E nehenehe e horoa i te hoê Taviniraa o te Basileia na vai?

Te tumu o Te taviniraa o te Basileia, o te tautururaa e te faaitoitoraa ïa i te feia e apiti nei i roto i te ohipa pororaa. No reira, eita e tia ia operehia ˈtu na te taatoaraa. E tia ia horoahia hoê Taviniraa o te Basileia na te mau taata poro bapetizohia e bapetizo-ore-hia atoa. E horoa-atoa-hia hoê na te feia o te haere tamau mai i te Putuputuraa no te Taviniraa e o te haere ra i mua no te apiti atu i roto i te pororaa. A haapapu e ua vaiihohia hoê Taviniraa o te Basileia i te hiti no te vairaa buka o te Piha a te Basileia. Eiaha roa e horoa ˈtu na te mau taata tiavaruhia.

I roto i te tahi mau amuiraa, ua ite te mau taeae e mea maitai ia hamani i te tapura o te feia atoa e faaî ra i te mau titauraa ia noaa ta ratou hoê Taviniraa o te Basileia, e ia vahi ia au i te mau pǔpǔ haapiiraa buka. E nehenehe te mau taeae faatere haapiiraa e faaohipa i te reira ei ravea e ohie ai te opereraa, e patapata paha i te matini aore ra e papai maitai i te iˈoa o te taata taitahi i nia i te Taviniraa o te Basileia o te horoahia ˈtu na ˈna. E tia i te feia atoa e horoahia ˈtu te hoê Taviniraa o te Basileia, ia tapea maitai i te reira; e faaohipa ˈtu ratou no te faaineine ia ratou no te Putuputuraa no te Taviniraa e te pororaa. E rave rahi tei ite i te faufaaraa ia tuu i ta ratou Taviniraa o te Basileia i roto i ta ratou vairaa buka teotaratia ia nehenehe ratou e hiˈo faahou i roto a muri aˈe.