Nafea ia pûpû i te mau vea

Te Pare Tiairaa 15 no Atopa

“Eaha te titauhia no te haamau i te hoê ao maitai aˈe e te oaoa aˈe? [A vaiiho i te taata ia pahono.] Ua tamata te taata i te mau huru faatereraa atoa no te haamaitai i te mau mea. A hiˈo na râ eaha te manaˈo o te Atua. [A taio i te Ieremia 10:23.] Te faaite ra teie vea eaha ‘Te ravea e riro ai te ao ei ao oaoa’ e e fatata te reira i te tupu.”

Réveillez-vous! 22 oct.

“E farii anei oe e i teie mahana, te faaruru nei tatou i te mau faaheporaa aita i itehia aˈenei? [A vaiiho i te taata ia pahono.] Ua faaite atea te Bibilia i te reira. [A taio i te Timoteo 2, 3:1.] No te mea e mea fifi roa te oraraa, mea rahi o te toaruaru ra. Mea faaitoito roa teie vea. Te faaite ra teie vea nafea ia faaruru i te hepohepo e nafea ia ora i te hoê oraraa e hoona.”

Te Pare Tiairaa 1 no Novema

I muri aˈe i te faahitiraa i te hoê parau apî peapea, e ui tatou e: “No te aha te taata e rave ai i tera mau ohipa iino? E tia hoi ia ite tatou eaha te mea maitai e eaha te mea ino, tera râ, te rave noa ra te taata i te mea ino. No te aha? [I muri aˈe i te faarooraa i te pahonoraa, a taio i te Apokalupo 12:9.] Te faataa ra teie vea nafea ia paruru ia tatou na roto i te parururaa i to tatou manaˈo haava.”

Réveillez-vous! 8 nov.

“E farii iho â oe e te ora nei tatou i roto i te hoê ao haavî. [I muri aˈe i te faarooraa i te pahonoraa, a taio i te Timoteo 2, 3:3.] E pinepine, e tupu atoa te mau ‘ohipa haavîraa’ i roto i te utuafare. I roto i teie tumu parau ‘De l’aide pour les femmes battues,’ te vai ra te hoê poroi o te tiaturiraa. Ua matau paha oe i te hoê taata o te hinaaro atoa e ite i te reira.”