E faatupu anaˈe i te mauruuru no te ripene ra La Bible: le livre le plus ancien toujours d’actualité

Ua niuhia te mau uiraa i muri nei i nia i te tahi mau manaˈo faufaa ta outou paha i tapao i to outou mataitairaa i teie ripene: 1) I roto i teihea mau tuhaa e riro ai te Bibilia ei buka taa ê roa? 2) A faahiti i te tahi hiˈoraa e haapapu ra e e tuati te Bibilia e te ite aivanaa no teie tau noa ˈtu â e e buka tahito roa. 3) No te aha tatou e nehenehe ai e papu e aita te Bibilia, e vai ra ia tatou nei i teie mahana, i taa ê i te mau papai matamua? 4) A faahiti i te tahi tuhaa faahiahia o te mau parau papai bibilia tahito; eaha te haapapuraa ta te reira e horoa ra na outou? 5) Nafea to John Wycliffe, Gutenberg, William Tyndale, Mary Jones e o Charles Russell tautururaa e ia operehia te Bibilia na te ao atoa nei? 6) Nafea te Ekalesia i te onoonoraa i te patoi i te Bibilia, maoti te aha i vai noa mai ai taua buka ra e tae roa mai i to tatou tau? 7) Mea nafea te faanahonahoraa a Iehova i te tautururaa i te pae o te huriraa e te neneiraa i te mau Bibilia? 8) Nafea te mau aˈoraa bibilia au ia faaohipahia i tauturu ai i te mau taata matau i te pere (Tim. 1, 6:9, 10), te mau hoa faaipoipo i taa aore ra e mauiui ra no te faaturi (Kor. 1, 13:4, 5; Eph. 5:28-33), aore ra te tahi mau taata o tei haamau i to ratou oraraa i nia i te faufaa (Mat. 16:26)? 9) Eaha te tahi mau faaiteraa e haapapu ra e e nehenehe te faaohiparaa i te mau faaueraa tumu o te mau Papai e tinai i te riri o te feia here aiˈa, i rotopu i te mau opu fetii aore ra mau nunaa na te ao atoa nei? 10) Nafea te ite i te Bibilia i faaoaoa roa ˈi ia outou? 11) I to outou manaˈo, o vai te faufaahia i teie ripene, e nafea e nehenehe ai e faaite atu ia ratou?