia hoê Putuputuraa no te taviniraa taatoa no te haamanaˈo i te mau manaˈo faufaa o te tairururaa. No taua aparauraa ra, e nehenehe tatou paatoa e tapao i te tahi mau manaˈo faufaa i faaroohia i te tairururaa e e papai i te hoê tapura o te mau manaˈo ta tatou e hinaaro i te faaohipa i roto i to tatou oraraa i te mau mahana atoa aore ra i roto i te pororaa. E nehenehe ïa tatou e faaitoito te tahi i te tahi no te faataa mea nafea to tatou faaohiparaa i tera mau manaˈo tauturu mai te tairururaa mai â.

Hebedoma o te 12 no Eperera

Himene 93

10 mn: Parau faaara. Parau faaite e tano o Ta tatou taviniraa i te Basileia. E piti faahiˈoraa o te rave faahou mai i te mau manaˈo tauturu o te api 4 o Ta tatou taviniraa i te Basileia no Mati 2004 no te pûpû i te mau vea (La Tour de Garde o te 15 no Mati e te Réveillez-vous! o te 22 no Mati). I roto i na faahiˈoraa e piti, e faaite tatou hoê noa o na vea, e pûpû râ tatou i te taata ia taio i na vea e piti. I roto i te faahiˈoraa taitahi, a faaite i te hoê raveraa no te pahono i te patoiraa “E ohipa ta ˈu.”—A hiˈo i te buka Haaferuriraa, api 19-20.

15 mn: “E pûpû anaˈe i te mea maitai roa ˈˈe na Iehova.”a A hiˈopoahia ˈi te paratarafa 4, a titau manihini i te feia e faaroo ra ia faataa mai i te mau huru raveraa papu e faaite ai i te here i te taata ia poro tatou.

20 mn: “Tatou atoa te faateitei i to ˈna iˈoa.”b Aparauraa e vauvauhia e te papai parau a te amuiraa, ma te faaohipa i te mau uiraa e vai ra. A faaite i te tairururaa ta te amuiraa e titauhia ia amui atu. E itea mai te hora i roto i te api hau o Ta tatou taviniraa i te Basileia no Titema 2003. E nehenehe te tahi atu mau manaˈo e haamataratarahia ia titauhia. A faaoti ma te ui e piti aore ra e toru uiraa no nia i te tumu parau “Te maa varua i te taime tano,” o te tauaparauhia i te Putuputuraa no te taviniraa i te hebedoma i mua nei.

Himene 91 e pure faaotiraa.

Hebedoma o te 19 no Eperera

Himene 55

8 mn: Parau faaara.

17 mn: “E pee anaˈe i to Iesu huru feruriraa.”c A faaohipa i te mau uiraa e vai ra. A hiˈopoahia ˈi te paratarafa 4, a titau manihini i te feia i rave i te taviniraa pionie tauturu ia faaite i te mau haamaitairaa ta ratou i fanaˈo.

20 mn: “Te maa varua i te taime tano.”d A faaohipa i te mau uiraa e vai ra. A hiˈopoahia ˈi te paratarafa 2, a ani i te hoê aore ra e piti o te feia i amui mai ia faaite poto mai i te hoê tairururaa faahiahia ta ratou i apiti atu. A faaoti ma te ui e piti aore ra e toru uiraa no nia i te tumu parau “Ia moˈa outou i to outou haerea atoa,” o te tauaparauhia i te Putuputuraa no te taviniraa i te hebedoma i mua nei.

Himene 80 e pure faaotiraa.

Hebedoma o te 26 no Eperera

Himene 46

12 mn: Parau faaara. Tapura faufaa moni. A haamanaˈo i te feia poro ia faahoˈi mai i ta ratou tapura taviniraa no Eperera. A faahiti i te mau papai e pûpûhia i Me. E piti faahiˈoraa o te rave faahou mai i te mau manaˈo tauturu o te api 4 o Ta tatou taviniraa i te Basileia no Mati 2004 no te pûpû i te mau vea (Te Pare Tiairaa o te 1 no Eperera e te Réveillez-vous! o te 8 no Eperera). I roto i na faahiˈoraa e piti, e faaite tatou hoê noa o na vea, e pûpû râ tatou i te taata ia taio i na vea e piti. I roto i te hoê o na faahiˈoraa, e faaite tatou e nafea ia poro i te hoê hoa ohipa aore ra haapiiraa.

15 mn: Hinaaro o te amuiraa.

18 mn: “Ia moˈa outou i to outou haerea atoa.”e A faaohipa i te mau uiraa e vai ra. A titau manihini i te feia e faaroo ra ia faaite i ta ratou i ite a aruehia ˈi Iehova e to tatou haerea maitai i te mau tairururaa. A faaoti ma te tuu e piti aore ra e toru uiraa no nia i te tumu parau “Te hoê ahuraa roo maitai o te faaite i te viivii ore,” o te tauaparauhia i te Putuputuraa no te taviniraa i te hebedoma i mua nei.

Himene 38 e pure faaotiraa.

Hebedoma o te 3 no Me

Himene 48

10 mn: Parau faaara. A tatara poto noa mai i te mau ohipa opuahia na no Tiurai e Atete: te taeraa i te tairururaa mataeinaa, te taviniraa pionie tauturu hoê avaˈe aore ra hau atu, te atuaturaa i te fare, e peneiaˈe te faaanaanataeraa. Mai te peu e e tuhaa fenua ta te amuiraa e mea varavara i te ravehia, a faaite eaha te mau faanahoraa e ravehia no te farerei hau atu â i te taata. E mea tia atoa ia faanaho maitai e ia ore te haapiiraa utuafare, te mau putuputuraa a te amuiraa, e te taviniraa ia moehia mai te peu e e opua tatou i te reva aore ra i te rave i te tahi atu ohipa o te tau faafaaearaa o te taui i te porotarama ta tatou i matau i te rave. (Mas. 21:5) A haamanaˈo i te feia poro i te faufaaraa ia faahoˈi mai i ta ratou tapura taviniraa, tei te putuputuraa anei ratou aore ra te ratere ra.

15 mn: “E te feia apî, a taio i te Parau a te Atua!”f A ani oioi i te hoê aore ra e piti taurearea ia faataa i ta raua porotarama taioraa bibilia e nafea raua e faufaahia ˈi i te reira. A faaitoito i te mau taurearea ia haamau ei fa na ratou e taio taatoa i te Bibilia. A faahiti atoa i te tahi mau manaˈo o te buka École du ministère, api 10, paratarafa 5.

20 mn: “Te hoê ahuraa roo maitai o te faaite i te viivii ore.”g A faaohipa i te mau uiraa e vai ra. Mai te peu e e taimehia, e taiohia e e hiˈopoahia te mau irava bibilia i faahitihia.

Himene 164 e pure faaotiraa.

[Nota i raro i te api]