La Bible: un livre historique et prophétique

Le livre le plus ancien toujours d’actualité, o te matamua ïa o na hohoˈa e toru i nia i te DVD La Bible: un livre historique et prophétique. I muri aˈe i te mataitairaa i teie hohoˈa, a pahono i te mau uiraa i muri nei:

(1) E nafea te Bibilia e tuati ai i te ite aivanaa o teie nei tau? (2) E nafea tatou e papu ai e ua niuhia iho â te mau Bibilia o to tatou tau i nia i te mau papai tumu? (3) A faahiti i te tahi tuhaa faahiahia o te mau parau papai bibilia tahito. (4) Mea nafea to John Wycliffe, Johannes Gutenberg, William Tyndale, Jan Hus, Martin Luther, Casiodoro de Reina, e o Charles Russell tautururaa i te haaparareraa i te Parau a te Atua na te ao atoa nei, e mea nafea te ekalesia i te patoi-uˈana-raa i te Bibilia? (5) Mea nafea te mau aˈoraa bibilia e au ia faaohipahia i te tautururaa i te taata ia haapae i te pereraa mahâ ore (Tim. 1, 6:9, 10), ia faaafaro i te mau fifi mai te faataa-ê-raa e te taivaraa i to ˈna hoa faaipoipo (Kor. 1, 13:4, 5; Eph. 5:28-33), ia faaruru i te maˈi (Sal. 34:8), aore ra eiaha ia haapeapea rahi no te mau taoˈa materia (Mat. 16:26)? (6) Eaha te tahi mau faaiteraa e haapapu ra e e nehenehe te faaohiparaa i te mau faaueraa tumu o te mau Papai e tinai i te riri i te nunaa, i te opu taata, e i te taata iri ê (Luka 10:27)? (7) Mea nafea te fariiraa i te mau faaueraa tumu o te Bibilia i te faaoaoa-rahi-raa ia oe? (8) E nafea oe e nehenehe ai e faaohipa i teie hohoˈa no te tauturu ia vetahi ê?—A hiˈo i Ta tatou taviniraa i te Basileia no Fepuare 2006, api 8.