Putuputuraa no te taviniraa

Hebedoma o te 12 no Tenuare

Himene 224

10 mn: Parau faaara. Parau faaite e tano o Ta tatou taviniraa i te Basileia. E piti faahiˈoraa o te rave faahou mai i te mau manaˈo tauturu o te api 8 o Ta tatou taviniraa i te Basileia o te avaˈe i mahemo no te pûpû i te mau vea (La Tour de Garde o te 15 no Titema e te Réveillez-vous! o te 22 no Titema). I roto i na faahiˈoraa, e faaite tatou hoê noa o na vea, e pûpû râ tatou i te taata ia taio i na vea e piti. I muri aˈe i te faahiˈoraa taitahi, a haamataratara i te tahi mau tuhaa anaanatae o te faaiteraa.

15 mn: “Te faufaa faito ore o te paari o te Atua.”a Ia taimehia, a titau manihini i te feia e faaroo ra ia tatara mai i te mau irava i horoahia ˈtu.

20 mn: Nau buka i matara apî mai o tei faaoaoa ia tatou! Aparauraa e te feia e faaroo ra. Ua oaoa tatou i te fanaˈoraa e piti buka apî i te tairururaa mataeinaa “A faahanahana i te Atua.” E mea taa ê te buka fenua ‘Voyez le bon pays’ i te tahi atu mau papai atoa o ta tatou vairaa buka. I roto e piti api taitahi, te vai ra te hoê hiˈoraa huˈahuˈa o te hoê tuhaa o te Fenua tǎpǔhia. A haamataratara i te faufaaraa o te tahi mau tuhaa huˈahuˈa e vai ra i nia i te tahi mau hohoˈa fenua. A faataa e nafea ia faaohipa i teie buka. E faahopearaa maitai to te buka Écoute le grand Enseignant i nia i te ea pae varua o ta tatou mau tamarii. A faahiti i te tahi mau tumu parau e tano i aparauhia e a faaite e nafea te mau metua e te mau tamarii e faufaahia ˈi. A titau manihini i te feia i putuputu mai ia faaite e nafea ratou e faufaahia ˈi i tera nau buka.

Himene 186 e pure faaotiraa.

Hebedoma o te 19 no Tenuare

Himene 95

5 mn: Parau faaara.

10 mn: Pahonoraa i ta outou mau uiraa. Oreroraa parau vauvauhia e te hoê matahiapo.

15 mn: Hinaaro o te amuiraa.

15 mn: “E nafea ia tauturu i te mau hoa faaipoipo e ere i te Ite?”b A uiui hoê aore ra e piti taata poro o tei tavini ia Iehova i muri aˈe i te hiˈopoaraa i te haerea maitai o to ratou hoa faaipoipo.

Himene 73 e pure faaotiraa.

Hebedoma o te 26 no Tenuare

Himene 158

12 mn: Parau faaara. Tapura faufaa moni. A haamanaˈo i te feia poro ia faahoˈi mai i ta ratou tapura taviniraa no Tenuare. E piti faahiˈoraa o te rave faahou mai i te mau manaˈo tauturu o te api 8 o Ta tatou taviniraa i te Basileia o te avaˈe i mahemo no te pûpû i te mau vea (Te Pare Tiairaa o te 1 no Tenuare e te Réveillez-vous! o te 8 no Tenuare). I roto i na faahiˈoraa, e faaite tatou hoê noa o na vea, e pûpû râ tatou i te taata ia taio i na vea e piti. I roto hoê o na faahiˈoraa, e faaite tatou e nafea ia pûpû i te mau vea i te hoê taata tapiri.

15 mn: A faaohipa i te Parau a te Atua i te mau mahana atoa o to outou oraraa. Oreroraa parau e aparauraa e te feia e faaroo ra. A faaitoito i te taata taitahi ia faaohipa maitai i te buka iti E hiˈopoa anaˈe i te mau Papai i te mau mahana atoa—2004. A aparau i te tahi mau manaˈo o te omuaraa parau, api 3-4. A ui i te feia i putuputu mai eaha no ratou te taime maitai aˈe no te hiˈopoa i te irava mahana. A hiˈopoa i te irava mahana e to ˈna tatararaa e te amuiraa. A titau manihini i te feia e faaroo ra ia faaite e nafea e nehenehe ai e faaohipa mau i tera mau manaˈo. A faaitoito i te taata taitahi ia feruri poto e nafea ia faaohipa i te mau manaˈo i aparauhia ia hiˈopoahia te irava i te mau mahana atoa.

18 mn: E atuatu anaˈe i te mau auhoaraa e to tatou mau hoa Kerisetiano. (Mas. 18:24; 27:9) Oreroraa parau e aparauraa e te feia e faaroo ra i nia i Te Pare Tiairaa o te 1 Titema 2000, api 22-3. Hoê o te mau maitai o te haamoriraa viivii ore, o te neheneheraa ïa e fanaˈo i te hoa mau. E faaitoitoraa rahi to tatou mau taairaa autaeae i roto i te mau putuputuraa, i te pororaa e i te tahi atu mau tupuraa. E nafea tatou e nehenehe ai e atuatu i te mau auhoaraa e te tahi atu mau melo o te amuiraa? A hiˈopoa i te tumu parau tarenihia “E ono taahiraa avae no te hoê auhoaraa maoro,” e a titau manihini i te feia i putuputu mai ia faataa e nafea ia faaohipa i te aˈoraa taitahi i roto i to tatou mau taairaa e to tatou mau taeae.

Himene 177 e pure faaotiraa.

Hebedoma o te 2 no Fepuare

Himene 204

10 mn: Parau faaara. A faahiti i te mau buka e pûpû atu i Fepuare. A haamanaˈo i te mau faaiteraa i horoahia ˈtu i roto i Ta tatou taviniraa i te Basileia no Tenuare 2003, api 3, no te pûpû i te buka E haafatata ˈtu ia Iehova.

20 mn: “A ara e nafea outou e faaohipa ˈi i to outou taime.”c A ui i te feia i putuputu mai eaha ta ratou e rave ia ore te tahi mau ohipa tuhaa piti e haafifi i ta ratou mau fa pae varua.

15 mn: A pee ia Paulo mai ia ˈna i pee na i te Mesia. (Kor. 1, 11:1) Aparauraa e te feia e faaroo ra. Mai ia Iesu, i faaohipa na Paulo i te mau ravea no te poro i ‘te feia ta ˈna i farerei atu.’ (Ohi. 17:17) Eaha te mau ravea e pûpûhia maira i roto i tatou tuhaa fenua? O vai ta tatou e “farerei atu” i te fare toa, i te ohipa aore ra i te haapiiraa, aore ra i roto i te pereoo utaraa taata? E paraparau tatou ia vai i to tatou fare? A titau manihini i te feia e faaroo ra ia faatia mea nafea, i roto i ta ratou ohipa i te mau mahana atoa, to ratou pororaa i te feia ta ratou i “farerei atu.”

Himene 151 e pure faaotiraa.

[Nota i raro i te api]