Nafea ia pûpû i te mau vea

Te Pare Tiairaa 15 no Novema

“I te tahi taime e faaroo tatou i te tahi mau taata ia parau e: ‘Ua pohe Iesu no tatou.’ [A faahiti i te Ioane 3:16.] Ua ui aˈena anei oe nafea te pohe o te hoê noa taata e nehenehe ai e faaora ia tatou paatoa? [A vaiiho i te taata ia pahono.] Te horoa ra te Bibilia i te hoê pahonoraa ohie. Te faataa maitai ra teie tumu parau ‘E faaora Iesu—Nafea?’ i te reira.”

Réveillez-vous! 22 nov.

“Te haa ra anei te taata mai ta ratou e nehenehe no te paruru i te natura? [A vaiiho i te taata ia pahono.] Te ui ra e rave rahi ehia maororaa te ora i nia i te fenua nei e tapea ˈi i to ˈna huru faito au noa papu ore. Auaa, te anaanatae rahi ra te Atua i taua tumu parau ra. [A taio i te Nehemia 9:6.] Te vauvau ra A ara mai na! mai te aha te ora i nia i te fenua a muri aˈe.”

Te Pare Tiairaa 1 no Titema

“Te faaineine ra te mau taata e rave rahi ia ratou no te pûpû atu i te tahi mau taoˈa e no te rave i te tahi atu â mau ohipa maitai i teie taime o te matahiti. Te haamanaˈo maira te reira i te Ture Auro. [A taio i te Mataio 7:12.] Te manaˈo ra anei oe e e nehenehe e ora ma te faatura i teie ture i te roaraa o te matahiti? [A vaiiho i te taata ia pahono.] Te haaferuri ra teie vea i nia i te tumu parau ra ‘Te Ture Auro—E au noa anei ia faaohipahia?’”

Réveillez-vous! 8 déc.

“Te tǎpǔ ra te Bibilia e ia tae i te hoê mahana, eita te taata e parau faahou e: ‘Ua maˈihia vau.’ [A taio i te Isaia 33:24.] Ia au noa i taua parau tǎpǔ ra, te tauaparau ra teie A ara mai na! no nia i te hoê maˈi e mau mirioni taata, feia apî aore ra feia paari, i roohia i te reira. Teie te tumu parau ‘Maladies articulaires: des raisons d’espérer.’ Ua papu ia ˈu e e haamaramarama maitai teie vea ia oe.”