Putuputuraa no te Taviniraa
Hebedoma o te 9 no Atopa
Himene 11
8 mn: Mau parau faaara. Mau parau faaite e tano o Te taviniraa o te Basileia.
12 mn: “E haapao anaˈe i te mau ohipa faahiahia a te Atua.” Omuaraa parau iti mai i te hoê minuti, e aparauraa ma te mau uiraa e te mau pahonoraa. A huti i te ara-maite-raa i nia i te tahi mau faahohoˈaraa o te buka apî o te faaara i te anaanatae no te parau tohu a Isaia.
25 mn: “Te mileniuma apî—Eaha ta to a muri aˈe e hopoi mai na outou?” Aparauraa anaanatae arataihia e te tiaau no te taviniraa. I muri aˈe i te taioraa i te parau faaara apitihia i te rata o te 3 no Tiurai 2000 i faataehia ˈtu i te mau matahiapo, a horoa hoê Parau apî o te Basileia no 36 na te taata taitahi i tae mai. I muri iho, a hiˈopoa i te tumu parau ma te mau uiraa e te mau pahonoraa. A faaite i te mau faanahoraa i ravehia no te poro taatoa i te tuhaa fenua. A haamanaˈo nafea ia tauturu i te mau taata i anaanatae apî mai e te mau tamarii ia faaî i te mau titauraa no te riro ei mau taata poro bapetizo-ore-hia. Faahiˈoraa: faaiteraa poto. A haamanaˈo e e mea faufaa ia apiti hope mai te taatoaraa i roto i teie opereraa.
Himene 53 e pure faaotiraa.
Hebedoma o te 16 no Atopa
Himene 104
10 mn: Mau parau faaara. Tabula faufaa moni. A haamanaˈo i te mau taata poro e, i te hopea hebedoma, e pûpû tatou i Te Pare Tiairaa e te A ara mai na! e te mau Parau apî o te Basileia no 36 atoa.
15 mn: “Te tahi mau mauhaa no te haapii, no te turai ia ohipa e no te haapaari.” (Mau par. 1 e te 2 anaˈe.) Oreroraa parau. A haamanaˈo poto noa nafea te mau Ite no Iehova i te haamataraa i te taviri i te mau ripene video. (Hiˈo i te buka Prédicateurs, mau api 600-601.) A faaitoito i te taata taitahi ia mataitai i te ripene Les Témoins de Jéhovah: un nom, une organisation no te faaineine i te aparauraa o te hebedoma o te 30 no Atopa. E nehenehe te feia te vai ra ta ratou ripene e horoa ˈtu ia vetahi ê aore ra e mataitai e o ratou.
20 mn: E nehenehe tatou paatoa e faaite i te feruriraa pionie. Aparauraa i rotopu i te hoê taeae faatere i te haapiiraa buka e to ˈna mono, ia au i Te Pare Tiairaa o te 15 no Atopa 1997, mau api 22-23. A haamataratara no te aha mea maitai e ia rahi aˈe te mau pionie i roto i te amuiraa e nafea te taatoaraa e nehenehe ai e paturu i taua fa ra. A faaite i te tahi mau ravea no te faaitoito i te feia e mau pionie ratou i teie nei ia tamau noa i ta ratou taviniraa e a faataa nafea te mau melo atoa o te amuiraa e nehenehe ai e faatupu i te itoito no te taviniraa.
Himene 131 e pure faaotiraa.
Hebedoma o te 23 no Atopa
Himene 150
10 mn: Mau parau faaara.
15 mn: Mau hinaaro o te amuiraa.
20 mn: E faaineine maitai anaˈe i te mau putuputuraa. Oreroraa parau e aparauraa e te feia e faaroo ra. Ua taai-roa-hia te mau maitai ta tatou e fanaˈo ra i te mau putuputuraa i te mau tutavaraa ta tatou e horoa ra no te faaineine i te reira. A hiˈo faahou i te mau manaˈo tauturu mau i horoahia i roto i Te Pare Tiairaa o te 1 no Mati 1998, mau api 15-16, mau par. 8-11. A titau manihini i te feia i putuputu mai ia faataa nafea ratou e turai ai ia ratou no te reira e e itea ˈi te taime no te faaineine maitai ia ratou.
Himene 211 e pure faaotiraa.
Hebedoma o te 30 no Atopa
Himene 167
8 mn: Mau parau faaara. A haamanaˈo i te feia poro ia faahoˈi mai i ta ratou tabula taviniraa no Atopa.
12 mn: Mau tupuraa i farereihia i roto i te opereraa i te mau Parau apî o te Basileia no 36. A ani i te tahi mau taata poro huru rau ia faatia mai i te mau faahopearaa faaitoito i noaa ia ratou e tae roa mai i teie nei i roto i te opereraa i te mau Parau apî o te Basileia no 36. A titau manihini i te tahi mau pionie tauturu e tamau ia faaite i te oaoa ta ratou e fanaˈo ra no te ohipa rahi i ravehia i roto i taua opereraa ra e no te amuimuiraa i te feia poro huru rau e rave rahi.
25 mn: Les Témoins de Jéhovah: un nom, une organisation. Aparauraa e te feia e faaroo ra. A hiˈopoa i te mau uiraa e vai ra i roto i te paratarapha 3 o te tumu parau ra “Te tahi mau mauhaa no te haapii, no te turai ia ohipa e no te haapaari.” A horoa i te tahi mau ravea no te faaohipa i teie ripene no te tauturu i te tahi mau taata i anaanatae i te parau mau ia ite maitai aˈe i ta tatou faanahonahoraa. A faaô mai hoê aore ra e piti tupuraa poto i farereihia.—Hiˈo i Te Pare Tiairaa o te 1 no Atopa 1992, mau api 30-31.
Himene 15 e pure faaotiraa.
Hebedoma o te 6 no Novema
Himene 198
15 mn: Mau parau faaara. Eaha te huru o te opereraa i te mau Parau apî o te Basileia no 36? A faaite ehia rahiraa tuhaa fenua tei porohia e te ohipa e toe ra no te rave taatoa mai teie nei atu e i te 17 no Novema.
20 mn: Eaha ta tatou mau tiaturiraa? E hoˈi faahou te hoê taeae e farerei i te hoê taata i ui atu ia ˈna e: “Nafea te haapiiraa a te mau Ite no Iehova e faataa ê ai ia ratou i te tahi atu mau haapaoraa?” E tauaparau oia no nia i te mau manaˈo o te tumu parau tarenihia i te api 6 o Te Pare Tiairaa o te 1 no Atopa 1998. E faataa oia e aita te tahi atu mau haapaoraa e faaite ra aore ra e farii ra i taua mau haapiiraa Bibilia tumu ra, mea au aˈe na ratou te mau haapiiraa taata.
10 mn: Te himene: te hoê tuhaa faufaa o ta tatou haamoriraa. E tauaparau te hoê taeae faatere i te haapiiraa buka e e piti taata poro no nia i te himene i te mau putuputuraa. Ua ite oia e e himene raua ma te huru mamahu rii. E tauaparau oia no nia i te tahi mau manaˈo o Te Pare Tiairaa o te 1 no Febuare 1997, mau api 26-28. E hiˈopoa ratou i te mau parau o te hoê himene e himenehia i te haapiiraa o Te Pare Tiairaa o te hebedoma, ia au i te mau manaˈo tauturu o Te Pare Tiairaa o te 1 no Tiurai 1999, api 20, par. 12. Ma te haafaufaa i te himene, e faaoraora tatou i te faaiteraa o ta tatou mau arueraa haavare ore ia Iehova.
Himene 223 e pure faaotiraa.