Putuputuraa no te Taviniraa

Hebedoma o te 13 no Atete

Himene 30

13 mn: Mau parau faaara. Mau parau faaite e tano o Ta tatou taviniraa i te Basileia. A faaitoito i te taata taitahi ia mataitai i te ripene La Société du Monde Nouveau en action no te faaineine i te aparauraa i te hebedoma o te 27 no Atete. A hiˈopoa i te tumu parau tarenihia “Mahana tairururaa taa ê: te porotarama apî.” A faaite i te taio mahana o te mahana tairururaa taa ê i mua nei e a huti i te ara-maite-raa o te feia e faaroo ra i nia i te faufaaraa ia tae mai i te taatoaraa o te tairururaa. A faaitoito i te feia poro ia titau manihini i te mau taata e anaanatae apî ra oia atoa te feia e haapii aˈena ra i te Bibilia.

17 mn: “E hinaaro anei outou e rave hau atu â?”a A faaô mai i te tahi mau manaˈo tauturu nafea ia poro hau atu â i te feia reo ěê. A horoa poto noa i te tahi mau manaˈo no roto mai i Te Pare Tiairaa o te 15 no Tiunu 1997, mau api 26-29.

15 mn: “E vaiiho anaˈe i te mau faaanaanataeraa i to ratou parahiraa.” E aparau te hoê taeae faatere haapiiraa buka e te hoê tane e ta ˈna vahine i muri aˈe i te haapiiraa. E parau oia ia raua ma te mǎrû e i teie mau taime i mairi aˈenei, aita oia e ite faahou ra ia raua ia poro aore ra ia haere mai i te mau putuputuraa i te hopea hebedoma. E faataa na hoa faaipoipo e mea ohipa roa raua i te pae o te mau tau faafaaearaa e te tahi atu mau ohipa faaanaanataeraa. E rave faahou mai te matahiapo i te mau manaˈo faufaa o te tumu parau no te tauturu i na hoa faaipoipo ia taa e ia vai noa te mau ohipa pae varua i te parahiraa matamua e tia ˈi. E haamauruuru na hoa faaipoipo ia ˈna no ta ˈna mau haamanaˈoraa tano. I teie nei, e haapao raua i te haamau i te tahi mau mea faufaa aˈe.—Hiˈo i Te Pare Tiairaa o te 1 no Atopa 2000, mau api 19-20.

Himene 68 e pure faaotiraa.

Hebedoma o te 20 no Atete

Himene 33

8 mn: Mau parau faaara. Tapura faufaa moni.

15 mn: “‘Ei mataitairaa teata’ outou.”b A faahiti i te tahi mau aamu mau i tupu i ǒ nei o tei turai i te taata ia haapopou i te ohipa aore ra te haerea o te mau Ite no Iehova.—Hiˈo i Te Pare Tiairaa o te 15 no Mati 1998, api 10 e o te 15 no Tenuare 1999, api 32.

22 mn: “Mea ite te feia haapao maitai i te Atua i te peu.” E vauvau te hoê matahiapo i te hoê oreroraa parau e 5 minuti ma te haapoto i te mau paratarafa 1-5, i muri iho e aparau oia no nia i te toea o te tumu parau e te tahi atu matahiapo e te hoê tavini tauturu. E tauaparau ratou nafea ia haapae i te tahi mau peu matau iino o te nehenehe e fariu ê i te ara-maite-raa i te mau putuputuraa e e taotia i te maitai e noaa mai ia tatou i roto i te porotarama. E haamanaˈo ratou e mea faaitoito mau te mau taime e amuimui ai tatou ia haapao tatou i to vetahi ê maitai.—Phil. 2:4.

Himene 72 e pure faaotiraa.

Hebedoma o te 27 no Atete

Himene 40

10 mn: Mau parau faaara. A haamanaˈo i te feia poro ia faahoˈi mai i ta ratou tapura taviniraa no Atete. A faaite poto noa hoê aore ra e piti manaˈo tauturu nafea ia pûpû i te buka ra Création i roto i te pororaa i te avaˈe Tetepa.—Ua pûpûhia te tahi mau hiˈoraa i roto i Ta tatou taviniraa i te Basileia (Tetepa 1996, api 8 e Tiunu 1995, api 4).

10 mn: Mau hinaaro o te amuiraa.

25 mn: “Haamanaˈoraa i te pae tuatapaparaa i te ripene La Societé du Monde Nouveau en action.” Aparauraa e te feia e faaroo ra e mau uiuiraa manaˈo. I muri aˈe i te aparauraa no nia i te mau uiraa i horoahia ˈtu, a ui i te feia poro o tei haere i te pataraa o te hohoˈa matamua aore ra i te mau tairururaa nunaa rau i te mau matahiti 1950. A ui ia ratou eaha ta ratou e haamanaˈo ra no nia i taua mau tupuraa ra, e te faahopearaa i nia i to ratou ea pae varua e i nia i to ratou tiaturiraa papu e e melo ratou o te faanahonahoraa a Iehova. I te avaˈe Atopa, e aparau tatou i nia i te ripene Unis grâce à l’enseignement divin.

Himene 74 e pure faaotiraa.

Hebedoma o te 3 no Tetepa

Himene 80

8 mn: Mau parau faaara.

17 mn: “Mea faufaa anei te mau taairaa Kerisetiano?”c A faaô mai i te tahi mau manaˈo no roto i te upoo parau iti “Na roto i te amuiraa” o Te Pare Tiairaa o te 15 no Tenuare 1996, api 22.

20 mn: Ia parau mai te hoê taata e . . . Aparauraa e mau faahiˈoraa. Ia horoa mai te tahi mau taata i te tahi mau manaˈo aore ra ia ui mai i te tahi mau uiraa ta tatou i ore i manaˈo i roto i te pororaa, e tia ia tatou ia faaitoito i te pahono atu eiaha râ e taui i te tumu parau aore ra e faaoti i te aparauraa. E tauturu pinepine te buka Haaferuriraa ia tatou i te reira paeau. A faahiti i te tahi mau parau matauhia, e a ani i te tahi mau taata poro ia faataa mai nafea ratou e pahono ai maoti te mau manaˈo o te buka Haaferuriraa. Ei hiˈoraa, “Aita vau e tiaturi ra i te Atua.” (api 56) “No te aha outou e ore ai e apiti i roto i te mau ohipa o te haamaitai i te oraraa o te huiraatira?” (mau api 210-211) “Noa ˈtu eaha ta oe ekalesia aita ïa e taa-ê-raa.” (api 154) A faaitoito i te feia poro atoa ia faaohipa i teie tuhaa o te buka Haaferuriraa ia farerei ratou i te tahi mau tupuraa manaˈo-ore-hia i roto i ta ratou pororaa.

Himene 121 e pure faaotiraa.

[Nota i raro i te api]