E tamau anaˈe i te haafaufaa i Te Pare Tiairaa e te Réveillez-vous!
No te mea aita faahou e tamatahitiraa i Te Pare Tiairaa e i te Réveillez-vous! e tae mai na roto i te fare rata, e faaitoito ïa tatou i te rave e ia tae noa mai ta tatou mau vea e ta te feia ta tatou e poro.
Ta outou iho mau vea: Ia hope ta outou iho tamatahitiraa, a farerei atu i te mau taeae haapao vea no te faarahi i ta outou mau vea. E tia i te mau metua ia ani i te mau vea e navai ia noaa mai i te melo utuafare taitahi ta ˈna numera. A papai i to outou iˈoa i nia i ta outou vea, ia ore ia operehia ˈtu i roto i te pororaa. Ia tae mai te mau vea, e faanahonaho oioi te mau taeae haapao vea i te numera taitahi i te Piha a te Basileia.
Mau tapura opereraa vea: E tia i te feia poro ia tutava i te haamau i te hoê tapura opereraa, to roto atoa te feia atoa e hinaaro ra e taio i te mau vea. Ia horoa roa ˈtu tatou iho i te mau vea ia ratou ra, e nehenehe ïa tatou e atuatu i to ratou anaanatae e e haamata i te mau haapiiraa bibilia.—A hiˈo i Ta tatou taviniraa i te Basileia no Atopa 1998, api 8.
Mau tupuraa taa ê: Ia faaite te hoê taata i te anaanatae mau, e te faaea ra râ oia i te hoê tuhaa fenua aita i tufahia, e nehenehe tatou e tamatahiti ia ˈna. Mai te peu e te faaea ra te hoê taata i roto i te tuhaa fenua a te amuiraa e eita e nehenehe e afai roa ˈtu i ta ˈna mau vea, e e hinaaro mau râ oia e taio i te mau vea, a tauaparau ïa i te reira e te Tomite tiaauraa. Mai te peu e e farii te mau taeae, e nehenehe e tamatahiti ia ˈna maoti te parau tamatahitiraa matauhia (M-1 e M-101).
Ia papu ia tatou e e tamau Iehova i te haamaitai i ta tatou mau tutavaraa atoa e faaite haere i te Basileia na roto i Te Pare Tiairaa e te Réveillez-vous!