E nafea ia pûpû i te mau vea?

La Tour de Garde 15 no Eperera

“I teie mau matahiti i mairi aˈenei, e rave rahi taata o tei ite i te hoê toparaa o te mau faufaa pae varua. O to oe atoa anei manaˈo? [E faaroo tatou i te pahonoraa. I muri iho, e taio tatou i te Salamo 119:105.] E nehenehe te mau faufaa pae varua e tauturu ia tatou ia ape i te mau fifi e rave rahi i roto i te oraraa. Te faaite ra teie vea ihea e itehia ˈi te mau faufaa pae varua mau.”

Réveillez-vous! 22 no Eperera

“I teie mahana, no te vitiviti o te oraraa, e rave rahi te uiui nei e aita anei te mau tamarii e oioi roa ra i te paari. Te haapeapea ra anei te reira ia oe? [E faaroo tatou i te pahonoraa. I muri iho, e taio tatou i te Koheleta 3:1, 4.] Eita e titauhia i te mau tamarii ia amo i te hopoia a te taata paari. Te faataa ra teie Réveillez-vous! e nafea te mau metua e nehenehe ai e paruru i ta ratou mau tamarii i roto i taua tuhaa ra.”

Te Pare Tiairaa 1 no Me

“Te vai nei te mau uiraa e mea fifi ia pahono. Mai teie mau uiraa ei hiˈoraa. [E taio tatou i te Ioba 21:7.] Te vai ra anei te hoê uiraa ta oe e hinaaro e ui atu i te Atua? [E faaroo tatou i te pahonoraa.] Te faataa ra teie vea e mea nafea te mau taata o te ao atoa nei i te iteraa i te mau pahonoraa mauruuru i na toru o te mau uiraa faufaa roa ˈˈe e vai nei.”

Réveillez-vous! 8 no Me

“Mea rahi tei matau i te hoê taata o tei pohehia i te maˈi omaha tihota. Ua ite maitai anei oe i teie maˈi? [E faaite tatou i te api matamua o te vea e e faaroo tatou i te pahonoraa.] Te haamataratara ra teie vea i te mau tumu o te maˈi omaha tihota e te mau ravea no te rapaau i te reira. Te faahiti atoa ra teie vea i te parau fafau bibilia oia hoi e faaore-roa-hia te mau maˈi atoa.” I te pae hopea, e taio tatou i te Isaia 33:24.