Putuputuraa no te taviniraa

NOTA: Te vai ra i roto i teie nei Taviniraa i te Basileia te porotarama o te hoê Putuputuraa no te taviniraa no te mau hebedoma atoa o na avaˈe Tiurai e Atete. E nehenehe te mau amuiraa e rave i te mau tauiraa e titauhia no te mea e tupu te tairururaa mataeinaa “A faahanahana i te Atua.” Mai te peu e e tano, i te Putuputuraa no te taviniraa hopea hou te tairururaa, a faataa 15 minuti no te haamanaˈo i te mau aˈoraa taa maitai no roto mai i te tumu parau hau no teie avaˈe e o te tano i te mau tupuraa i ǒ tatou nei. I Atopa, e faataahia hoê Putuputuraa no te taviniraa taatoa no te haamanaˈo i te tahi mau manaˈo faufaa o te tairururaa. No taua aparauraa ra, e nehenehe tatou paatoa e tapao i te tahi mau manaˈo faufaa i faaroohia i te tairururaa e e papai i te hoê tapura o te mau manaˈo ta tatou e hinaaro i te faaohipa i roto i to tatou oraraa i te mau mahana atoa aore ra i roto i te pororaa. E nehenehe ïa tatou e faaineine ia tatou no te faataa mea nafea to tatou faaohiparaa i tera mau manaˈo tauturu mai te tairururaa mai â.

Hebedoma o te 14 no Eperera

Himene 20

15 mn: Parau faaara. Parau faaite e tano o Ta tatou taviniraa i te Basileia. E piti faahiˈoraa o te rave faahou mai i te mau manaˈo tauturu o te api 8 o Ta tatou taviniraa i te Basileia no Mati 2003 no te pûpû i te mau vea (La Tour de Garde o te 15 no Mati e te Réveillez-vous! o te 22 no Mati). I roto i na faahiˈoraa e piti, e faaite tatou hoê noa o na vea, e pûpû râ tatou i te taata ia taio i na vea e piti.

10 mn: Pahonoraa i ta outou mau uiraa. Vauvauraa na te hoê matahiapo.

20 mn: “E anaana anaˈe mai te mau tiarama.”a A faaoti na roto i te hoê vauvauraa e pae minuti no roto mai i na paratarafa 8-13 o Te Pare Tiairaa o te 1 no Tiunu 1997, api 14-5. A haamahitihiti no te aha tatou e ore ai e huna i te poroi o te Basileia.

Himene 134 e pure faaotiraa.

Hebedoma o te 21 no Eperera

Himene 25

10 mn: Parau faaara. Tapura faufaa moni.

15 mn: “E ruru tatou no te arue ia Iehova.”b A faaohipa i te mau uiraa e vai ra. A titau manihini noa i te melo taitahi ia tae mai i te mau rururaa atoa, mai te poipoi Mahana pae e tae atu i te avatea Tapati. A haamanaˈo i te faufaaraa eiaha noa e faaroo, e faaohipa atoa râ i ta tatou e haapii maira. A tatara i te nota i faahitihia i nia nei no nia i te Putuputuraa no te taviniraa no Atopa, i reira tatou e hiˈo faahou ai i te mau manaˈo faufaa o te tairururaa mataeinaa. A faaitoito i te melo taitahi ia rave i te mau tapaopaoraa.

20 mn: “O te tia ia ˈna ia farii i teie nei parau, a farii oia.”c A uiui atoa hoê aore ra e piti taata poro o te haafaufaa ra i te faaea-taa-noa-raa no te paturu i te Basileia. A ui ia raua eaha te tauturu ra ia raua ia ite i te mauruuru i roto i ta raua taviniraa.

Himene 35 e pure faaotiraa.

Hebedoma o te 28 no Eperera

Himene 51

10 mn: Parau faaara. A haamanaˈo i te feia poro ia faahoˈi mai i ta ratou tapura taviniraa no Eperera. E piti faahiˈoraa o te rave faahou mai i te mau manaˈo tauturu o te api 8 o Ta tatou taviniraa i te Basileia no Mati 2003 no te pûpû i te mau vea (Te Pare Tiairaa o te 1 no Eperera e te Réveillez-vous! o te 8 no Eperera).

15 mn: “Ia riro tatou ei hiˈoraa o te mau ohipa maitatai.”d A faaohipa i te mau uiraa e vai ra. A haamanaˈo e mea faufaa roa ia faatura i te mau faanahoraa no te nohoraa i ravehia no to tatou maitai. A faataa no te aha e mea faufaa roa ˈi te haerea maitai.

20 mn: “E aratai te mau farerei-faahou-raa i te mau haapiiraa bibilia.”e Vauvauraa na te hoê matahiapo, maoti te mau uiraa e vai ra. A ani i te feia e faaroo ra ia faatia poto i te tahi mau tupuraa i farereihia i roto i te taviniraa, o te faataa ra i te mau manaˈo e hiˈopoahia ra. A hiˈopoahia ˈi te paratarafa 5, a rave i te hoê faahiˈoraa ma te hauti faahou i te hoê ohipa i tupu i roto i te tuhaa fenua a te amuiraa e ua faaterehia ˈtura te haapiiraa bibilia.

Himene 89 e pure faaotiraa.

Hebedoma o te 5 no Me

Himene 120

10 mn: Parau faaara. A haamanaˈo poto i te mau manaˈo tauturu o Ta tatou taviniraa i te Basileia no Eperera 2002, api 2, o te tuhaa ra “E rave anaˈe i te tahi mau opuaraa no te mau avaˈe Tiurai e Atete.”

20 mn: “E haapapu te ahu e au e te faatura ra tatou i te Atua.”f Vauvauraa na te hoê matahiapo. A faaohipa i te mau uiraa e vai ra. A ani i te hoê taeae taio maitai ia taio i te mau paratarafa atoa.

15 mn: E oaoa tatou i te hoê tapura taviniraa maitai. (Mas. 15:30) Aparauraa e te feia e faaroo ra, o te haamahitihiti i te mau faahopearaa maitatai tei noaa mai i te amuiraa maoti te tutavaraa taa ê i ravehia i Mati e i Eperera. A ani i te feia poro ia faatia i te tahi mau tupuraa faaitoito ta ratou i farerei i roto i te hoê o teie mau tuhaa: (1) ma te tauturu i te hoê taata aau farii ia tae i te Oroa haamanaˈoraa; (2) ma te riro ei pionie tauturu; (3) ma te faaitoito i te hoê melo aita e poro faahou ra ia haa â e te amuiraa; (4) ma te tauturu i te hoê melo apî ia haamata i te poro; (5) ma te atuatu i te anaanatae o te taata i tae i te Oroa haamanaˈoraa. A ani oioi i te tahi feia poro ia faaineine ia ratou no te tahi o tera mau tatararaa. A haapopou i te feia poro e a faaitoito ia ratou paatoa ia tutava â i mua nei.

Himene 126 e pure faaotiraa.

[Nota i raro i te api]