Haamanaˈoraa no te Haapiiraa o te taviniraa teotaratia

Haamanaˈoraa ma te tapiri i te buka i te mau tumu parau hiˈopoahia i roto i te Haapiiraa o te taviniraa teotaratia mai te hebedoma o te 2 no Tetepa e tae atu i to te 23 no Titema 2002. A pahono i nia i te hoê api parau taa ê i te mau uiraa atoa e nehenehe i roto i te area taime i faataahia.

[Faaararaa: I roto i te haamanaˈoraa, o te Bibilia anaˈe te faaohipahia no te pahono i te mau uiraa. Ua horoahia te mau faahororaa i muri aˈe i te mau uiraa atoa no te faaohie i ta outou mau maimiraa. Aita i horoahia te mau numera api e paratarafa atoa o Te Pare Tiairaa.]

A tuu “tano” aore ra “hape” i muri aˈe i te mau pereota i muri nei:

1. Mea faufaa roa te feruriruriraa i te mau huru maitatai faahiahia o Iehova no te haafatata ˈtu ia ˈna. (Sal. 143:5) [w00 15/10 api 4 par. 6]

2. Te tapiriraa i na raau i faahitihia i roto i te Ezekiela 37:15-24, e turua ïa i teie tau e te tahoêraahia te feia haapao maitai i faatavaihia i te matahiti 1919 i raro aˈe i te aratairaa a te Mesia, to ratou ‘arii hoê’ e to ratou ‘tiai hoê’ ra. [Taioraa bibilia tahebedoma; hiˈo w88-F 15/9 api 25 par. 13.]

3. Noa ˈtu e aita te feia faahapa Bibilia i tiaturi e mea tano te buka a Daniela i te pae tuatapaparaa, ua faaite te mau itearaa a te ihipǎpǎ i te roaraa o te mau matahiti e ua hape ratou. [si api 138 par. 4]

4. Mai te peu e, te mea ta tatou e faaroo ra, no ǒ mai i te hoê taata e au ra e e mana to ˈna aore ra o te parau e e ite rahi to ˈna, aita ïa e tumu faufaa e patoi atu ai ei mea hape. [w00 1/12 api 29 par. 7-8]

5. Te faataa ra te parau ra “te mau peropheta iti” ma te tano i te faufaa iti aˈe o na buka hopea 12 o te mau Papai Hebera. [si api 143 par. 1]

6. E ‘tamaiti a te peropheta’ o Amosa i to Iehova titauraa ia ˈna e tonoraa ˈtu e tohu i to Iuda e to Iseraela. (Arii 2, 2:3, MN) [si api 148 par. 1]

7. Te tohu ra te Obadia 16 i te haamouraa o te nunaa Edoma ei faahopearaa o to ratou riri ia Iuda. (Oba. 12) [Taioraa bibilia tahebedoma; hiˈo w89-F 15/4 api 30 tumu parau tarenihia.]

8. To roto te maramaramaraa tano i te parau mau no nia i te Atua e ta ˈna mau opuaraa i te “reo ateate” e faahitihia ra i roto i te Zephania 3:9 (MN). [Taioraa bibilia tahebedoma; hiˈo w01 15/2 api 27 par. 18.]

9. Te tumu i hepohepo roa ino ai te aau o Iesu i roto i te ô i Getesemane, o to ˈna ïa haapeapearaa no nia i te faahopearaa o to ˈna poheraa ei taata ohipa ino vahavahahia i nia ia Iehova e to ˈNa iˈoa moˈa. (Mat. 26:38; Luka 22:44) [w00 15/11 api 23 par. 1]

10. E faataaraa parau tohu te “Philiseti” o te riro “mai te tavana i Iuda,” ia au i tei parauhia i roto i te Zekaria 9:6, 7, no te tahi mau melo o te mau mamoe ê atu i teie tau e faaineinehia ra e “te tavini haapao maitai e te paari” e tei horoahia ˈtu te mana e hinaarohia. (Mat. 24:45) [Taioraa bibilia tahebedoma; hiˈo w95 1/7 api 23 par. 14.]

A pahono i te mau uiraa i muri nei:

11. E nafea ta tatou hopoia e poro e nehenehe ai e faaauhia i ta Ezekiela hopoia tiai? (Ezek. 33:1-11) [Taioraa bibilia tahebedoma; hiˈo w88-F 1/1 api 28 par. 13.]

12. Eaha te turuaraa e te orama a Ezekiela no nia i te mau ivi mǎrô i itehia i teie nei tau? (Ezek. 37:5-10) [Taioraa bibilia tahebedoma; hiˈo w88-F 15/9 api 24 par. 12.]

13. Eaha te haapapuraa puai roa ˈˈe e mea faauruahia te buka a Zekaria e te Atua? [si api 169 par. 5]

14. Eaha tei faahohoˈahia e te oire i roto i te orama a Ezekiela? (Ezek. 48:15-17) [Taioraa bibilia tahebedoma; hiˈo w99 1/3 api 18 par. 22.]

15. E nafea ia haaferuri na nia i te Isaia 2:2-4 e aita te mau ohipa e tupu ra i Iseraela i teie tau e faatupu ra i te parau tohu bibilia? [rs api 49 par. 2]

16. Eaha ta tatou e haapii mai na roto i to Daniela haerea i to te arii faaotiraa eiaha roa ˈtu e pure i te tahi noa ˈˈe atua aore ra taata maori râ i te arii i te roaraa e 30 mahana? (Dan. 6:7-10) [Taioraa bibilia tahebedoma; hiˈo dp-F api 125 par. 25-8.]

17. I te pororaa i teihea poroi a Iehova i riro ai te toea mai te hoê liona i roto i te mau nunaa? (Mika 5:8) [Taioraa bibilia tahebedoma; hiˈo w81-F 15/10 api 23 par. 10.]

18. Eaha te auraa ia parauhia “ua patiahia e oe te [upoo o to ˈna ra mau aito] i te raau na ˈna ra,” i roto i te Habakuka 3:14 (MN)? [Taioraa bibilia tahebedoma; hiˈo w00 1/2 api 22 par. 15; w81-F 1/11 api 29 par. 6-7.]

19. Eaha te faaitehia ra na roto i te taˈo ra “peneiaˈe” i roto i te Zephania 2:3? [Taioraa bibilia tahebedoma; hiˈo w01 15/2 api 19 par. 8.]

20. Ia au i te Zekaria 8:6, i muri mai i te matahiti 1919, mea nafea to Iehova faatupuraa i tei au ra e mea fifi roa i te hiˈoraa taata? [Taioraa bibilia tahebedoma; hiˈo w96 1/1 api 16 par. 18-9.]

A faaî i te mau area i roto i te mau pereota i muri nei:

21. E paraparau atu tatou ia Iehova na roto i te ․․․․․․․․, e haamoriraa hoi te reira i te Atua; i to ˈna ra pae, te ravea faahiahia roa ˈˈe e paraparau mai ai oia ia tatou, mea na roto ïa i ta ˈna ․․․․․․․․. (Sal. 65:2; Tim. 2, 3:16) [w00 15/10 api 5 par. 2-3]

22. E nehenehe Iesu Mesia e parauhia e o Mikaela ia faaauhia te Iuda 9 e te Tesalonia 1, 4:16 i reira te faaueraa a Iesu Mesia ia haamata te tia-faahou-raa e parauhia ˈi “․․․․․․․․”; hau atu â, teie te auraa o te iˈoa ra Mikaela “․․․․․․․․ ․․․․․․․․,” o te faaite maitai ïa e na Iesu e aratai i te faatiaraa i te mana arii o Iehova e te haamouraa o te mau enemi o te Atua. [rs api 195 par. 2-3]

23. Ua faahitihia “taua parau i te rave faahou e te patu ia Ierusalema” ra i te matahiti ․․․․․․․․, o tei tapao ïa i te haamataraa o na 69 hebedoma matahiti tei hope i te faraa mai te Mesia i te matahiti ․․․․․․․․. (Dan. 9:25) [Taioraa bibilia tahebedoma; hiˈo dp-F api 190 par. 20–api 191 par. 22]

24. E turua te Ioela 2:31, o te parau ra e e faarirohia te mahana ei pouri, e te Mataio 24:29, 30, i reira ․․․․․․․․ e faataa ˈi i to ˈna taeraa mai ei Tamaiti a te taata ma ․․․․․․․․. [si api 147 par. 13]

25. Te faateitei ra te parau tohu a ․․․․․․․․ no nia ia Asura e to ˈna oire pu, o ․․․․․․․․, i te parau-tia e te rahi hau ê o Iehova e te haapapu maira e e faatupu Iehova i te haavaraa i nia i te feia iino atoa. [si api 160 par. 11]

A reni i te mau pahonoraa tano i roto i te mau pereota i muri nei:

26. Te haamahitihiti ra te buka a Ezekiela e mea (horoa maitai; haehaa; moˈa) o Iehova e te faaite ra e mea faufaa aˈe (te tupuraa o to ˈna iho huru taata; te haamoˈaraa i te iˈoa o Iehova; te riroraa ei taata tapiri maitai) i te mau mea atoa. [si api 137 par. 33]

27. Te haapapu ra Ezekiela, tei ora na i te tau o Daniela, e e taata mau o Daniela a faahiti ai i to ˈna iˈoa e to (Noa e o Ioba; Mose e o Iosua; Elia e o Elisaia). [si api 138 par. 2]

28. Ia au i te Daniela 2:34, 35, 45, e faahohoˈa te ofai o te tairi e te haaparari i te tii i (te tamaˈi Aramagedo; te mau poroi haavaraa teimaha e porohia ra e te nunaa o te Atua; te Basileia o te Mesia). [si api 142 par. 20, 23]

29. Te faahohoˈa ra te nunaa vivi taipe e faahitihia ra i roto i te Ioela 1:4-6 i (te nunaa Iseraela; te mau Kerisetiano faatavaihia; te nuu Roma). (Ohi. 2:1, 14-17) [Taioraa bibilia tahebedoma; hiˈo w98 1/5 api 9 par. 9.]

30. “Te basileia o ta ˈna Tamaiti here” i faahitihia i roto i te Kolosa 1:13, o (te Basileia ïa o te Mesia; te faatereraa a te Mesia i te amuiraa Kerisetiano mai te Penetekose 33 T.T. mai; te Faatereraa tausani matahiti a te Mesia). [rs api 74 par. 5]

A faatuati i te mau pereota i muri nei i te mau irava e tano:

Hos. 6:6; Ioe. 2:32; Zek. 4:6, 7; 13:3; Roma 12:2

31. Eiaha tatou ia vaiiho e na te mau faito i te pae taˈere aore ra nǒa a teie faanahoraa e aratai i to tatou feruriraa. [w00 1/11 api 21 par. 5]

32. Te mea e mauruuru ai te Atua, e ere ïa te rahiraa tusia e pûpûhia ma te faatia ture, o te mau faaiteraa râ i te aroha taiva ore i niuhia i nia i te ite ia ˈna. [Taioraa bibilia tahebedoma; hiˈo si api 145 par. 16.]

33. Mea faufaa roa no te ora te iteraa, te faaturaraa, e te tiaturiraa i te Atua ra o Iehova to ˈna iˈoa. [Taioraa bibilia tahebedoma; hiˈo w89-F 15/3 api 30 tumu parau tarenihia]

34. E tupu te opuaraa a te Atua, eiaha maoti te mana o te tahi noa ˈˈe taata, maoti râ to ˈna varua o te tauturu i ta ˈna mau tavini ia faaruru i te mau fifi e au i te mouˈa e ia faaoromai i roto i te taviniraa i te Atua. [si api 168 par. 2]

35. To nia roa ˈˈe te taiva ore, tapao no te faanahonahoraa a Iehova, i te mau taairaa taata atoa, mai te mau auraa fetii piri. [si api 171 par. 24]