E nafea ia pûpû i te mau vea

Te Pare Tiairaa 15 no Tiunu

“E manaˈo anei oe e ia tae i te hoê mahana e ite tatou i te hopea o teie mau huru fifi? [E taio tatou i te faahitiraa matamua o te tumu parau matamua, e e faaroo tatou i te pahonoraa.] Te haapapu maira te Parau faauruahia a te Atua e e fatata teie mau fifi i te hope. [E taio tatou i te Salamo 72:12-14.] Te faataa ra teie Pare Tiairaa e nafea te reira e tupu ai.”

Réveillez-vous! 22 no Tiunu

“E manaˈo anei oe e ia tae i te hoê mahana e tiamâ te taata taitahi? [E faaroo tatou i te pahonoraa.] A tapao na i teie parau fafau faahiahia roa a te Atua. [E taio tatou i te Roma 8:21.] Ia tupu mau â teie parau fafau, e tia ia mou roa te mau huru faatîtîraa atoa, e ere anei? Te faaite ra teie Réveillez-vous! e nafea te reira e tupu ai.”

Te Pare Tiairaa 1 no Tiurai

“Te faaohipa nei e mau mirioni taata i te mau hohoˈa aore ra te mau hohoˈa moˈa i roto i ta ratou haamoriraa, a farii ore noa ˈi e mau mirioni taata ê atu i teie nei peu. Ua uiui aˈena anei oe eaha te manaˈo o te Atua? [E faaroo tatou i te pahonoraa. I muri iho e taio tatou i te Ioane 4:24.] Te faataa ra teie mau tumu parau inafea ra te faaohiparaa o te mau hohoˈa moˈa i te haamataraa mai e eaha ta te Bibilia e parau ra no nia i te haamoriraa i te mau hohoˈa.”

Réveillez-vous! 8 no Tiurai

“Ua faaara te mau parau tohu o te Bibilia e e mea fifi te oraraa i te mau mahana hopea. [E taio tatou i te Timoteo 2, 3:1, 3.] Na te ao atoa nei, te haapapu ra te rahiraa o te ohipa ino i te reira. E mea ino roa ˈtu â te mau tupuraa mai te peu e aita e mutoi! Te faataa ra teie Réveillez-vous! i te mau fifi ta te mau mutoi e faaruru ra na te ao nei.”