Mau parau faaite

◼ Mau papai e pûpûhia i te avaˈe Titema: Te taata rahi roa ˈˈe i ora aˈenei. E nehenehe teie buka e monohia e E nehenehe oe e ora e a muri noa ˈtu i roto i te paradaiso i nia i te fenua nei; Ta ˈu Buka Aamu Bibilia aore ra Te Bibilia—Parau na te Atua aore ra na te taata? Tenuare: Te mau buka atoa 192 api i neneihia hou te matahiti 1986. E nehenehe te mau amuiraa aita ta ratou e buka tahito 192 api e pûpû i te buka L’humanité à la recherche de Dieu. Fepuare: E pûpû tatou i te buka apî E haafatata ˈtu ia Iehova. Mati: Te ite e aratai i te ora mure ore. E ravehia te tahi tutavaraa taa ê no te haamata i te mau haapiiraa bibilia.

◼ E haponohia ˈtu te mau parau titau-manihini-raa i te Oroa haamanaˈoraa no te matahiti 2003 i mua nei. Te vai ra na roto i te reo Farani e te reo Tahiti.

◼ A tapao e i te matahiti 2004, e tupu te Oroa haamanaˈoraa i te Tapati 4 no Eperera, i muri aˈe i te toparaa mahana. Te horoa-oioi-hia ˈtu nei teie taio mahana ia nehenehe outou e tapea aore ra e tarahu i te mau piha, mai te peu e e rave rau amuiraa o te faaohipa nei i te hoê â Piha a te Basileia, e e titauhia ia imi ratou i te tahi atu vahi no teie oroa. Ia faaau te mau matahiapo e te feia faatere eiaha te tahi ohipa i roto i taua mau vahi ra ia haafifi i te tereraa hau e te nahonaho o te Oroa haamanaˈoraa e tia ˈi. No te faufaa o teie oroa, ia maiti te tino matahiapo i te hoê o te mau matahiapo aravihi roa ˈˈe ei taeae orero no te Oroa haamanaˈoraa e tia ˈi, eiaha noa râ e rave i te hoê taeae i muri aˈe i te tahi, aore ra i tera noâ taeae i te mau matahiti atoa. Mai te peu e e nehenehe te hoê melo faatavaihia, e matahiapo aravihi oia, e hohora i te oreroraa parau, o ˈna ïa te au ia maitihia.

◼ I te Putuputuraa no te taviniraa i te hebedoma o te 6 no Tenuare, e horoahia te hoê tareta Attestation prévisionnelle na te feia poro bapetizohia atoa i tae mai e te mau Documents d’identité médicaux na ta ratou mau tamarii.

◼ Te vai ra te hoê tauiraa no nia i te tereraa o te Haapiiraa o te taviniraa teotaratia ia haere mai te tiaau haaati. Mai Tenuare 2003 atu, i muri aˈe i te himene e te pure haamataraa, e ravehia fatata 25 minuti no te haapiiraa. Te vai ra hoê vauvauraa e 5 minuti no nia i te hoê tuhaa oreroraa, apitihia mai e te hoê oreroraa parau haapiiraa 10 minuti e te hiˈopoaraa o te mau manaˈo faufaa o te taioraa bibilia 10 minuti. Eita na vauvauraa 2, 3, e 4 e horoahia. Ia oti te haapiiraa, o te Putuputuraa no te taviniraa ïa e 30 minuti. I muri aˈe i te himene, e vauvau te tiaau haaati i te hoê porotarama e 30 minuti, e i muri iho te himene e te pure faaotiraa.