Nafea ia pûpû i te mau vea

Te Pare Tiairaa 15 no Fepuare

“Ua uiui aˈena anei oe eaha te ravea maitai roa ˈˈe no te aratai i to tatou oraraa e no te rave i te mau faaotiraa faufaa? [A vaiiho i te taata ia pahono.] I roto i te Bibilia, te vai ra te tahi o te mau faaueraa tumu aratai maitai roa ˈˈe, ei hiˈoraa, e nehenehe tatou e faahiti i te Ture auro. [A taio i te Mataio 7:12.] Eaha te tahi atu â mau faaueraa tumu a te Atua e faufaa-roa-hia ˈi tatou? E ite oe i te pahonoraa i roto i teie vea.”

Réveillez-vous! 22 no Fepuare

“Ua ite paha oe e mea rahi te mau ohipa e mea atâta roa ˈtu â. I roto i teie vea, te vai ra te tahi mau manaˈo tauturu maitatai o te faaite ra nafea ia paruru ia tatou i te vahi raveraa ohipa. Te faaite atoa ra teie vea e ua taaihia te hoê manaˈo faito noa no nia i ta tatou ohipa e to tatou au-maitai-raa. A taio na i teie vea.”

Te Pare Tiairaa 1 no Mati

“Ia hiˈohia te mau mea e tupu nei i teie mahana, te uiui nei tatou eaha te tiai maira ia tatou! I roto i te hoê pure tuiroo, ua faaite o Iesu Mesia no te aha tatou e nehenehe ai e hiˈo i te tau no a muri aˈe ma te tiaturi. [A taio i te Mataio 6:9, 10.] Te rave faahou ra te taata i te mau hape i ravehia na e mea maoro aˈenei. I teie râ anotau, e oraraa oaoa te tiai maira i te feia e tavini ra i te Atua. Te faaite ra teie vea nafea tatou e fanaˈo atoa ˈi i te reira.”

Réveillez-vous! 8 no Mati

“Te faaite ra te Bibilia i te tuhaa faufaa a te hoê haapiiraa maitai. [A taio i te Maseli 2:10, 11.] Ua ite te rahiraa o te taata e mea faufaa roa ia fanaˈo ta ratou mau tamarii i te mau orometua haapii maitatai. Te haamahitihiti ra teie Réveillez-vous! i te tuhaa faufaa a te mau orometua haapii; te faaite ra teie vea e e tia ia tatou ia mauruuru no ta ratou mau tutavaraa e te faataa ra nafea te mau metua e nehenehe ai e tauturu ia ratou i roto i ta ratou hopoia fifi.”