Putuputuraa no te taviniraa

Hebedoma o te 12 no Me

Himene 1

10 mn: Parau faaara. Parau faaite e tano o Ta tatou taviniraa i te Basileia. E piti faahiˈoraa o te rave faahou mai i te mau manaˈo tauturu o te api 8 o Ta tatou taviniraa i te Basileia no Eperera 2003 no te pûpû i te mau vea (La Tour de Garde o te 15 no Eperera e te Réveillez-vous! o te 22 no Eperera). I roto i na faahiˈoraa e piti, e faaite tatou hoê noa o na vea, e pûpû râ tatou i te taata ia taio i na vea e piti. E faahiti tatou i te ravea no te pûpû i te hoê ô.

20 mn: E te mau metua, a tauturu i ta outou mau tamarii ia haere i mua. Oreroraa parau o te rave faahou mai i te mau manaˈo tumu o te buka École du ministère, api 9-12 e 21-38. A faaitoito i te mau metua ia faaô i taua mau pene ra i roto ta ratou haapiiraa utuafare, ma te tapao e tauturu i ta ratou mau tamarii ia haere i mua i roto i te taviniraa. A haafaufaa i te mau manaˈo papu o te nehenehe e tauturu i te feia apî ia noaa mai te mau aravihi e titauhia.

15 mn: “Ua tuuhia mai te parau apî maitai.”a A ani oioi hoê aore ra e piti feia poro ia faataa poto noa mai mea nafea to raua faanahoraa ia raua no te apiti hau atu â i roto i te pororaa.

Himene 46 e pure faaotiraa.

Hebedoma o te 19 no Me

Himene 62

15 mn: Parau faaara. Tapura faufaa moni. A faataa i te tumu parau ra “Te porotarama nunaa rau o te paturaa i te mau Piha a te Basileia i te tahi mau fenua no Europa.” A haamanaˈo e e faaohipahia te mau ô na te Faufaa no te mau Piha a te Basileia no te aufau i te paturaa o te mau Piha a te Basileia i te mau fenua ravai ore e tae noa ˈtu i te tuhaa fenua a te amaa.

15 mn: Hinaaro o te amuiraa.

15 mn: “E arue anaˈe ia Iehova na roto i te pororaa faanaho-ore-hia.” Oreroraa parau e aparauraa e te feia e faaroo ra. A hiˈopoahia ˈi te paratarafa 3, a ani i te feia e faaroo ra eaha te nehenehe e parau no te haamata i te tauaparauraa i nia i te hoê tumu parau bibilia i roto i te hoê o te mau tupuraa i muri nei: (1) Ia tiai tatou i te vahi aufauraa o te hoê fare toa. (2) I roto i te mau pereoo mataeinaa. (3) Ia tauaparau tatou e te hoê taata tapiri o te ohipa ra i roto i to ˈna aua. (4) E te hoê hoa i te vahi raveraa ohipa. (5) E te hoê hoa i te fare haapiiraa. E ani-oioi-hia i te hoê taata poro ia faatia mai i te hoê tupuraa i reira to ˈna pororaa ma te faanaho-ore-hia.

Himene 135 e pure faaotiraa.

Hebedoma o te 26 no Me

Himene 174

10 mn: Parau faaara. A haamanaˈo i te feia poro atoa ia faahoˈi mai i ta ratou tapura taviniraa no Me. E piti faahiˈoraa o te rave faahou mai i te mau manaˈo tauturu o te api 8 o Ta tatou taviniraa i te Basileia no Eperera 2003 no te pûpû i te mau vea (Te Pare Tiairaa o te 1 no Me e te Réveillez-vous! o te 8 no Me). I roto i na faahiˈoraa e piti, e faaite tatou hoê noa o na vea, e pûpû râ tatou i te taata ia taio i na vea e piti. I te pae hopea o te hoê o te mau faaiteraa, e vaiihohia te api parau E hinaaro anei outou e ite hau atu â no nia i te Bibilia? i te taata o tei ore i farii i te mau vea.

10 mn: Pahonoraa i ta outou mau uiraa. Oreroraa parau. A haamanaˈo poto noa i te tahi mau manaˈo tauturu o te mau faaiteraa na roto i te niuniu paraparau neneihia i roto i Ta tatou taviniraa i te Basileia no Fepuare 2001, api 6, paratarafa 12-5, aore ra i te tahi atu o tei horoa i te mau faahopearaa maitatai i roto i te tuhaa fenua a te amuiraa.

25 mn: “E parau mau te Parau a te Atua.”b A faaohipa i te mau uiraa e vai ra. A ani i te feia i tae mai ia faatia mea nafea to te feia poro tautururaa ia ratou ia ite i te parau mau ma te pahono i ta ratou mau uiraa maoti te Bibilia. A hiˈopoahia ˈi i te paratarafa 4, faahiˈoraa: e faaite te hoê taata poro aravihi e nafea ia faaohipa i te Bibilia i te farereiraa matamua ma te rave faahou mai hoê o te mau manaˈo tauturu neneihia i roto i te tumu parau “A tufa maitai i te Parau a te Atua.”—km 12/01 api 1 par. 3-4.

Himene 188 e pure faaotiraa.

Hebedoma o te 2 no Tiunu

Himene 210

10 mn: Parau faaara. A haamanaˈo hoê aore ra e piti manaˈo tauturu o te api hau o Ta tatou taviniraa i te Basileia no Tenuare 2002 no te faaiteraa o te buka rairai Titau e te buka Ite.

20 mn: Hoê faaipoiporaa tura, titauraa no ǒ mai i te Atua ra. Oreroraa parau e aparauraa e te feia e faaroo ra. I roto e rave rahi fenua, e mea matauhia ia faaea te tane e te vahine ma te faaipoipo-ore-hia i mua i te ture. Te manaˈo nei vetahi e e mau vahi maitai ta taua tupuraa ra e pûpû ra. A haamanaˈo i te manaˈo o te Bibilia e a haamataratara e no ǒ mai te faaipoiporaa i te Atua ra. (rs api 86-7) E poreneia te faaearaa ma te faaipoipo-ore-hia. (fy api 17) Taa ê atu i te hoê manaˈo i noaa mai, te faaite ra te mau tuatapaparaa e e faaiti mai te ora-amui-noa-raa na mua ˈˈe a faaipoipo ai i te mau ravea ia manuïa te faaipoiporaa. (g02-F 8/3 api 29; g92-F 8/9 api 28; g91-F 8/5 api 28) Te faatura nei te mau Kerisetiano ia Iehova ma te pee i ta ˈna mau faaueraa atoa. Te fanaˈo atoa nei râ ratou i te mau haamaitairaa.—Isa. 48:17, 18.

15 mn: Te faufaahia ra anei outou? Aparauraa e te feia e faaroo ra faaterehia e te tiaau no te haapiiraa. I Tenuare ra, ua haamata tatou i te Haapiiraa o te taviniraa teotaratia ia au i te mau faaueraa apî. A haamanaˈo poto noa i te tahi mau tuhaa apî o te haapiiraa. A faahiti i te mau faahopearaa maitatai i noaa ê na. E mau piahi apî anei tei tapao ia ratou? Ua ineine anei te mau piahi i te apiti hau atu â? Eaha te mau haamaitairaa e fanaˈohia e te mau piahi no nia i te huru aˈoraa apî? A ani i te mau taeae e tuahine ia faataa i ta ratou iho i fanaˈo e tae roa mai i teie nei maoti taua faanahoraa apî ra e te mau haamaitairaa ta ratou e manaˈo ra e huti mai i te roaraa o te tau.

Himene 225 e pure faaotiraa.

[Nota i raro i te api]