Putuputuraa no te taviniraa

Hebedoma o te 13 no Atopa

Himene 215

10 mn: Parau faaara e parau faaite e tano o Ta tatou taviniraa i te Basileia. No te aparauraa e te feia e faaroo ra i te porotarama o te tairururaa “A faahanahana i te Atua,” e tupu i te putuputuraa no te taviniraa i te hebedoma i mua, a faaitoito i te taata taitahi ia hiˈo faahou i ta ratou mau tapaopaoraa ma te faaohipa i te mau uiraa i te api 1. E piti faahiˈoraa tano o te rave faahou mai i te mau manaˈo tauturu o te api 4 o Ta Tatou taviniraa i te Basileia no Tetepa 2003 no te pûpû i te mau vea. (Te Pare Tiairaa o te 1 no Atopa e te Réveillez-vous! o te 22 no Tetepa.) I roto i na faahiˈoraa e piti, e faaite tatou hoê noa o na vea, e pûpû ra tatou i te taata ia taio i na vea e piti. E ravehia hoê o na faahiˈoraa e piti i roto i te huru tupuraa o te farerei-faahou-raa i roto i te hoê tapura opereraa vea. E haamau tatou i te niu o te farereiraa i mua nei ma te huti i te ara-maite-raa i nia i te tumu parau tarenihia “I roto i ta matou numera i mua nei.”—A hiˈo i Ta tatou taviniraa i te Basileia no Atopa 1998, i te api 8, par. 7-8.

20 mn: “E haamori anaˈe ia Iehova ma te oaoa.”a (E mea tia ia rave mai te taatoaraa i te api hau o Ta tatou taviniraa i te Basileia no Tenuare 2002 no taua aparauraa ra). I muri aˈe i te hiˈopoaraa o te paratarafa 4, a haamanaˈo e i Novema e pûpû tatou i te buka rairai Titau e te buka Ite. A hiˈo-poto-faahou hoê o na faaiteraa horoahia i roto i te api hau o Ta tatou taviniraa i te Basileia no Tenuare 2002. A rave i muri iho i te hoê faaineineraa o te rave faahou mai i taua faaiteraa ra. A faaitoito i te taata taitahi ia faaineine maitai no te taviniraa.

15 mn: E faatupu te faatereraa i te mau haapiiraa bibilia i te mau haamaitairaa. Oreroraa parau e aparauraa e te feia e faaroo ra. A faatia i te tahi mau tupuraa no roto mai i te mau papai no nia i te mau haapiiraa bibilia o te haere i mua. (w00 1/3 api 6; yb98-F api 55-60) A ani i te feia i putuputu mai ia faahiti eaha ta tera mau tupuraa e haapii ia tatou e ia faaite te mau maitai ta tatou e fanaˈo ia faatere i te mau haapiiraa bibilia.

Himene 172 e pure faaotiraa.

Hebedoma o te 20 no Atopa

Himene 86

5 mn: Parau faaara.

40 mn: “E turai te mau tairururaa mataeinaa e te mau tairururaa nunaa rau ia tatou ia faahanahana i te Atua.” Tuhaa vauvauhia e te hoê matahiapo. I muri aˈe i te hoê omuaraa hoê minuti aore ra e iti aˈe, a aparau e te feia e faaroo ra i te porotarama o te tairururaa ma te faaohipa i te mau uiraa o te tumu parau. A faanaho i to outou taime no te tauaparau i te mau uiraa atoa, peneiaˈe ma te ui i te hoê noa taata no te tahi o te mau uiraa. Eita te area taime i faataahia e farii ia taiohia i te mau irava atoa i horoahia; e tauturu te reira ia itea-ohie-roa-hia te mau pahonoraa. E mea tia ia niu te mau pahonoraa i nia i te mau maitai fanaˈohia na roto i te faaohiparaa i ta tatou i haapii mai.

Himene 112 e pure faaotiraa.

Hebedoma o te 27 no Atopa

Himene 64

12 mn: Parau faaara. Tapura faufaa moni. A haamanaˈo i te feia poro ia faahoˈi mai i ta ratou tapura taviniraa no Atopa. No te putuputuraa no te taviniraa i te hebedoma i mua, a faaitoito i te taata taitahi ia taio faahou i te mau tapaopaoraa ta ratou i rave i te mahana tairururaa taa ê o te matahiti taviniraa i mahemo. E piti faahiˈoraa o te rave faahou mai i te mau manaˈo tauturu o te api 4 o Ta Tatou taviniraa i te Basileia no Tetepa 2003 no te pûpû i te mau vea. (La Tour de Garde o te 1 no Atopa e te Réveillez-vous! o te 8 no Atopa.) I roto i na faahiˈoraa e piti, e faaite tatou hoê noa o na vea, e pûpû râ tatou i te taata ia taio i na vea e piti. I roto i te hoê o na faahiˈoraa, a faaite e nafea ia pahono i te patoiraa “Aita vau e anaanatae ra.”—A hiˈo i te buka Haaferuriraa, api 15.

20 mn: A faaohipa i te ˈoˈe a te varua. (Eph. 6:17) Aparauraa e te feia e faaroo ra i nia i te buka École du ministère, api 143-4. A ani i te feia i putuputu mai ia pahono i te mau uiraa i muri nei: (1) No te aha tatou e faaohipa ˈi i te Bibilia no te pahono i te mau uiraa? (2) Eaha ta te iˈoa Ite no Iehova e faataa ra no nia ia tatou? (3) Eaha te hiˈoraa ta Iesu i vaiiho mai, e e nafea tatou e pee ai i te reira? (4) Eaha te mau ravea o te manuïa i roto i ta tatou tuhaa fenua no te faaô i te mau manaˈo bibilia i roto i te aparauraa? (5) No te aha e mea maitai ai ia taio roa i te Bibilia i te mau taime atoa e nehenehe ai? (6) E nafea te mau matahiapo e nehenehe ai e faaitoito i to ratou mau hoa ia faaohipa maitai i te Bibilia? Faahiˈoraa faaineine-maitai-hia niuhia i nia i te faahiˈoraa o te api 144: e faaohipa te hoê taata poro aravihi i te hoê aˈe irava no te pahono i te hoê uiraa. A faaitoito i te taata taitahi ia haamau i te fa e faaohipa i te Bibilia i te mau taime atoa e horoa ˈi oia i te faaiteraa.

13 mn: Te tahi mau tupuraa i farereihia e te feia poro o te amuiraa. A ani i te feia i tae mai ia faatia i te mau tupuraa ta ratou i farerei na i te tairururaa mataeinaa, aore ra i to ratou horoaraa i te faaiteraa i te ohipa, i te fare haapiiraa aore ra i te tahi atu vahi.

Himene 52 e pure faaotiraa.

Hebedoma o te 3 no Novema

Himene 147

5 mn: Parau faaara.

15 mn: Hinaaro o te amuiraa.

25 mn: Ia taoˈahia outou i te mau ohipa maitatai. (Tim. 1, 6:18) Maoti te mau uiraa i muri nei, e aparau te hoê matahiapo e te feia e faaroo ra i te porotarama o te mahana tairururaa taa ê o tei tupu i te matahiti taviniraa i mairi aˈenei. A ani i te mau melo o te amuiraa ia faatia e nafea to ratou faaohiparaa i ta ratou i haapii. (E nehenehe e faataa na mua o vai te pahono.) A haamahitihiti i te mau tuhaa i muri nei o te porotarama: (1) “E taoˈa rahi te noaa i te ohipa maitatai.” (Koh. 2:11) No te aha te mau tavini a te Atua e tapi ai i te mau ohipa maitatai faahitihia i roto i ta ˈna Parau eiaha râ i te mau ohipa faufaa ore o teie nei ao? (2) “Ia taoˈa-rahi-hia tatou ia au i te manaˈo o te Atua.” (Mat. 6:20) E mea nafea to vetahi ‘haapueraa i te taoˈa i nia i te raˈi,’ e eaha ta ratou i fanaˈo mai? (3) “Ia taoˈahia ta tatou taviniraa e te hoê haapiiraa bibilia.” (om-F api 91-2) Na te aha e tauturu ia tatou ia haamata e ia faatere i te hoê haapiiraa bibilia? (4) “Mau ohipa maitatai i teie nei tau auhune.” (Mat. 13:37-39) Eaha te hiˈoraa ta te mau Kerisetiano matamua i vaiiho no nia i te mau ohipa maitatai, e eaha te maraaraa ta te ohipa a te Basileia i ite i to tatou tau? (5) “Ia faahanahana ta tatou ohipa maitatai ia Iehova.” (Mat. 5:14-16) E mea nafea vetahi i te ‘faaanaanaraa i to ratou maramarama?’ (6) “E haapopou anaˈe i te feia apî no te ohipa maitatai o te arue ia Iehova.” (Sal. 148: 12, 13) E nafea to te mau taurearea Kerisetiano o ta tatou tuhaa haaati e arue ai ia Iehova? (7) “E tamau anaˈe i te rave i te ohipa maitatai e e ooti anaˈe i te mau haamaitairaa a Iehova.” (Mas. 10:22) A itoito noa ˈi tatou no te mau ohipa maitatai, eaha te mau haamaitairaa ta tatou e nehenehe e ooti no tatou iho, no te utuafare, no te amuiraa, e no nia i te faanahonahoraa na te ao taatoa?

Himene 180 e pure faaotiraa.

[Nota i raro i te api]