E nafea ia pûpû i te mau vea

Te Pare Tiairaa 15 no Mati

“Aita anei oe e manaˈo ra e mea au roa ˈtu te oraraa ahiri tei raro aˈe te ao i te hoê faatereraa parau-tia? [A faaroo i te pahonoraa.] A hiˈo na, teie ta te Bibilia e fafau ra. [A taio i te Salamo 37:11.] E nehenehe tatou e fanaˈo i taua huru hau ra; e riro te reira ei mea mau i raro aˈe i te faatereraa a te hoê taata faatere maitai, o tei faaitehia i roto i teie mau tumu parau.”

Réveillez-vous! 22 no Mati

“E haapohe e e vavahi te mau aueueraa fenua. E pinepine aita to te taata i ora mai e nohoraa faahou e ua ere i te mau mea atoa. Te faaite ra teie Réveillez-vous! eaha te tauturu i horoahia na te feia i fifihia i muri aˈe i te hoê aueueraa fenua. Te faaite atoa ra te reira e ua faahitihia te mau aueueraa fenua i roto i te hoê parau tohu bibilia faufaa roa.”

Te Pare Tiairaa 1 no Eperera

“A faatia mai na oe e ia faaite au ia oe i te hoê manaˈo faaitoito no roto mai i te Bibilia. [A taio i te Mataio 22:37.] Ia manaˈo oe, eaha te auraa o te reira? [A faaroo i te pahonoraa.] Teie te hoê tumu parau ‘A imi i te Atua ma to outou aau e manaˈo.’ E au noa anei te faaroo mau i te aau, aore ra e tia ia niu-atoa-hia i nia i te puai feruriraa? E haamaramarama mau te pahonoraa ia oe.”

Réveillez-vous! 8 no Eperera

“Mai ta oe i ite, mea fifi roa ia haapao i te hoê utuafare i teie mahana. E ohipa teimaha te riroraa ei mama. Te tauaparau ra teie numera o te Réveillez-vous! no nia i teie tumu parau anaanatae: ‘Être maman: un dur métier.’ E hinaaro vau e vaiiho atu te hoê na oe.”