Putuputuraa no te Taviniraa
Hebedoma o te 13 no Novema
Himene 4
10 mn: Mau parau faaara. Mau parau faaite e tano o Te taviniraa o te Basileia. A faaite i te mau faanahoraa no te pororaa i te 23 no Novema.
13 mn: Pahonoraa i ta outou mau uiraa. Oreroraa parau vauvauhia e te hoê matahiapo.
22 mn: “E haapao anaˈe i te anaanatae i faatupuhia e te mau Parau apî o te Basileia n° 36.” Aparauraa ma te mau uiraa e te mau pahonoraa i te mau paratarapha 1-5. A faaite eaha te mau faanahoraa i ravehia no te poro i te mau tuhaa fenua aita e haerehia ra. Hiˈopoaraa i te mau faaiteraa o te mau paratarapha 7 e te 8 horoahia no te mau hoˈi-faahou-raa e farerei, apitihia mai e te mau faahiˈoraa o te mau faaiteraa taitahi. A onoono i nia i te faufaaraa ia haapao i te anaanatae atoa e ia tutava i te haamata i te mau haapiiraa Bibilia. A faaoti na roto i te hoê aparauraa o te paratarapha 9 e te mau irava horoahia.
Himene 63 e pure faaotiraa.
Hebedoma o te 20 no Novema
Himene 111
10 mn: Mau parau faaara. Tapura faufaa moni.
15 mn: Mau tupuraa farereihia i roto i te opereraa i te mau Parau apî o te Basileia n° 36. A faaite ehia rahiraa tuhaa fenua i porohia. A tahi ra anei vetahi a poro ai? A faahiti i te tahi mau parau au maitai a te taata. Ua haamata anei te tahi mau taata poro i te tahi mau haapiiraa Bibilia? Mai te peu e e, a ani ia ratou ia faataa mai mea nafea (peneiaˈe na roto i te hoê faahiˈoraa). A haamanaˈo i te faufaaraa ia haapao noa i te anaanatae i faaitehia.
20 mn: “E tamau noa anaˈe i te poro.” Oreroraa parau e uiuiraa manaˈo. Tei roto te vetahi i te faanahonahoraa a Iehova mai to ratou tamarii-rii-raa mai â e ua poro ratou ma te tuutuu ore i te roaraa o to ratou oraraa. Maoti te hoê huru feruriraa maitai, te oaoa ra ratou. (Hiˈo te buka Ite, api 179, par. 20 e Te Pare Tiairaa o te 1 no Me 1992, mau api 21-22, mau par. 14-15.) A titau manihini i te hoê taata tei poro ma te itoito e rave rahi matahiti i te maoro ia faataa mai na te aha i turai ia ˈna ia poro ma te tuutuu ore.
Himene 141 e pure faaotiraa.
Hebedoma o te 27 no Novema
Himene 153
10 mn: Mau parau faaara. A haamanaˈo i te feia poro ia faahoˈi mai i ta ratou tapura taviniraa no Novema. I te avaˈe Titema, e pûpû tatou i te buka Ite e te Traduction du monde nouveau. A faataa i te tuhaa faufaa a te mau Ite no Iehova i roto i te neneiraa i te mau Bibilia na roto e rave rahi reo.—Hiˈo Te Pare Tiairaa o te 15 no Atopa 1997, mau api 11-12.
20 mn: E faaohipa maitai anaˈe i te buka Comment raisonner. Aparauraa ma te mau uiraa e te mau pahonoraa i te mau paratarapha 7-8. A faaite e ua neneihia teie buka no te tauturu ia tatou ia faaineine ia tatou ia manuïa ˈtu â te taviniraa. A faataa nafea ia faaohipa i taua buka ra no te pororaa na roto i te niuniu paraparau. Faahiˈoraa: nafea ia itea mai te tahi mau haamaramaramaraa faufaa no te pahono i te hoê uiraa. A faaitoito i te feia poro atoa ia haamatau i taua buka ra, ia afai i roto i te pororaa e ia faaohipa tamau i te reira.
15 mn: Nafea ia haavî ia ˈna iho i mua i te afata teata? E aparau te hoê matahiapo e te hoê taeae apî o te mataitai i te afata teata e rave rahi hora i te mahana. I te omuaraa, e parau te taeae e e ere i te mea ino. E parau oia e e ravea haamâharaa rohirohi noa teie e aita roa ˈˈe te reira e haafifi ra ia ˈna. E hiˈo faahou mai raua te matahiapo i te mau manaˈo faufaa o te pene 36 o te buka Les jeunes s’interrogent. E faataa oia e e haamâuˈa te mataitai-hua-raa i te afata teata i te taime faufaa o te nehenehe hoi e faataahia no te haapiiraa taitahi, no te pororaa aore ra no te apitiraa i roto i te ohipa a te amuiraa. E haamauruuru te taeae apî i te matahiapo no ta ˈna mau aˈoraa e e haapapu oia e e taui oia i ta ˈna mau peu matauhia no te imi i te mau maitai i te pae varua.
Himene 175 e pure faaotiraa.
Hebedoma o te 4 no Titema
Himene 189
10 mn: Mau parau faaara. “Eaha te parau i te hoê matini pahonoraa niuniu paraparau?”
15 mn: Mau hinaaro o te amuiraa.
20 mn: “Te hoê parau parauhia i te taime mau ra.” Aparauraa e te feia e faaroo ra e te mau faahiˈoraa. Te taiâ ra e rave rahi i te haamata i te tahi mau aparauraa no te mea te manaˈo ra ratou e e titauhia te tahi aravihi taa ê no te manuïa mai. A faataa e e nehenehe tatou paatoa, oia atoa te mau taata anaanatae apî mai e te mau taurearea poro apî, e haamata i te tahi mau aparauraa maoti te mau tutavaraa au noa. A hiˈo faahou i te mau faaiteraa e horoahia ra, a onoono i nia i to ratou huru ohie, i muri iho e rave e piti aore ra e toru feia poro i te mau faahiˈoraa e tano. A hiˈo i Te taviniraa o te Basileia no Mati 1998, api 8, o te horoa ra i te tahi atu â mau faaiteraa maitai. A faaitoito i te feia poro atoa ia tapea i te hoê huru feruriraa maitai ia oaoa hau atu â ratou i roto i ta ratou taviniraa.
Himene 218 e pure faaotiraa.