Haamanaˈoraa no te Haapiiraa o te taviniraa teotaratia
E hiˈopoa-parau-vaha-hia te mau uiraa i muri nei i te Haapiiraa o te taviniraa teotaratia i te hebedoma o te 25 no Atete 2003. Na te tiaau no te haapiiraa e faatere i te haamanaˈoraa e 30 minuti o te mau manaˈo i vauvauhia i te mau hebedoma o te 7 no Tiurai e tae atu i te 25 no Atete 2003. [Nota: No te uiraa aita i faataahia te papai, na outou e rave i ta outou iho maimiraa ia itea mai te pahonoraa.—A hiˈo i te École du ministère [be], api 36-7.]
TUHAA ORERORAA
1. Eaha te mau haamaitairaa ia hiˈo i te taata ta tatou e poro ra? [be api 125 par. 1-2; api 125 tumu parau tarenihia]
2. Ia taiâ outou hou e poro ai, eaha te nehenehe e tauturu? [be api 128 par. 4-5]
3. Eaha te tauturu ia outou ia paraparau ma te huru natura e mai te hoê aparauraa ia horoa outou i te hoê tumu parau na mua mai? [be api 129 par. 2; api 129 tumu parau tarenihia]
4. Eaha ta te mau faaueraa tumu o te Levitiko 16:4, 24, 26, 28; o te Ioane 13:10; e o te Apokalupo 19:8 e faatupu i nia i to tatou huru rapaeau, e no te aha e mea faufaa ˈi? [be api 131 par. 3; api 131 tumu parau tarenihia]
5. A faataa i te hoê taata faaieie ore e te “[feruriraa] haapao maitai.” (Tim. 1, 2:9, 10; MN) [be api 132 par. 1]
VAUVAURAA No 1
6. Noa ˈtu e e mea tia ia faaoromai te mau Kerisetiano te tahi i te tahi, eaha ta ratou e ore e farii? (Kol. 3:13) [w01 15/7 api 22 par. 7-8]
7. Tano aore ra hape: E numera tia te numera nanairaa. A faataa. [si api 282 par. 24-5]
8. Eaha te tumu maitai roa ˈˈe e taio ai tatou i te Parau a te Atua, e no te aha e mea faufaa ˈi ia turaihia tatou e te reira tumu? [be api 24 par. 1]
9. E nafea te taata paari e ‘haaputu ai i te ite’? (Mas. 10:14) [w01 15/7 api 27 par. 4-5]
10. No te aha e mea faahiahia ˈi te mau peu maitatai a Ioba? (Ioba 1:1, 8; 2:3) [w01 1/8 api 20 par. 4]
TAIORAA BIBILIA TAHEBEDOMA
11. Mea nafea to te mau melo o te tino aratai ‘farii-tahi-raa’ e aita i titauhia ia peritomehia te mau Etene faaroo no te ora? (Ohi. 15:25, MN)
12. No te aha te tino aratai i ani ai ia Paulo ia haapao i te tahi mau titauraa o te Ture a Mose e ua faaorehia hoi tera Ture e Iehova? (Ohi. 21:20-26) [it-2-F api 701 par. 4; it-2-F api 1166 par. 2-5]
13. Eaha te mau pariraa hape i te aposetolo Paulo e haamanaˈo ra ia tatou i te mau faahaparaa i te mau Ite no Iehova i to tatou nei tau? (Ohi. 24:5, 6) [w01 15/12 api 22 par. 7–api 23 par. 2]
14. Mea nafea to Paulo vaiihoraa i te hiˈoraa o te hoê taata poro itoito rahi i te Basileia i to ˈna atoa tapearaahia i roto i te hoê fare e piti matahiti i te maoro? (Ohi. 28:30, 31)
15. E nafea “te feia mana toroa” i ‘haapaohia ˈi e te Atua,’ e eaha te faahopearaa no te mau Kerisetiano? (Roma 13:1, 2) [w00 1/8 api 4 par. 5]