Te hoê ripene video o te haapii e o te faaitoito
I Eperera 1951, tau tausani Ite no Iehova no te Hau Amui Soviétique—te mau utuafare taatoa—tei haaputuputuhia, faautahia i roto i te mau pereoo auahi e tei hopoi-ê-hia i Sibérie. No te aha te faatereraa puai soviétique i faaoti ai i te haamou ia ratou? Mea nafea to tatou mau taeae i te oraraa mai e te ruperupe-atoa-raa noa ˈtu na ahuru matahiti hamani-ino-raa uˈana? E ite ïa outou na roto i te mataitairaa i te ripene video Fidèles dans les épreuves—Les Témoins de Jéhovah en Union soviétique. Ia haapuai te poroi anaanatae i ta outou faaotiraa eiaha e taiva ia Iehova noa ˈtu eaha te tupu mai!
Eaha ta outou e pahono i te mau uiraa i muri nei: (1) Inafea ra te mau Ite no Iehova i te haamana-matamua-raahia i Rusia? (2) Na mua ˈˈe e i muri aˈe i te Piti o te Tamaˈi rahi, mea nafea to te Hau Amui Soviétique fariiraa i te tahi atu mau tausani utuafare Ite hau? (3) Mea nafea ta ratou mau tiaturiraa i taa ê roa ˈi i te philosophia a Lénine? (4) Eaha te “Opération Nord,” e eaha ta Staline i tiaturi na e fanaˈo? (5) Eaha te auraa o te hopoi-ê-raa no te mau Ite, e eaha tei parauhia ia ratou no te ape atu i te reira? (6) I te roaraa o te tere maoro na nia i te pereoo auahi i Sibérie, mea nafea to te mau taeae e tuahine faaitoitoraa te tahi e te tahi e te haamaereraa i to ratou mau tiai? (7) Eaha te mau ati ta te mau Ite i faaruru i Sibérie? (8) Eaha te faanahoraa pae varua ta te mau tavini a Iehova i haafaufaa na e no te aha? (9) No te aha te mau taeae i ineine ai i te faaû i te pohe no te nenei i te mau papai, e e nafea te reira i te taeraa ˈtu ia ratou noa ˈtu te mau tutavaraa tuutuu ore a te feia faatere no te tapea i te reira? (10) Mea nafea to Khrouchtchev tamauraa i te aro i te nunaa o te Atua? (11) Mea nafea to te feia faatere tamataraa i te aro i te faaroo o te mau Ite apî? (12) Eaha ta te mau taeae i taa maitai no nia i te tumu e hamani-ino-hia ˈi ratou? (Annuaire 2002, api 203-4) (13) Mea nafea te aroraa rahi i te faanahonahoraa a te Atua i te hoˈiraa i nia iho i to ˈna feia hamani ino? (Annuaire 2002, api 220-1) (14) Eaha te moemoeâ tei tupu mau no te mau Ite i te Hau Amui Soviétique? (15) Auaa te aha i faaoromai ai to tatou mau taeae i te tamataraa, e e nafea te hohoˈa hopea o te ripene i te haamahitihitiraa i te tanoraa o te Ieremia 1:19? (16) A faatia hoê o te mau tupuraa i orahia no nia i te taiva ore i roto i te mau tamataraa o tei haaputapû taa ê ia outou.