Nafea ia pûpû i te mau vea

Te Pare Tiairaa 15 no Tenuare

“Mea rahi te taata e faaohipa ra i te mau hohoˈa i roto i ta ratou haamoriraa. I to oe manaˈo, e nehenehe anei tera mau taoˈa e paruru ia tatou? [A vaiiho i te taata ia pahono.] E hinaaro vau e faaite atu eaha ta te Atua mau e rave no tatou. [A taio i te Apokalupo 21:3, 4.] O te hoê Atua e vai mau ra anaˈe te nehenehe e rave i tera mau mea. Te faataa ra teie vea o vai o ˈna e eaha te faufaaraa ia tuu i to tatou tiaturi i nia ia ˈna.”

Réveillez-vous! 22 janv.

“E hinaaro iho â tatou i te hoê nohoraa. I roto râ i te ao nei, te imi ra te mau mirioni taata horo ê, aita hoi e tâuˈahia ra, i te hoê panaˈonaˈo ore eita roa ˈtu e itehia. Te faataa ra teie Réveillez-vous! i te tahi mau tumu o teie ati e i te parau tǎpǔ bibilia e ia tae i te hoê mahana, e fanaˈo te taata atoa i te hoê nohoraa.”

Te Pare Tiairaa 1 no Fepuare

“Ua atutu te parau o te haaviiviiraa. Ua manaˈo aˈena anei râ oe i te haaviiviiraa i te pae feruriraa? [A vaiiho i te taata ia pahono.] Te faaite ra te Bibilia i te faufaaraa ia vai viivii ore i te pae tino e i te pae varua. [A taio i te Korinetia 2, 7:1.] Ua papu ia ˈu e e ite oe e mea faufaa teie tumu parau e te au ia faaohipahia.”

Réveillez-vous! 8 févr.

“Eita e ore e ua ite oe e e pinepine, e haamataraa oaoa to te mau faaipoiporaa, tera râ, mea rahi o te taa nei. E hinaaro vau e vaiiho i teie Réveillez-vous! na oe o te faataa ra i te ravea e vai maoro ai e e oaoa ˈi te hoê faaipoiporaa ia au i te Bibilia.”