Putuputuraa no te taviniraa

Hebedoma o te 11 no Mati

Himene 2

13 mn: Mau parau faaara. A haamanaˈo i te feia i putuputu mai e o Te Pare Tiairaa o te 1 no Fepuare 2002, api 19, ta tatou e haapii i teie hebedoma no te Oroa haamanaˈoraa. Mau parau faaite e tano o Ta tatou taviniraa i te Basileia. E piti faahiˈoraa ma te rave faahou i te mau manaˈo tauturu o te api 8 o Ta tatou taviniraa i te Basileia no Fepuare 2002 no te pûpû i te mau vea (Te Pare Tiairaa o te 15 no Fepuare e Réveillez-vous! o te 22 no Fepuare). I roto i na faahiˈoraa taitahi, a faaite nafea ia pahono i te patoiraa: “Aita vau e anaanatae ra.”—A hiˈo i te buka Haaferuriraa, mau api 15-6.

12 mn: E tapea anaˈe i to tatou tiaraa amui ore Kerisetiano. Oreroraa parau vauvauhia e te hoê matahiapo aravihi. Te rahi noa ˈtura te mau faaiteraa here aiˈa i roto i te mau fare haapiiraa, i roto i te mau taiete e te mau vahi faaearaa. No te rahiraa o te na reira ra, e ravea tera no te rapaau i te haapeapearaa e te oto faatupuhia e te mau ati peapea. Te mauiui atoa ra tatou i mua i te mau ati e roohia ra e te ao, teie râ, te taa ra ia tatou e te tumu parau faufaa mau roa ˈtu â, o te mana arii ïa i nia i te ao taatoa, e i roto i te poroi o te Basileia e fanaˈo ai tatou i te tamahanahanaraa. Ia faataa tatou ma te faatano i te parau no te aha tatou e ore ai e apiti i te mau ohipa here aiˈa, e tia atoa ia tatou ia faaite i te tamahanahanaraa e te tiaturiraa ta tatou e fanaˈo nei i roto i te Parau a te Atua. Te faataa ra te buka rairai ra Te mau Ite no Iehova e te haapiiraa i te mau api 20-4, i raro aˈe i te upoo parau iti ra “Te aroharaa i te reva,” no te aha tatou e ore ai e apiti atu i te mau oroa here aiˈa. A tauaparau i nia i te mau manaˈo faufaa e a faaitoito i te mau metua ia hiˈo maite faahou i taua mau faataaraa ra e ta ratou mau tamarii. A faatia i te aamu i te api 20 o te buka rairai. A onoono i nia i te faufaaraa ia haamori ia Iehova anaˈe ma te faatura atoa i te mana o te Hau.

20 mn: “Ia taoˈahia outou i te mau ohipa maitatai.”a Tuhaa vauvauhia e te tiaau no te taviniraa. A faaitoito i te feia poro atoa ia apiti maite i roto i te taviniraa no te Oroa haamanaˈoraa i te 28 no Mati. A haamanaˈo nafea ia faaohipa maitai atu â i te mau parau titau-manihini-raa. A titau manihini i te feia poro ia faatia nafea to ratou faaitoitoraa i to ratou fetii, te mau taata tapiri, te feia e haapii ra i te Bibilia aore ra te tahi atu mau taata aau farii maitai ia haere mai i te Oroa haamanaˈoraa i te matahiti i mairi aˈenei e te oaoa ta ratou i fanaˈo. A faaitoito i te feia atoa o te nehenehe ia riro ei pionie tauturu i te avaˈe Eperera e ia rave i te hoê parau aniraa i muri aˈe i te putuputuraa.

Himene 82 e pure faaotiraa.

Hebedoma o te 18 no Mati

Himene 7

10 mn: Mau parau faaara. Tapura faufaa moni. A haapoto i te tumu parau ra “Haamanaˈoraa no te Oroa haamanaˈoraa.” A faaitoito i te taata taitahi ia pee i te porotarama taioraa taa ê o te Bibilia no te Oroa haamanaˈoraa i faanahohia mai te 23 e tae atu i te 28 no Mati i roto i te buka iti ra E hiˈopoa anaˈe i te mau Papai i te mau mahana atoa—2002.

15 mn: “Tahoêhia ia Iehova e ta ˈna Tamaiti i roto i te oaoa.” Oreroraa parau bibilia faaitoito vauvauhia e te hoê matahiapo. A faaitoito i te taata taitahi ia rave i te hoê tutavaraa taa ê i teie iho nei e tae roa ˈtu i te 28 no Mati no te titau-manihini-raa i te taata e rave rahi e nehenehe ia haere mai i te Oroa haamanaˈoraa e o tatou.

20 mn: Eaha te mau maitai ta outou e huti mai na roto i te taioraa i te Annuaire? Oreroraa parau e aparauraa e te feia e faaroo ra. A haamataratara na mua i te mau manaˈo faufaa o “Te hoê rata a te Tino Aratai” i roto i te api hau o teie nei Taviniraa i te Basileia, api 6, e o te itehia i roto i te Annuaire 2002, mau api 3-5. E a ani i te feia e faaroo ra ia horoa mai i te tahi mau parau faataa e ia faatia mai i te tahi mau tupuraa mau faahitihia i roto i te Annuaire 2001 ta ratou i ite e mea faaitoito roa e o tei haapuai i to ratou faaroo. A faaitoito i te feia atoa i putuputu mai ia faaoti i te taio i te Annuaire e ia faaohipa i te reira no te faaite i te faanahonahoraa a Iehova i te feia e haapii ra i te Bibilia.

Himene 45 e pure faaotiraa.

Hebedoma o te 25 no Mati

Himene 12

14 mn: Mau parau faaara. A faataa aitâ i maoro roa no te faaî i te hoê aniraa no te riro ei pionie tauturu i te avaˈe Eperera. A haamanaˈo i te mau faanahoraa i ravehia no te pororaa i te 29 no Mati, mahana faafaaearaa ohipa. Mau faahiˈoraa ma te rave faahou mai i te mau manaˈo tauturu i te api 8 o Ta tatou taviniraa i te Basileia no Fepuare 2002: e pûpû te hoê matahiapo i Te Pare Tiairaa o te 1 no Mati, e te hoê taurearea i te Réveillez-vous! o te 8 no Mati. I muri aˈe i te faahiˈoraa taitahi, a haamataratara i te tahi mau tuhaa anaanatae o te pûpûraa.

15 mn: Mau hinaaro o te amuiraa.

16 mn: E faaohipa anaˈe i te buka Haaferuriraa no te faaitoito ia vetahi ê. Aparauraa e te feia e faaroo ra. I te tahi taime, e hinaaro tatou taitahi i te mau faaitoitoraa parauhia ma te î te here. E tia ïa ia tatou paatoa ia taa i te faufaaraa ia “haamahanahana ˈtu,” i te feia hepohepo iho â râ ta tatou e farerei ra i roto i te taviniraa. (Tes. 1, 5:14) A titau manihini i te feia i putuputu mai ia faahiti, maoti te tauturu a te buka ra Haaferuriraa, i te mau faaitoitoraa bibilia ta ratou e faaite i te hoê taata e roohia ra i te mau fifi i nanaihia i te mau api 91-5. A horoa i te manaˈo e ia tutava te taata taitahi i te faaitoito i te hoê taata mai te peu e e fa mai taua mau tupuraa ra.—Gal. 6:10.

Himene 131 e pure faaotiraa.

Hebedoma o te 1 no Eperera

Himene 27

7 mn: Mau parau faaara. A haamanaˈo i te feia poro ia faahoˈi mai i ta ratou tapura taviniraa no Mati.

18 mn: “Te ‘mau ô taata’ o te faaamu i te nǎnǎ a te Atua ma te aau tae.” Oreroraa parau vauvauhia e te hoê matahiapo. A tatara i te mau irava i horoahia. A faaite i te mau maitai o te mau tere a te mau tiai mamoe i te feia aita e poro faahou ra e te tauturu e horoahia ra i te feia e mero paruparu to ratou no te apiti i roto i te pororaa ia au i tei maraa ia ratou. E faaite te mau tiai mamoe î i te here e te taa ra ia ratou te mau tutavaraa haavare ore ta taua mau taeae e mau tuahine ra e rave ra no te tamau noa i te ohipa i roto i te taviniraa a Iehova.

20 mn: “Ia rahi atu â to outou oaoa i roto i te pororaa.”b A hiˈopoahia ˈi te paratarafa 5, a ani i te tahi mau manaˈo tauturu nafea ia ohipa ma te manuïa i roto i te tuhaa fenua a te amuiraa. Hoê aore ra e piti faahiˈoraa o te faaite nafea ia paraparau i te hoê taata no te horoa poto noa i te faaiteraa. A faaitoito i te taata taitahi ia faatupu i te tahi mau ravea no te poro i teie nei hebedoma.

Himene 15 e pure faaotiraa.

[Nota i raro i te api]