E haapao anaˈe i te mau hiˈoraa faaararaa no tatou
E nehenehe tatou pauroa e haapuai i ta tatou faaotiraa e atuatu i to tatou hapa ore na roto i te haapao-maitai-raa i te mau haapiiraa e vai ra i roto i te darama bibilia i roto i te ripene video Des exemples qui nous servent d’avertissement (Te mau hiˈoraa faaararaa no tatou). Hou e mataitai ai i te reira, a taio i te Numera pene 25 e te Étude perspicace des Écritures, buka 2, api 302, paratarafa 4-6, o te haamanaˈo ra i te huru tupuraa o te aamu. I muri iho, a pahono i teie mau uiraa: O vai ma te mau Moabi, e no te aha Iehova i faaue ai ia Mose eiaha e aro ia ratou? (Deut. 2:9) Mea nafea to Balaama faaohiparaa i to Moabi no te haamou i te nunaa Iseraela? No te aha eiaha ˈi tatou e haamoe e mea rahi te Iseraela tei topa i roto i te hoê tamataraa tano mau hou a tomo atu ai i roto i te Fenua tǎpǔhia?—Kor. 1, 10:11, 12.
A mataitai noa ˈi i te ripene Avertissement, a feruri i te mau tuhaa e maha i muri nei, e mea tia ia ara maite tatou i teie mahana mai te peu e te hinaaro nei tatou e vai taiva ore i te Atua e e atuatu i ta ˈna farii maitai. (1) To tatou huru feruriraa: Eaha te huru feruriraa ino ta te tahi mau Iseraela i faatupu i mua ia Iehova e te mau faanahoraa ta ˈna i rave? Eaha râ te huru feruriraa e mea tia ia tutava tatou i te atuatu? (2) Ta tatou mau amuimuiraa: No te aha Iehova i ore ai i hinaaro ia faahoa te mau Iseraela i to Moabi? (Exo. 34:12; Mas. 13:20) No te aha e mea tia ˈi ia maiti tatou i to tatou mau hoa ma te paari? (3) To tatou huru i te pae morare: I roto i teihea hara ino mau te faatoparaa ta ratou amuimuiraa iino fatata e 23 000 Iseraela? (Kor. 1, 10:8) I to tatou nei tau, eaha tei aratai i te tahi mau tavini a te Atua ia rave i te peu morare ore, e e nafea tatou e paruru ai ia tatou i te reira? (4) Ta tatou haamoriraa: Mea nafea te mau Iseraela i te tamataraahia no nia i te viivii ore o ta ratou haamoriraa? E nehenehe vetahi e topa i roto i teihea huru haamoriraa idolo i teie mahana, e e nafea ia ape i te reira?—Kol. 3:5.
I roto i te darama, mea nafea to Iamina haamaitairaahia no to ˈna hapa ore morare? Maoti teie ripene, eaha te titauraa ru ta te Tino aratai e faatae ra i te Kerisetiano mau atoa? Mai te peu e e upoo utuafare oe, i to oe manaˈo, no te aha e mea paari ai ia hiˈo tamau i teie darama e to oe iho utuafare?