Putuputuraa no te taviniraa

Hebedoma o te 13 no Tenuare

Himene 69

10 mn: Mau parau faaara. Mau parau faaite e tano o Ta tatou taviniraa i te Basileia. E piti faahiˈoraa o te rave faahou mai i te mau manaˈo tauturu o te api 8 o Ta tatou taviniraa i te Basileia no Titema 2002 no te pûpû i te mau vea (Te Pare Tiairaa o te 15 no Titema e te Réveillez-vous! o te 22 no Titema). I roto i na faahiˈoraa taitahi, a pûpû i na vea e piti, noa ˈtu e e faaite outou hoê noa.

15 mn: Ia noaa mai ma te parau ore. Oreroraa parau e aparauraa e te feia e faaroo ra. E faaiteraa puai te hoê haerea maitai Kerisetiano. Ua turai te reira i te tahi mau hoa faaipoipo tiaturi ore ia riro ei feia haamori ia Iehova. (Pet. 1, 3:1, 2) A faatia i te tahi mau aamu o Te Pare Tiairaa o te 1 no Tenuare 1999, api 4; Te Pare Tiairaa o te 1 no Atopa 1995, api 10-1; e te Annuaire 1995, api 46. E faataa e piti aore ra e toru taata poro tei faaara-oioi-hia i te mau faahopearaa maitatai ta ratou i ite i to ratou faaohiparaa i te mau aˈoraa bibilia i roto i taua tuhaa ra.

20 mn: “E ora anaˈe ia au i ta tatou pûpûraa ia tatou na te Atua.”a I muri aˈe i te hiˈopoaraa o te paratarafa 3, a uiui poto i te hoê taata paari apî aore ra i te hoê taurearea bapetizohia. Eaha te mau fifi ta ˈna i farerei mai to ˈna bapetizoraa mai â? Eaha tei tauturu ia ˈna ia faaruru atu? Mea nafea te pûpûraa i to ˈna oraraa na Iehova i te tautururaa ia ˈna?

Himene 22 e pure faaotiraa.

Hebedoma o te 20 no Tenuare

Himene 44

8 mn: Mau parau faaara. Tapura faufaa moni.

15 mn: Te hiˈopoa ra anei outou i te mau Papai i te mau mahana atoa? Oreroraa parau e aparauraa e te feia e faaroo ra. A faaitoito i te feia atoa i putuputu mai ia faaohipa maitai i te buka iti ra E hiˈopoa anaˈe i te mau Papai i te mau mahana atoa—2003. A tauaparau no nia i te mau manaˈo o te omuaraa parau, api 3-4. (E nehenehe te mau amuiraa aitâ ta ratou te buka iti ra E hiˈopoa anaˈe i te mau Papai i te mau mahana atoa—2003 e faaohipa i to te matahiti 2002.) A horoa i te tahi mau manaˈo tauturu e nafea te utuafare ia hiˈopoa i te irava. No te faaite i te mau maitai e noaa mai na roto i te taioraa i te irava i te mau mahana atoa, a tauaparau no nia e piti aore ra e toru irava o te tatarahia i te roaraa o te avaˈe i mua nei. A faaineine i te hoê faahiˈoraa poto o te faaite ra i te hoê tane e ta ˈna vahine e hiˈopoa amui ra i te irava no teie mahana e te tatararaa.

22 mn: “E haapii anaˈe i te reo ateate i to tatou taata-tupu.”b Faahiˈoraa i muri aˈe i te hiˈopoaraa o te paratarafa 6: e haamata te hoê taata poro aravihi i te hoê haapiiraa bibilia i te uputa i roto i te hoê farerei-faahou-raa, ma te faaohipa i te hoê o te mau faaiteraa o te api hau o Ta tatou taviniraa i te Basileia no Tenuare 2002, api 4. E hiˈopoa oia i te hoê paratarafa o te buka rairai Titau. E faaoti oia ma te faahiti i te uiraa o te paratarafa i muri iho e e parau oia i te taata e e pahono atu oia ia farerei faahou raua. A faaitoito i te feia poro atoa ia feruri teihea taata ta ratou e farerei ra e farii i te haapii i te Bibilia mai teie.

Himene 68 e pure faaotiraa.

Hebedoma o te 27 no Tenuare

Himene 92

10 mn: Mau parau faaara. A haamanaˈo i te feia poro ia faahoˈi mai i ta ratou tapura taviniraa. E piti faahiˈoraa o te rave faahou mai i te mau manaˈo tauturu o te api 8 o Ta tatou taviniraa i te Basileia no Titema 2002 no te pûpû i te mau vea (Te Pare Tiairaa o te 1 no Tenuare e te Réveillez-vous! o te 8 no Tenuare). I roto i na faahiˈoraa e piti, e faaoti te taata poro ma te horoa ˈtu na te taata (hoê tei farii i na vea, te tahi atu aita) i te api parau ra E hinaaro anei outou e ite hau atu â no nia i te Bibilia? A faataa poto e nafea ia rave i te hoê farerei-faahou-raa mai te peu e ua vaiihohia te mau vea e te api parau na te hoê taata.—A hiˈo i Ta tatou taviniraa i te Basileia no Novema 2001, api 4, par. 10.

15 mn: Mau hinaaro o te amuiraa.

20 mn: E tauturu anaˈe i to tatou taata-tupu ia haafatata ˈtu ia Iehova. Oreroraa parau e aparauraa e te feia e faaroo ra. I Fepuare, e pûpû tatou i te buka apî. A tauaparau no nia i tei papaihia no te feia taio i te api 3, e a haamahitihiti i te tahi mau tuhaa taa ê o te buka. Te haamataratara ra na tuhaa taitahi e maha i te hoê o na ateriputi rarahi o Iehova. Te vai ra te hoê pene o te haamanaˈo maira mea nafea to Iesu iho faaiteraa i taua huru ra e te hoê pene o te faataa ra e nafea tatou atoa e faaite ai i te reira. I roto i te buka, te vai ra 17 hohoˈa i nia i te api taatoa o te faaite ra i te mau tupuraa bibilia. E tauturu mai te “Mau uiraa ei feruriruriraa” ia feruri i te tahi atu â mau tuhaa faufaa o te hoê tumu parau. A hiˈo faahou i te tumu parau tarenihia “Mau manaˈo tauturu no te pûpû i te buka E haafatata ˈtu ia Iehova”; faahiˈoraa a te hoê taata poro aravihi o te rave faahou mai i te hoê o tera mau manaˈo tauturu.

Himene 124 e pure faaotiraa.

Hebedoma o te 3 no Fepuare

Himene 9

15 mn: Mau parau faaara. A haapoto i te Pahonoraa i ta outou mau uiraa. A faaitoito i te feia poro ia faaohipa i te api parau Veuillez suivre l’intérêt (S-43) ia farerei ratou i te mau taata reo ěê, ia au i te mau faaitoitoraa i roto i te rata na te mau amuiraa atoa o te 15 no Atopa 1998. E pinepine, e nehenehe e faaohipa i tera api parau ia ore atoa te taata e faaite i te anaanatae no te poroi o te Basileia.

12 mn: E pee anaˈe i to ratou faaroo. A uiui i te hoê matahiapo e tavini ra ia Iehova ma te haehaa e te haapao maitai e rave rahi matahiti i te maoro. (Heb. 13:7) Mea nafea to ˈna iteraa i te parau mau? Eaha te mau haafifiraa ta ˈna i farerei no te paturu i te parau mau? Eaha te mau faanahoraa pae varua aore ra te mau faaitoitoraa o tei tauturu ia ˈna ia haere i mua? Mea nafea to ˈna hinaaroraa i te mau hopoia rahi atu â i roto i te amuiraa? (Tim. 1, 3:1) Mea nafea to ˈna faito-noa-raa i ta ˈna mau hopoia i roto i te amuiraa e ta ˈna mau hopoia noa e te utuafare? (Tim. 1, 5:8) Eaha to ˈna manaˈo no nia i te fanaˈoraa taa ê e tauturu i te tahi atu mau melo o te amuiraa?

18 mn: “Te hoê ohipa o te titau i te haehaa.”c A hiˈopoahia ˈi te paratarafa 3, a titau manihini i te feia e faaroo ra ia horoa i te tahi mau manaˈo tauturu e nafea tatou ia faaooo, ia iria, ia mârô aore ra ia riri mai te hoê taata. A hiˈopoahia ˈi te paratarafa 4, a faahiti atoa i te tahi mau manaˈo o te Étude perspicace, buka 1, api 1158, paratarafa 2.

Himene 133 e pure faaotiraa.

[Nota i raro i te api]