E nafea ia pûpû i te mau vea

Te Pare Tiairaa 1 no Novema

“E ohipa roa e rave rahi faaotiraa ta tatou e rave i nia i to tatou oraraa. Eaha te tauturu mai ia ape tatou i te rave i te mau faaotiraa tano ore? [E faaroo tatou i te pahonoraa. I muri iho, e taio tatou i te Maseli 3:6.] E tatara teie vea e pae faaueraa tumu bibilia o te nehenehe e tauturu ia tatou ia rave i te mau faaotiraa paari.”

Réveillez-vous! 22 no Atopa

“Aita anei oe e faaroo pinepine ra no nia i te mau manumanu ino aita e pohe faahou ra i te raau? [E faaroo tatou i te pahonoraa.] E faataa teie vea i te mau tumu o teie tupuraa e e faaite e nafea ia paruru ia tatou. E faahiti atoa i te parau fafau bibilia o te hoê ao eita te taata e maˈi-faahou-hia.” E taio tatou i te Isaia 33:24.

Te Pare Tiairaa 1 no Novema

“Ua haavare-aˈena-hia tatou paatoa i te hoê mahana e te hoê taata ta tatou e tiaturi ra. Ua uiui aˈena anei oe: ‘Te vai ra anei te hoê taata ta ˈu e nehenehe e tiaturi?’ [E faaroo tatou i te pahonoraa. I muri iho, e taio tatou i te Maseli 3:5.] E haapapu teie vea no te aha tatou e nehenehe ai e tiaturi roa i te Atua e e nafea e ite ai i te taata e au ia tiaturihia.”

Réveillez-vous! 8 no Novema

“Tei roto te mau mea hamanihia e te mori arahu i to tatou oraraa. Ua feruri aˈena anei oe i te hoê oraraa aita teie mau mea? [E faaroo tatou i te pahonoraa.] E faataa teie vea mea nafea te mori arahu i te riroraa mai ei tuhaa faufaa i roto i te totaiete o teie tau. E faaite atoa no te aha eiaha tatou ia mǎtaˈu ia navai ore te mori arahu i te hoê mahana.”