Parau faaite

◼ Papai e pûpûhia i Me: Te Pare Tiairaa e Réveillez-vous! Ia hoˈi oe e farerei i te feia o tei anaanatae (te feia iho â râ o tei haere i te Oroa haamanaˈoraa aore ra i te tahi atu tupuraa teotaratia, o tei ore râ e apiti roa ra i te amuiraa), a tutava i te haamata i te mau haapiiraa bibilia e o ratou ma te faaohipa i te buka Bibilia haapii. Tiunu: Écoute le grand Enseignant. I te hoê taata aita ta ˈna e tamarii, a pûpû i te buka Ite. Tiurai e Atete: Adorez le seul vrai Dieu aore ra Tahoêhia i roto i te haamoriraa o te Atua mau hoê roa. Ia haamatahia te hoê haapiiraa bibilia, mea titauhia ia haapii i te buka rairai Titau e te buka Bibilia haapii hou te buka Adorez Dieu aore ra Tahoêhia i roto i te haamoriraa.

◼ E pae hopea hebedoma taatoa to Tiurai, e tano te reira no te rave i te taviniraa pionie tauturu.

◼ E mea titauhia ia hiˈopoa te tiaau peretiteni aore ra te hoê taeae ta ˈna i maiti, i te tapura faufaa moni a te amuiraa i te 1 no Tiunu, aore ra i muri noa iho i teie taio mahana. Ia faaohipahia te tahi atu parau moni, ei hiˈoraa no te aufau i te mau haamâuˈaraa no te atuaturaa aore ra te paturaa i te piha, e hiˈopoa-atoa-hia te reira. Ia oti te reira, e faaarahia ˈtu te amuiraa i muri aˈe i te taioraa i te tapura faufaa moni ia au i tera hiˈopoaraa.

◼ NOTA TAA Ê NO TE MAU Ô: E mea tia ia papaihia i nia i te parau moni no te ohipa na te ao nei o te horoahia ˈtu i te tairururaa mataeinaa e o te haponohia ˈtu i te amaa te iˈoa i muri nei: “Association Les Témoins de Jéhovah.” Teie te afata rata o te tuhaa numeraraa faufaa a te amaa: B.P. 7715, 98719 Taravao.

◼ E mea tia ia haponohia ˈtu te mau aniraa no te taviniraa pionie tamau i te amaa e 30 aˈe mahana hou te taio mahana i faataahia no te haamata i te taviniraa. E hiˈopoa te papai parau o te amuiraa e ua faaî-maitai-hia anei. Mai te peu e aita te feia ani e haamanaˈo faahou ra i te taio mahana mau o to ratou bapetizoraa, e horoa ïa ratou i te tahi taio mahana huru fatata o ta ratou e tapao. E tapao atu te papai parau i nia i te api parau Activité du proclamateur (S-21).

◼ Ua avarihia te hoê Piha a te Basileia apî i te motu no Rurutu i te 18 no Mati 2006.