Putuputuraa no te taviniraa

Hebedoma o te 14 no Atopa

Himene 103

10 mn: Mau parau faaara. Mau parau faaite e tano i Ta tatou taviniraa i te Basileia. A faaitoito i te melo taitahi ia mataitai i te ripene ra Les jeunes s’interrogent . . . Comment se faire de vrais amis? no te faaineine i te aparauraa o te hebedoma o te 28 no Atopa. E piti faahiˈoraa o te rave faahou mai i te mau manaˈo tauturu o te api 8 o Ta tatou taviniraa i te Basileia no Tetepa 2002 no te pûpû i te mau vea (Te Pare Tiairaa o te 15 no Tetepa e te Réveillez-vous! o te 22 no Tetepa). I roto i na faahiˈoraa taitahi, a faaite i te hoê ravea no te pahono i te patoiraa: “Ua ite maitai au i ta outou ohipa.”—A hiˈo i te buka Haaferuriraa, api 20.

15 mn: Mau hinaaro o te amuiraa.

20 mn: “Te tâuˈa maira te mau tiaau no te haapiiraa buka.” Aparauraa ma te mau uiraa e te mau pahonoraa arataihia e te hoê tiaau no te haapiiraa buka. I roto i te omuaraa parau, a faataa poto mea nafea te haamataraa te mau haapiiraa buka (jv-F api 237 par. 4). A ani na mua i na taata poro e piti aore ra e toru ia faataa eaha te mau maitai ta ratou i fanaˈo i to ratou haapao-roa-raahia maoti te haapiiraa buka.

Himene 65 e pure faaotiraa.

Hebedoma o te 21 no Atopa

Himene 206

10 mn: Mau parau faaara. Tapura faufaa moni.

35 mn: “Ia faufaahia ˈtu â tatou i te tairururaa mataeinaa ‘Feia poro itoito rahi i te Basileia.’” Tuhaa e vauvauhia e te taeae faatere i te haapiiraa o Te Pare Tiairaa. I muri aˈe i te hoê omuaraa parau hoê minuti, a tauaparau e te feia e faaroo ra i nia i te porotarama tairururaa maoti te mau uiraa i roto i te tumu parau. A haapao maitai i te faataa i te taime. E nehenehe outou e faaô mai i te tahi mau tatararaa poto no te haamanaˈo i te tahi mau manaˈo faufaa. Ia tano, a ani i te feia i putuputu mai ia faataa e nafea ratou e faaohipa ˈi i ta ratou i haapii e eaha te mau maitai ta ratou e fanaˈo ra.

Himene 194 e pure faaotiraa.

Hebedoma o te 28 no Atopa

Himene 110

8 mn: Mau parau faaara. A faaite eaha te mau faanahoraa i ravehia no te pororaa i te 1 no Novema. A faaitoito i te melo taitahi ia hiˈo faahou i ta ˈna mau tapaopaoraa no te mahana tairururaa taa ê i mahemo no te faaineine i te aparauraa o te hebedoma i mua. A haamanaˈo i te feia poro ia faahoˈi mai i ta ratou tapura pororaa no Atopa. Mau faahiˈoraa: ma te rave faahou i te mau manaˈo tauturu o te api 8 o Ta tatou taviniraa i te Basileia no Tetepa 2002, e faaite te hoê tuahine e nafea ia pûpû i Te Pare Tiairaa o te 1 no Atopa, e e pûpû te hoê taeae i te Réveillez-vous! o te 8 no Atopa. I muri aˈe i te faahiˈoraa taitahi, a haamahitihiti poto i te hoê tuhaa maitai o te faaiteraa.

12 mn: Mau aamu rii mau a te feia poro o te amuiraa. A ani i te feia i putuputu mai ia faatia i te tahi mau tupuraa ta ratou i farerei i te roaraa o te tairururaa mataeinaa aore ra i roto i te mau tere haere e hoˈi mai, aore ra i to ratou pororaa ma te faanaho-ore-hia i te ohipa, i te fare haapiiraa, i te fare toa, e te vai ra ˈtu â.

25 mn: “Te manaˈo anaanatae e tupu mai.”a A hiˈopoahia ˈi te paratarafa 1, a vaiiho i te feia i putuputu mai ia faaite poto i to ratou manaˈo no nia i te ripene Les jeunes s’interrogent . . . Comment se faire de vrais amis? Ia oti, a hiˈopoa roa ˈtu i te mau uiraa atoa o na paratarafa 2-7.

Himene 41 e pure faaotiraa.

Hebedoma o te 4 no Novema

Himene 66

10 mn: Mau parau faaara. A faaite eaha te mau faanahoraa i ravehia no te pororaa i te 11 no Novema. A hiˈo poto faahou i te tahi mau manaˈo tauturu o te api hau o Ta tatou taviniraa i te Basileia no Tenuare 2002 no te pûpû i te buka rairai ra Titau e i te buka Ite. A faaineine i te hoê faahiˈoraa o te rave faahou mai i te hoê o tera mau faaiteraa.

13 mn: Eita tatou e haama i te parau apî maitai. (Roma 1:16) E tauaparau te hoê Kerisetiano apî e to ˈna metua tane i nia i to ˈna mau fifi. Eita o ˈna e faaite e e Ite no Iehova oia a faaooohia ˈi oia e to ˈna mau hoa haapiiraa. E haamauruuru to ˈna metua tane ia ˈna i te faaite-roa-raa mai i to ˈna manaˈo. E haamanaˈo atu oia i te huru o Petero i te hoê mahana no to ˈna mǎtaˈu i te feia e haaati ra ia ˈna. (Mat. 26:69-74) E horoa te metua tane i teie aˈoraa: eiaha roa ˈtu tatou e haama i to tatou tiaraa Kerisetiano. (Mar. 8:38) Mea maitai ia faaite te mau Kerisetiano apî e e Ite no Iehova ratou i te fare haapiiraa. Ia ite ratou, mea rahi te orometua haapii o te faatura i ta ratou mau tiaturiraa e o te ore e mârô ia ratou ia rave i te tahi mau ohipa o te patoi i to ratou manaˈo haava. Eita paha te feia apî aita ta ratou e faaueraa tumu e turai ia ratou ia pee i te hoê haerea ino. E taa maitai aˈe paha i to ratou mau hoa haapiiraa no te aha ratou e ore ai e faahinaaro, e rave i te mau haa tuaro a te fare haapiiraa aore ra i te tahi atu mau ohipa ia oti te haapiiraa. Ia taimehia, e tauaparau te metua tane e te Kerisetiano apî i nia i te upoo parau iti “Faites la déclaration publique de votre amitié avec Dieu” i roto i te buka Les jeunes s’interrogent, api 315-8. E haamauruuru te taurearea i to ˈna metua tane no ta ˈna mau aˈoraa maitatai.

22 mn: E auraro atu outou i te Atua—E patoi atu i te Diabolo. (Iak. 4:7) Maoti te mau uiraa i muri nei, e aratai te hoê matahiapo i te hoê aparauraa oraora e te feia e faaroo ra i nia i te porotarama o te mahana tairururaa taa ê i tupu i te matahiti taviniraa i mahemo. A ani i te mau melo o te amuiraa ia faatia mea nafea to ratou faaohiparaa i ta ratou i haapii. (E nehenehe e faataa na mua o vai te pahono.) A haamahitihiti i te mau tuhaa i muri nei o te porotarama: (1) “A auraro i te Atua i roto i te hoê ao faatîtîhia.” No te aha tatou e vai ara ˈi ia ore tatou ia topa i roto i te marei a te ao? (2) “A auraro i te Atua ei melo utuafare.” No te aha e mea faufaa roa ia haapaari te mau utuafare i to ratou mau taairaa i roto i te faanahonahoraa a Iehova? E nafea tatou e manuïa ˈi? (3) “A tauturu i te mau pǐpǐ apî ia turu maite ia Iehova.” E nafea tatou e tauturu ai i te mau pǐpǐ apî ia faaruru i te mau haafifiraa o te tamata ra i to ratou faaroo? (4) “Te auraa e patoi atu i te Diabolo.” Eaha te aˈoraa toopiti mea titauhia ia pee tatou no te patoi atu i te Diabolo? E nafea te haana tamaˈi pae varua i faataahia i roto i te Ephesia 6:11-18 e paruru ai ia tatou? (w92 15/5 21-3) (5) “Te feia apî o te patoi ra ma te manuïa i te varua ino” e “Te feia apî o te faufaahia ra i te auraroraa i te Atua.” Eaha te tahi mau ravea paari a Satani mea titauhia ia haapao maitai te mau Kerisetiano apî? Eaha te mau maitai ta te feia apî e fanaˈo ra maoti to ratou auraro ia Iehova? (w90-F 1/8 13-4, par. 15-7) (6) “Ia faufaahia outou i te auraroraa i te Atua.” A faataa e nafea te mau Kerisetiano e faaite ai i te auraro i te mau hau faatere, i ta ratou mau paoti ohipa, i roto i te utuafare e i roto i te amuiraa Kerisetiano. Eaha te mau huru maitatai e tauturu ia tatou ia faaite i tera auraro?

Himene 185 e pure faaotiraa.

[Nota i raro i te api]