Parau faaite

◼ Papai e pûpûhia i Atete: Te hoê o te mau buka rairai e 32 api i muri nei: Eaha te tumu o te oraraa? Nafea outou e ite ai i te reira?; Eaha te tupu i nia ia tatou ia pohe tatou?; E oaoa oe i te fenua e a muri noa ˈtu!; E tia anei ia tiaturi i te Toru Tahi?; Ia pohe tei herehia e outou na; “Inaha, te faaapî nei au i te mau mea atoa nei”; Te faatereraa o te haamau i te Paradaiso; Te haapao mau ra anei te Atua ia tatou?; Te iˈoa o te Atua e vai noa e a muri noa ˈtu. Ia tano anaˈe, e nehenehe tatou e pûpû hoê o te mau buka rairai i muri nei: Mau varua o te feia pohe—E nehenehe anei ratou e tauturu ia outou aore ra e hamani ino ia outou? Te vai mau ra anei ratou?; Connaîtrons-nous un jour un monde sans guerre?; Une vie pleinement satisfaisante: Comment?; Un livre pour tous. Tetepa: Nafea ia faatupu i te hoê oraraa utuafare oaoa (1979) na roto i te reo Farani; Te ino ore no te ao atoa nei i raro aˈe i te Faatereraa a te ‘Tamaiti hui arii no te hau’ na roto i te reo Tahiti. Atopa: Te Pare Tiairaa e te Réveillez-vous! (Na vea e piti) Mai te peu e e faaite te mau taata i te anaanatae, a pûpû i te buka rairai Titau e a rave i te tahi tutavaraa taa ê no te haamata i te mau haapiiraa bibilia. Novema: Te buka Ite e te buka rairai Titau. Mai te peu e te vai aˈena ra ta te taata teie nau papai, e nehenehe e pûpû i te mau buka Adorez le seul vrai Dieu, Te Bibilia—Parau na te Atua aore ra na te taata? aore ra i te hoê buka tahito aˈe na roto i te reo Farani, e Tahoêhia i roto i te haamoriraa o te Atua mau hoê roa aore ra i te hoê buka tahito aˈe na roto i te reo Tahiti.

◼ Mai te hebedoma o te 20 no Atopa 2003 atu, e haapii tatou i te buka ra Adorez le seul vrai Dieu i roto i te mau haapiiraa buka.

◼ E titauhia ia hiˈopoa te tiaau peretiteni aore ra te hoê taeae ta ˈna i maiti, i te tapura faufaa moni a te amuiraa i te 1 no Tetepa, aore ra i muri noa iho i teie taio mahana. Ia oti taua hiˈopoaraa ra, e faaarahia ˈtu te amuiraa i muri aˈe i te taioraa i te tapura faufaa moni i mua nei.

◼ E mea tia ia rave i te taioraa matahiti i te mau vea atoa e te mau mea neneihia e toe ra i roto i te amuiraa i te 31 no Atete 2003 aore ra i te hoê taio mahana fatata. E ravehia taua taioraa ra mai tei ravehia i te mau avaˈe atoa e te taeae haapao i te mau mea neneihia, e e papaihia te mau numera taatoa i nia i te api parau Stock des publications (S-18). E nehenehe e ani i te numera taatoa o te mau vea e toe ra i te (mau) taeae haapao i te mau vea. Na te papai parau a te amuiraa e tiaau ra i te taioraa e haapao i te reira. E tarima te papai parau e te tiaau peretiteni a te amuiraa e tiaau ra i te api parau. E faataehia ˈtu e toru api parau Stock des publications (S-18) i te mau amuiraa atoa e tiaau ra. A hapono i te api matamua i te piha ohipa a te amaa ra eiaha ia mairi te 6 no Tetepa. A tapea i te piti o te api i roto i ta outou pueraa parau. E faaohipahia te toru o te api ei papaipairaa.

◼ Mai te 25 e tae atu i te 30 no Atete 2003, e taio te piha ohipa a te amaa i te mau mea neneihia e toe ra. Eita ïa e fariihia te hoê noa ˈˈe aniraa no te mau mea neneihia e hapono aore e tii mai i te Betela.

◼ E haamata te mau amuiraa i te ani i te Calendrier des Témoins de Jéhovah 2004, te buka iti E hiˈopoa anaˈe i te mau Papai i te mau mahana atoa—2004 e te Annuaire des Témoins de Jéhovah—2004 i nia i ta ratou parau aniraa papai i mua nei. E tuuhia ˈtu te tapura o te mau reo i neneihia ˈi teie mau papai i roto i te “Parau faaite i te mau amuiraa” haponohia i te mau avaˈe atoa i te taatoaraa o te mau amuiraa.