Putuputuraa no te Taviniraa

Hebedoma o te 10 no Tetepa

Himene 86

5 mn: Mau parau faaara. Mau parau faaite e tano o Ta tatou taviniraa i te Basileia.

22 mn: “Eaha te manaˈo o te mau Ite no Iehova no nia i te maitiraa?”a No roto mai teie api hau i te hoê tumu parau taatoa i neneihia i roto i Te Pare Tiairaa o te 1 no Novema 1999 na roto i te reo Beretane, mau api 28-29. Mea maitai aˈe na te taeae faatere i te haapiiraa o Te Pare Tiairaa e vauvau mai.

18 mn: “Te rave faahope roa ra anei outou i ta outou taviniraa?”b I muri aˈe i te aparauraa i nia i te mau paratarafa 1-3, e faaite e piti faahiˈoraa nafea ia pûpû poto noa i te mau vea (Te Pare Tiairaa o te 15 no Tetepa e Réveillez-vous o te 22 no Tetepa). I muri aˈe i te hiˈopoaraa i te paratarafa 4, faahiˈoraa o te rave faahou mai i te faaiteraa i horoahia, e te buka ra Ite.

Himene 124 e pure faaotiraa.

Hebedoma o te 17 no Tetepa

Himene 92

15 mn: Mau parau faaara. Tapura faufaa moni. “Tei roto i te Index.” A faaite nafea ia itea mai te tahi mau manaˈo tauturu no te pûpû atu i te buka Création.

15 mn: Eaha ta tatou i rave i te matahiti i mairi aˈenei? Oreroraa parau vauvauhia e te tiaau no te taviniraa. A faataa i te mau numera faufaa o te tapura a te amuiraa no te matahiti taviniraa 2001. A haapopou no te mau tuhaa maitatai. A faataa taa ê i tei ravehia e te amuiraa i te pae o te haereraa mai i te mau putuputuraa, te poro-tamau-raa e te mau haapiiraa bibilia; a horoa i te tahi mau manaˈo tauturu no te haamaitai i taua mau tuhaa ra. A horoa i te tahi mau tapao au noa no te matahiti apî.

15 mn: Pahonoraa i ta outou mau uiraa. Oreroraa parau. A haamanaˈo i te porotarama tahebedoma o te mau putuputuraa no te pororaa a te amuiraa. A faataa nafea te feia atoa e haere mai i taua mau putuputuraa ra e faatupu ai i te mau aparauraa o te manuïa. A faaitoito i te feia poro ia turu i taua mau faanahoraa ra.

Himene 129 e pure faaotiraa.

Hebedoma o te 24 no Tetepa

Himene 97

15 mn: Mau parau faaara. E piti faahiˈoraa o te rave faahou mai i te mau manaˈo tauturu o te tumu parau ra “Nafea ia pûpû i te mau vea.” (Te Pare Tiairaa o te 1 no Atopa e Réveillez-vous! o te 8 no Atopa)

30 mn: A here i te Atua—Eiaha e hinaaro i te mau mea o teie nei ao. (Ioa. 1, 2:15-17) Oreroraa parau e aparauraa e te feia e faaroo ra o te tatara mai i te porotarama o te tairururaa haaati no te matahiti taviniraa i mairi aˈenei. A titau manihini i te feia poro ia tatara i te mau manaˈo faufaa ta ratou i haapii e ia faaite nafea ratou aore ra to ratou utuafare i te faaohiparaa i te reira. (E nehenehe e horoa-na-mua-hia te tahi mau tuhaa.) A aparau i nia i te mau tuhaa o te porotarama i muri nei: (1) “E faaitoito te here i te Atua ia tatou i roto i ta tatou taviniraa.” E tauturu taua here ra ia tatou ia faaruru i te mau hinaaro natura au ore o te haafifi ia tatou i roto i te pororaa: te mamahu, te manaˈo eita e maraa ia tatou, te mǎtaˈu i te taata. (2) “E riri te feia e here ia Iehova i te ino.” (w99 1/10 28-31) Ua taaihia to tatou mau taairaa e o Iehova i te riri ta tatou e atuatu ra i te mea ta Iehova e riri ra, eiaha noa i te ino mau, oia atoa râ i te mau mea haavarevare roa ˈˈe. (3) “A tapi i te eˈa faaauraa ore o te here.” (w92 15/7 27-30) I roto i te Korinetia 1, 13:4-8, te horoahia ra te tumu e faaoromai ai i te mau huru tia ore o vetahi ê, e ape ai i te manaˈo ia ˈna iho e te tataˈu, e ore ai e haaparare i te mau parau faaino e e vai taiva ore ai i te faanahonahoraa a te Atua. (4) “Te mau mea i roto i teie nei ao—Eaha to tatou manaˈo i te reira?” Eiaha tatou e hinaaro i te mau mea i roto i teie nei ao, e topa i roto i te mau hinaaro o te tino, e vare i te hinaaro o te mata, aore ra e faaiteite ma te faaoru i ta ˈna mau ravea imiraa moni. (5) “E paruru te oreraa e riro ei to teie nei ao ia tatou.” Te faaite ra te Korinetia 2, 6:14-17 e e nehenehe te tahi mau tiaturiraa, te tahi mau taere e te tahi mau peu e faaere ia tatou i te farii maitai a te Atua. E tia ia ite maite tatou i te mau marei ta Satani e faaohipa e ia ape tatou i te reira. (6) “Te mau tǎpǔ a te Atua no te feia e here ra ia ˈna.” (w86-F 15/6 5-6) Na te haamaitairaa a Iehova e faaoaoa i to tatou oraraa e e faaona ia tatou i te pae varua.—Tim. 1, 6:17-19.

Himene 133 e pure faaotiraa.

Hebedoma o te 1 no Atopa

Himene 106

10 mn: Mau parau faaara. A haamanaˈo i te feia poro ia faahoˈi mai i ta ratou tapura taviniraa no Tetepa.

15 mn: Nafea ia ohipa maitai aˈe i te fare haapiiraa? E aparau te hoê matahiapo (aore ra te hoê tavini tauturu) raua ta ˈna vahine e te hoê o ta raua mau tamarii e haere ra i te haapiiraa. E haapeapea te mau metua no te mea mea taere oia i te fare haapiiraa. E hiˈo faahou mai raua i te mau aˈoraa o te buka ra Les jeunes s’interrogent, pene 18, e aparau raua eaha te tia i te tamarii ia rave no te haamaitai i ta ˈna ohipa. E haamanaˈo te mau metua ia ˈna i te faufaaraa o te hoê haapiiraa tumu ia nehenehe oia e faaohipa hope roa i to ˈna mau ite no te taviniraa moˈa.

20 mn: “E haafifiraa anei teie ia ore au e poro?”c A onoono i nia i te faufaaraa ia vai faito noa i te pae o te ohipa i roto i te ao, ia haamau i te tahi mau fa matamua ia tuuhia te mau faufaa a te Basileia i te parahiraa matamua. A titau manihini i te tahi mau upoo utuafare a te amuiraa ia faatia mai nafea to ratou faarururaa i te tautooraa e haapao i te mau hinaaro o to ratou utuafare ma te ore e haapae i to ratou mau hinaaro i te pae varua.

Himene 137 e pure faaotiraa.

[Nota i raro i te api]